Коми (зыряна) кыв

Коми (зыряна) кыв
Ас ним:	Коми кыв
Муэз:	Рочму
Веськӧтлан статус:	Коми Республика
Баитіссезлӧн лыдыс:	217 000 (2002' во)
Рейтинг:
Кыв увтыррез:	Урал кыввез
Классификация:	Урал котыр Чудь-йӧгра группа Перым увтыр Коми кыв
Гижан системаыс:	кирилл анбур (коми анбур)
Кыв коддэз
ISO 639-1	kv
ISO 639-2	kom
Википедияын
Кыв юкӧт:	[1]
Юкӧтлӧн ним:	Википедия, Мездмöм энциклопедия
Мӧдік кыввез йылісь гижӧттэз

Коми (зыряна) кыв нето рочӧнжык коми-зырянскӧй кыв (аснимыс коми кыв) — коми отир кылыслӧн öт регионісь стандарт, кӧдӧ зорӧтӧны Коми Республикаын. Коми кывлісь мӧд регионісь стандарт – перем коми кыв – видзӧны Перем ладорись Коми кытшын.

Зыряналӧн коми кылыс, коми кыв да, пырӧ урал кыввезлӧн чудь-йӧгра увтырӧ, перым чукӧрас . Торья кыввезын содтассэз агглютинасьӧны, сёрникузялӧн унажыксӧ номинатив тэчас.

Зыряна нёж комиӧн баитӧны 217 сюрс морт.

Ассиныс лыддьӧтан кыв коми зыряна зорӧтӧны XIV вексянь. Кыв вӧлі нормируйтӧм Коми (зыряна) лапӧлын 1918'-1938' воэз сьӧрна. Ӧння гижан нормаэз кодифицируйтӧмӧсь 1938' годӧ.

Зыряналӧн коми кыв лыддисьӧ кыв стандартӧн Коми Республикаын, кытӧн коми отирыс (коми зыряна) баитӧны коми кывлӧн дас диалект вылын да рочӧн. Энія диалекттэз унажыксӧ лоӧны коми кывлӧн зыряна сёрнитаннэзын.

Ассиныс лыддьӧтан кыв лӧсьӧтікӧ зырянаыс подыс туйӧ бӧрйӧмась ойвыв да лунвыв сёрнитаннэз коласісь диалект (Сыктывдін диалект), кӧда вылын баитӧны комиэз Сыктывкарын (зыряналӧн канкар) да сы гӧгӧр. Сэтчӧ содтӧмась нетырман кыввез да кывлад сьӧрті варианттэз мӧдік диалекттэзісь.

Кыв отир оланын

Унажык сы йылісь видзӧт: Коми кыв сьӧрті социолингвистика

Баитіссез

Унажык сы йылісь видзӧт: Коми зыряна кыв вылын баитіссез

Сыктывкарын туй нима пӧв кык кыв вылын

2002' вося гижӧтӧм сьӧрті Роч муын зыряна нёж комиӧн баитӧмась 217 сюрс морт. А быдсӧн зырянаыс – 307 сюрс, сідзкӧ мам кыв тӧдӧны токӧ 70% кыным.

Статус

Унажык сы йылісь видзӧт: Коми зырына кывлӧн статус

Коми Республикалӧн конституция сьӧрті зыряналӧн коми кыв лоӧ роч кывкӧт ордчӧн Коми Республикаын веськӧтлан (каналан) кылӧн. Этія кыв вылӧ веськӧтлан керкуэзын вуджӧтӧны туйдӧттэз, бланккез да мӧдік документтэз. Сы вылын позьӧ баитны татісь парламентын (Каналан Совет) да правительствоын. Республикаись Юралісьыс лыддьӧтӧ ёрдкыв (присяга) медодз комиӧн. Каррезын да посаддэзын нима пӧввесӧ тшӧктӧны ӧшӧтны кык кыв вылын: комиӧн и рочӧн. Коми кыв зорӧтӧм сьӧрті Коми Республикаын лэдзӧма торья программа, уджалышӧ терминнэз да орфография лӧсьӧтан поз.

Куимкывья юӧртӧм Укваын, Коми Республика

Юӧртан везӧт

Унажык сы йылісь видзӧт: Зыряналӧн коми кыв масс-медиаын

Газетаэз

• Коми му
• Йӧлӧга
• Звезда
• Выль туйӧд
• Парма гор
• Доръям асьнымӧс

Радио

• Коми йӧзкостса радио
• Радио "Коми гор"

Телевидз

• Коми телеканаллэз

История

Важ авторрез:

• Истомин Михаил Фёдорович (1821-1862)
• Куратов Иван Алексеевич (1839-1875)
• Лыткин Георгий Степанович (1835-1907)
• Попов Алексей Иванович (1815-1886)
• Попов Андрей Ефимович (1816-1865?)
• Попов Филипп Якимович (1803-1869)
• Цембер Андрей Андреевич (1874-1959)

Фонология

Коми фонология видзӧтӧ, кытшӧм сёрни шыэз эмӧсь коми кылын, кыдз нія вежсьӧны нето асалӧны ӧтамӧднысӧ сёрниын, мыйся шы вынсьӧтан лоӧ аскодяӧн торья коми диалекттэзлӧ нето лыддьӧтан кыввезлӧ.

Шыэз

Зыряналöн коми кылын нія жӧ сёрни шыэз, кыдз и перем коми кыланым. Быдсӧн важ вужья шуаннэзын пантасьӧны 33 торья шы.

Коми кылын сизим тыргора шы:

		пыдына
		матісь	шӧрись	ылісь
лэбтöм	вылына	и	ы	у
	шӧрöдз	э	ö	о
	лажмыта		а

Шума шыэз:

			вылісь тырп		кывйыв		кывшӧр		кывбӧр
			улісь тырп	улісь пиннез	вылісь пиннез	альвеола	палатум одз	палатум бӧр	велум
чаналан	нумган		м		н		нь
	орддян				л		ль
	зэгалан					р
тыр шума	поткӧтан	гортӧм	п		т		ть		к
		гора	б		д		дь		г
	зыртчан	гортӧм		(ф)	с	ш	сь		(х)
		гора		в	з	ж	зь	й
	гартчан	гортӧм			(ц)	тш	ч
		гора				дж	дз

Пасйӧттэз таблича сьӧрті:

1. й, в – джынви тыргора шыэз
2. Шыэз ф, х да ц шуӧны дзир рочись босьтӧм кыввезын. Одзжык ны туйӧ шуисӧ п, к, ч/с (перма, калат, чена, сар)
3. Эна шыэзся ӧння кад кежӧ перем комиэз кужӧны ни роччезлісь босьтӧм кыввезын шыӧтны быдӧс небыт шума шыэсӧ, коть одзжык небыт шума шыэз туйӧ шуисӧ чорыттэсӧ: монастыр, сем, зяб, степ

Шывынсьӧтӧм

Коми (зыряна) кылас шывынсьöтöмыс мезмыт, но унажыксö вынажыкöн овлö медодзза слог.

Коми анбур

А а	Б б	В в	Г г	Д д	Е е	Ё ё	Ж ж
З з	И и	І і	Й й	К к	Л л	М м	Н н
О о	Ӧ ӧ	П п	Р р	С с	Т т	У у	Ф ф
Х х	Ц ц	Ч ч	Ш ш	Щ щ	Ъ ъ	Ы ы	Ь ь
Э э	Ю ю	Я я

Кывлад

Эманим

Унаö лыддян

Унаö лыдян суффикс зыряналöн -яс (= перем коми -эз). Этія суффикс некöр оз вежсьы.

• пуяс 'пуэз'
• понъяс 'поннэз'
• каньястö 'каннетö'
• туйясыс 'туйес'

Асалан

Асалан содтассэз нія жö, кыдз и перем комиын, токö öтікö лыддяна 1' мортінас форма -öй (-ö туйö), а 2' мортінас суффикс помас -д (-т туйö).

• Асалісьыс ӧтік

1. -öй / -м :br>мамӧй ‘мамö’; паньнам
2. -ыд / -т- :br>мамыд ‘мамыт’; паньтö
3. -ыс / -с- :br>мамыс; паньсьыс ‘паньсис’

• Асаліссес унаӧн:

1. -ным:br>мамным; паньнымöс
2. -ныд / -ныт-:br>мамныд ‘мамныт’; паньныд
3. -ныс :br>мамныс; паньнысö

Кöрталан (Падеж)

Коми зыряналöн лыддьöтан кыланыс 16 кöрталан (перем коми кылын 18).

Ордчöтан -ся суффикс зыряналöн абу. Сы туйö гижöны: öт вежöртасын кындзи кывбöр (Илля кындзи ставöн гортын 'Илляся быдöнныс гортын'), мöд вежöртасын петан падежлісь -ысь суффикс (ошкыс мортысь вынаджык 'ошыс мортся вынажык').

Абу зыряналöн и вертикальöт судзан -ви суффикс (сы туйö шуöны -öдз суффикс нето выйöдз кывбöр: пидзöсöдз, пидзöс выйöдз 'пидзöсви')

Мукöд суффикссэзлöн формаэз ассямаöсь:

• -кöд '-кöт': ёрткöд
• -öд '-öт': пызанöд
• -лысь '-лісь': мамлысь
• -ысь '-ись': гортысь
• -лы '-лö': понлы

Вуджан падежас -öд суффиксся эм эшö -ті суффикс: ветлöдлі вöръясті нето ветлöдлі вöръясöд 'ветлöті вöррезöт'.

Сора вежласьöмын торйотан суффикс петӧ асалан суффикс одзö:

• морттöгыс (перем комиöн мортыстöг)

Эна суффикссэзлöн абу домыштöм форма:

• -сянь: вöрсяньыс (ордч. пк. вöрсяняс)
• -лань: вöрланьыс (ордч. пк. вöрсяняс)
• -öд: вöрöдыс (ордч. пк. вöрсяняс)
• -öдз: вöрöдзыс (ордч. пк. вöрсяняс)

Быдöс кöрталан суффикссэз:

Кӧрталан	Содтас	Мезмыт вежласьöм	Сора вежласьöм
под	―	морт	мортыс
видзан	лӧн	мортлӧн	мортыслӧн
босьтан	лысь	мортлысь	мортыслысь
сетан	лы	мортлы	мортыслы
ветлан	ла	мортла	мортысла
керан	ӧс, - / -ö	мортӧс	мортсö
керӧтан	ӧн / на-	мортӧн	мортнас
ӧтувтан	кӧд	морткӧд	мортыскӧд
торйӧтан	тӧг	морттӧг	морттӧгыс
олан	ын / -а-	мортын	мортас
петан	ысь / -сьы-	мортысь	мортсьыс
пыран	ö / -а-	мортӧ	мортас
сибӧтчан	лань	мортлань	мортланьыс
ылынтчан	сянь	мортсянь	мортсяньыс
вуджан	ӧд, ті	мортӧд, мортті	мортöдыс, морттіыс
судзан	ӧдз	мортӧдз	мортӧдзыс

Лыдним

Унажык лыдниммез кыкнан коми стандартын öткодьöсь.

Коми (зыряналöн) ассяма кодя лыдниммез:

• öти 'öтік'
• квайт 'квать'
• кöкъямыс 'кыкьямыс'
• дас öти 'дасöтік'
• кызь 'кыкдас'
• комын 'куимдас'
• нелямын 'нёльдас'
• ветымын 'витдас'
• квайтымын 'кватьдас'

Сьöрся-бöрся лыдниммез аркмöны кодя лыдниммез бердö -öд (= перем коми -öт) суффикс кышалöмöн:

• нёльöд 'нёльöт'
• дас витöд 'дасвитöт'
• кызь квайтöд 'кыкдас кватьöт'

Асмоза аркмöны:

• медводдза 'медодзза'
• мöд 'мöдöдз'
• коймöд 'куимöт'

Кадакыв

Аскодя формаэз:

• позитив аспектын унаö лыддяна 2' мортінсö мыччалö -нныд = перем коми -тö:br>мунанныд 'мунатö', петінныд 'петітö'
• негатив аспектын унаö лыддяна 2' мортінсö мыччалö н (перем комиын татöн шуöны д):br>онö мунöй 'одö мунö', энö петöй 'эдö петö'
• негатив аспектын 1' да 2' мортінас унаö лыддянсö мыччалö öй (= перем коми -ö):br>огö мунöй 'огö мунö', энö петöй 'эдö петö'
• позитив аспектын унаö лыддяна 3' мортінсö мыччалö -сны = перем коми -сö:br>мунасны 'мунасö', петісны 'петісö'
• негатив аспектын унаö лыддяна 3' мортін аркмö структураöн -з -ны = перем коми -з(ö) -ö:br>оз мунны 'озö мунö', эз петны 'эзö петö'.

Зыряналӧн коми кыв туяліссез

Коми зыряна коласісь ассиныс кывнысӧ наука ладӧрсянь туялісӧ кӧркӧ нето ӧні туялӧны:

• Айбабина Евгения Авенировна (*1952)
• Ануфриева Зоя Петровна
• Афанасьев Анатолий Петрович (1935-2004)
• Бараксанов Геннадий Григорьевич (1934–1997)
• Безносикова Люция Михайловна (*1940)
• Габова Татьяна Николаевна
• Гудырева Татьяна Анатольевна
• Гуляев Евгений Семёнович (1928-1977)
• Жилина Татьяна Ивановна
• Забоева Надежда Кимовна (*1961)
• Игушев Евгений Александрович (*1939)
• Карманова Альбина Николаевна (*1940)
• Кипрушева Анастасия Ивановна (1904-1977)
• Колегова Нина Андреевна (1913-2006)
• Коснырева Раиса Ивановна (*1955)
• Лудыкова Валентина Матвеевна (1956)
• Лыткин Илля Вась (1895-1981)
• Ляшев Владимир Александрович (1942-1999)
• Манова Надежда Дмитриевна (*1947)
• Молодцов Сандрö Васьö (1886-1940)
• Мусанов Алексей Геннадьевич (*1971)
• Некрасова Галина Александровна (*1958)
• Подорова Агния Ивановна (1901-1972)
• Понарядов Вадим Васильевич (*1973)
• Попова Элеонора Николаевна (*1952)
• Прокушева Тамара Ивановна (*1949)
• Пунегова Галина Васильевна
• Ракин Анатолий Николаевич (*1949)
• Сажина Светлана Александровна
• Сахарова Марфа Александровна (1913-2004)
• Сельков Николай Никитич (1911-1992)
• Сидоров Алексей Семёнович (1892-1953)
• Сорвачева Валентина Александровна (1923-1977)
• Тимушев Дмитрий Андреевич (1900-1970)
• Туркин Адольф Иванович (1936-1996)
• Федина Марина Серафимовна
• Федюнёва Галина Валерьяновна (*1953)
• Цыпанов Евгений Александрович (*1960)

Коми кыв сьӧрті велӧтан небӧггесӧ гижисӧ и гижӧны велӧтіссез да методисттэз:

• Артемова Елизавета Григорьевна
• Грабежова Валентина Михайловна
• Заславский А.И.
• Изъюрова Ольга Ивановна
• Каракчиева Надежда Ильинична
• Карманова Тамара Ивановна
• Конин Михаил Дмитриевич
• Коновалов Степан Николаевич
• Костромина Ия Николаевна
• Кузиванова Екатерина Александровна
• Мальцева О.А.
• Меньшикова Елизавета Андреевна
• Молодцова Мария Александровна
• Моторина Любовь Алексеевна
• Плоскова Мария Алексеевна
• Полякова Эльвира Ивановна
• Попов Фёдор Фёдорович
• Разманов Иван Иванович (1902-1932)
• Сажина Маргарита Ивановна (1929-2000)
• Тарабукин Иван Иванович (1902-1980)
• Терентьев Г.И.
• Туркин Константин Иванович (1902-1971)
• Хозяинова Галина Валериановна (1957)

Видзӧт сідзжӧ

• Молодцов анбур
• Перем коми кыв
• Коми диалекттэз
• Зыряналӧн коми литература

Ӧшмӧссэз

• Коми язык. Энциклопедия / Отв. ред. Г.В. Федюнёва. М., 1998. 608 c. ISBN 5-7903-0045-6
• Ӧння коми кыв. Морфология. Сыктывкар, 2000. 544 лб. ISBN 5-7555-0689-2

Ыстӧттез

• В.И.Лыткин. Древнейшие русские заимствования в Коми языке
• Коми кыв йыліԍь фото11 сайтын
• Коми кыв Тарабукина Зинаида сайтын
• Комии-роч кывкуд Койгорт сайтын
• Коми Республикаса топонимика кывкуд