Коми Республика

Коми Республика (роч. Республика Коми) — Роч Федерация видзантор. Куйлӧ Европа ойвыв-асыввылын, Урал одзын, Печора, Эжва да Мозын юэз бассейнын.

Коми Республика
'Коми Ӧтувкан'

Вужпас	Дӧрапас
Канму	Роч Федерация
Статус	республика
Ыджытжык регион	Ойвыв-Рытвыв федерал кытш
Янсалӧм	5 каркытш, 15 район
Веськӧтлан шӧрин	Сыктывкар
Медыджыт каррез	Уква, Ускар, Вӧркута, Инта
Аркман кад	1921' август 22' лун' во
Юралысь	Уйба Владимир Викторович
БПЛ (2008 во) Морт вывся БПЛ	295600000000 306900
Веськöтлан кыввез	коми, роч
Оліссез (2010 во)	951155 (54-ӧт места)
Оліссезлӧн тшӧкыта	2.3 морт/км²
Чужанвуж сьӧрті тэчас	комиэз, роччез
Эскан сьӧрті тэчас	Буркывья вичку
Мувывтор	416774 км² (Ва-0.3 %, 13-ӧт места)
Кад кытш	UTS +3
Телефон код	+7 821
Пошта индекссэз	167000-167999
Автомобиль код	11, 111
Веськöтланлöн сайт

Коми Республика — коми отирлӧн чужан му. Коми йӧзыслӧн мӧд горт — Перем ладорись Коми кытш, куйлӧ Коми Республикасяняс лунвылынжык.

Коми Республикалӧн мувывтор — 415,9 сюрс км². Оліссес — 951,2 сюрс морт (2010), ны коласын комиэз — 25,2%. Канкарыс — Сыктывкар, кытӧн олӧ республика йӧзісь нёльӧт тор.

Республика янсалӧ 20 юкӧт вылӧ — 5 каркытш (Сыктывкар, Вӧркута, Инта, Уква, Ускар) да 15 муниципал район: Вуктыл, Изьва, Емва, Емдін, Койгорт, Кӧрткерӧс, Кулӧмдін, Луздор, Мылдін, Печора, Сӧснагорт, Сыктыв, Сыктывдін, Удора да Чилимдін.

Республикаын 10 кар: Вӧркута, Вуктыл, Емва, Инта, Микунь, Печора, Сӧснагорт (Сосногорск), Сыктывкар, Ускар (Усинск), Уква (Ухта).

Нысся эмӧсь 37 карок да 762-а посад кодь оланіннэз: посёлоккез, посаддэз (татӧн нійӧ шуӧны сикттэзӧн) да грезддэз (деревняэз).

Коми Республикаыс аркмӧма 1921' годӧ август 22' лунӧ. Медодз сія статус сьӧрті вӧлӧма асвеськӧтлан лапӧлӧн (областьӧн) РСФСР тэчасын, 1929'—1936' воэзӧ недыр кежӧ сійӧ сюйлӧмась Ойвыв ладорӧ (крайӧ), но 1936 во бӧрын сія лэбтісьӧма Коми АССР-ӧдз, 1990' годӧ босьтіс статус ССР, а 1992' воын нимтіс асьсӧ Коми Республика и лоис Роч Федерация видзанторӧн (субъектӧн).

Медыджыт мортӧн Коми Республикаын лыддисьӧ Мӧсквасянь иньдӧм Юралісь. Туйдӧттэз лӧсьӧтан органӧн лоӧ Каналан сӧвет, кытчӧ баитіссесӧ бӧрйӧны республикаын оліссез. Юралісь да Каналан сӧвет бӧрйӧны Коми Республикалӧ веськӧтлан (правительство), кытӧн пукалӧны министррез. Медодзза юралісьӧн Коми Республикаын 1994'—2000' воэзӧ вӧлі Спиридонов Юрий, сы бӧрын 2001'—2009' годдэзӧ — Торлопов Ладимир. Ӧні, 2010' вося январсянь, юралісьын пукалӧ Гайзер Вячеслав.

Республикаыс олӧ Мӧсква кад сьӧрті: муюгыт (Гринвидз) кад + 3 час (гожумнас + 4 час), Урал кад — 2 час.

Сьӧм туйӧ Коми Республикаын бергалӧ роч шать. 1 шать = 100 ур.

Ним

Коми республика рочӧн шусьӧ Республика Коми, инглиш кыв вылын — Komi Republic.

Юраліссез нимтӧмась республикасӧ медодз Коми (зырянскӧй) автономнӧй область, комиӧн эта лоӧ Коми (зыряналӧн) асвеськӧтлан лапӧв. 1936' воын сія пондіс шусьыны Коми Автономнӧй Советскӧй Социалистическӧй Республика (комиӧнжык кӧ керны Советтэзын социализм видзись комиэзлӧн асвеськӧтлан республика; дженыта — Коми АССР). 1990' годӧ этія кузь нимсис шупкӧмась автономнӧй (асвеськӧтлан) тор, а 1992' воын Коми республика босьтіс аслыс ӧння нимсӧ.

Коми кыв тудӧттэз сьӧрті тӧдмӧтаныс кывтэчасын пыр суалалӧ одзын: «Кытшӧм республика?» – «Коми республика». Роч кылын жӧ сэтшӧм туйдӧт абу, сійӧн и Республика кылыс нылӧн сулалӧ Коми шуан бӧрын.

Ассис нимсӧ республикаыс босьтӧма татӧн важынсянь олісь коми отир ним сьӧрті, кӧда понда сія и вӧлі лӧсьӧтӧм.

Статус

Унажык сы йылісь видзӧт: Коми республикалӧн статус

Ӧння статус Коми республикаыслӧ гижӧмась Роч Федерация да Коми Республика асланыс Конституцияэзын. Ны сьӧрті Коми республика лоӧ Роч Федерациялӧ субъектӧн.

Янсалöм

Унажык сы йылісь видзӧт: Коми республикалӧн янсалӧм

Коми республикаӧ пырӧны 15 район да 5 кар кытш.

Районнэз сэтшӧмӧсь:

Районлӧн ним	Ыджда (км2)	Отир лыд (сюрс морт)	Кыным олан ин	Шӧрин
Вуктыл	22 480	16,2	11	Вуктыл
Емва	25 080	25,6	48	Емва
Емдін	4 775	31,2	53	Айкатыла
Изьва	18 420	19,7	34	Изьва
Кӧрткерӧс	19 760	22,5	53	Кӧрткерӧс
Койгорт	10 416	9,1	21	Койгорт
Кулӧмдін	26 200	30,2	63	Кулӧмдін
Луздор	13 168	22,4	91	Абьячой
Мылдін	40 700	15,6	34	Мылдін
Печора	28 900	62,0	32	Печора
Сӧснагорт	16 500	49,2	21	Сӧснагорт
Сыктыв	6 250	15,8	79	Визин
Сыктывдін	7 405	24,6	49	Выльгорт
Удора	35 800	23,1	55	Кослан
Чилимдін	42 500	13,9	37	Чилимдін

Кар кытшшез (муниципал юкӧттэз) мыччалӧмӧсь татӧн:

Кытшлӧн ним	Ыджда (км2)	Отир лыд (морт)	Вужпас
Вӧркута	24 400	116 938
Инта	30 100	40 032
Сыктывкар	152	230 980
Ускар	30 600	51 406
Уква	10 300	127 100

Му-видз уджалан 11 район лыддисьӧны коми муэзӧн, Чилимдін районын важынсянь олӧны сваль роччез. 3 кар районын (Сӧснагорт, Вуктыл, Печора) да каркытшшезын унажыксӧ олӧны роч отир да мӧдік вовліссез.

Быд районын да каркытшын эм отирсянь бӧрйӧм юралісьыс да советыс. Нія лӧсьӧтӧны районлыслӧ бюджет да видзӧтӧны асланас мувывторын кӧзяйство да культура зорӧтӧм сьӧрын.

Районнэз асьныс янсасьӧны поснитжык муниципал юкӧттэз вылӧ, быдсӧн эмӧсь 16 карму да 175 посадму.

География

Унажык сы йылісь видзӧт: Коми республикалӧн география

Коми республика куйлӧ Европа ой-асыввыв пельӧсын, Роч му ойвылын, Урал керӧссэз одзын, Печора, Изьва, Эжва, Висер, Сыктыв, Ву да Мозын юэз пӧлӧн.

Коми республика олӧ II час отын, неӧткодьыс Коми кытшыскӧт — -2 час.

Муыс республикалӧн 415,9 сюрс км² пасьта, этія лоӧ Роч Федерацияись 2,44%. Коми отирлӧн ойвыв гортыс ыджытжык сэтшӧм канмуэзся кыдз Германия, Италья нето Суоми. А Коми кытш ыжда регионнэз вермасӧ тӧрны Коми республикӧ невна не 13-а.

Ойвывсянь лунланьӧ республика нюжалӧ 785 км, рытвывсянь асывланьӧ — 695 км, медкузь визь позьӧ нюжӧтны лун-рытвывсянь ой-асыввылӧ, сідз петӧ 1275 км.

Республикаыс куйлӧ вылын паськытаэзын. Сылӧн медылісь чутоккез: ойвылын — 68°25′ о. п., лунвылын — 59°12′ о. п., рытвылын — 45°25′ а. к. да асыввылын — 66°15′ а. к.

Лунвылас Коми республикакӧт ордчӧн куйлӧ коми йӧзыслӧн мӧд горт — Коми кытш да Перем ладор, кытчӧ миян кытшыс ӧні пырӧ, лун-асыввылын – Свердлов лапӧв, асыввылын — Ханты-Манси (Йӧгралӧн) асвеськӧтлан кытш да Ямалісь яраннэзлӧн асвеськӧтлан кытш. Ойвылын республика межаасьӧ Яраннэз кытшкӧт, а рытвылын — Кардор лапӧвкӧт, кытчӧ этія кытшыс пырӧ. Лун-рытвылас Коми республикакӧт ордчӧн куйлӧ Киров лапӧв.

Лунвывся визирыс мунӧ Ойвыв мыссэз кузя, асыввывся — Урал керӧссэз кузя.

Отир

Унажык сы йылісь видзӧт: Коми республикалӧн демография

• Оліссез: 975 000 (2006 во пом кежӧ)
  • Карын: 75,7 %
  • Посадын: 24,3 %
• Инькаэз 1000 айморт вылӧ: 1106
• Шӧрӧт арлыд: 34,5 во
  • Карын оліссез: 33,7 во
  • Посадын оліссез: 36,8 во
  • Айморттэз: 32,3 во
  • Инькаэз: 36,8 во
• Кыным асторья гортвидзӧм: 381 626 (992 612 морт вылӧ)
  • Карын: 289 854 (749 329 морт вылӧ)
  • Посадын: 91 772 (243 283 морт вылӧ)
• Лысин видзӧм сьӧрті статистика (2005 во)
  • Шогмӧм: 10 975 (шогмӧм сьӧрті коэффициент 11,1)
  • Кулӧм: 15 074 (кулӧм сьӧрті коэффициент 15,2)

• Оліссез чужанвуж сьӧрті:

	1926 вося гижӧтӧм	1939 вося гижӧтӧм	1959 вося гижӧтӧм	1970 вося гижӧтӧм	1979 вося гижӧтӧм	1989 вося гижӧтӧм	2002 вося гижӧтӧм
Комиэз	191 245 (92,2 %)	231 301 (72,5 %)	245 074 (30,4 %)	276 178 (28,6 %)	280 798 (25,3 %)	291 542 (23,3 %)	256 464 (25,2 %)
Роччез	13 731 (6,6 %)	70 226 (22,0 %)	389 995 (48,4 %)	512 203 (53,1 %)	629 523 (56,7 %)	721 780 (57,7 %)	607 021 (59,6 %)
Украинса	34 (0,0 %)	6010 (1,9 %)	80 132 (9,9 %)	82 955 (8,6 %)	94 154 (8,5 %)	104 170 (8,3 %)	62 115 (6,1 %)
Беларуссэз	11 (0,0 %)	3323 (1,0 %)	22 339 (2,8 %)	24 706 (3,1 %)	24 763 (2,2 %)	26 730 (2,1 %)	15 212 (1,5 %)
Тотара	32 (0,0 %)	709 (0,2 %)	8459 (1,0 %)	11 906 (1,5 %)	17 836 (1,6 %)	25 980 (2,1 %)	15 680 (1,5 %)
Яраннэз	15 (0,0 %)	2617 (0,8 %)	19 805 (2,5 %)	14 647 (1,8 %)	13 339 (1,2 %)	12 866 (1,0 %)	9246 (0,9 %)
Мӧдіккез	2246 (1,1 %)	4810 (1,5 %)	40 395 (5,0 %)	42 207 (4,4 %)	49 948 (4,5 %)	67 779 (5,4 %)	52 936 (5,2 %)

Видзöт сідзжö

• Перем ладорись Коми кытш
• Коми зыряна
• Коми отир
• Коми кыв
• Удмурт Республика

Öшмöссэз

• Бондаренко, О. Е. Коми нэм. Чужан мулӧн да войтырлӧн история важ кадсянь ӧнія лунъясӧдз. Шӧр школалы велӧдчан отсӧг / О. Е. Бондаренко, Т. М. Хорунжая, Е. А. Цыпанов. ― Сыктывкар, 2000.
• Жеребцов, И. Л. Где ты живешь: Населенные пункты Республики Коми. Историко-демографический справочник / И. Л. Жеребцов. ― Сыктывкар, 2000.
• Коми войтыр: культура да история йылысь дженьыд серпаскывъяс. Сыктывкар, 2008. ISBN 978-963-9876-02-6.
• История Коми. С древнейших времен до конца ХХ века : в 2 т. / под общ. ред. А. Ф. Сметанина. ― Сыктывкар, 2004.
• Республика Коми ― 80 лет : очерки, посвященные 80-летию государственности Республики Коми в составе Российской Федерации. ― Сыктывкар, 2001.
• Республика Коми : энциклопедия : в 3 т. ― Сыктывкар, 1997-2000.
• Связь времен. [История Республики Коми в лицах] / составители И. Л. Жеребцов, М. И. Курочкин. ― Сыктывкар, 2000.