Чукотка кытш

Чукотка кытш нето Чукоткаись асъюралан кытш (рочӧнжык Чукотскӧй автономнӧй округ) — луораветлан отирлӧн горт му, Роч Федерация видзантор. Пырӧ Ылісь Асыввыв федерал кытшӧ.

Чукоткаись асъюралан кытш
Чукоткакэн автономныкэн округ
Чукотский автономный округ

Вужпас	Дӧрапас
Канму	Роч Федерация
Статус	асъюралан кытш
Ыджытжык регион	Ылісь Асыввыв федерал кытш
Янсалӧм	1 кар кытш, 5 район
Веськӧтлан шӧрин	Кагыргын
Аркман кад	1930' декаб 10' лун' во
Губернатор	Копин Роман Валентинович
БПЛ (2008 во) Морт вывся БПЛ	30,7 млрд 615,3 сюрс
Веськöтлан кыв	роч
Оліссез (2010 во)	50 500 (82-ӧт места)
Оліссезлӧн тшӧкыта	0,07 морт/км²
Чужанвуж сьӧрті тэчас	роччез, лораветланнэз, украинса
Мувывтор	721 481 км² (ва - 0,5 %, 3,3-ӧт места)
Кад кытш	UTC+12 (гожумнас 13), Урал кад +6
Телефон код	+7 427
Пошта индекссэз	689000–689999
Автомобиль код	87
Веськöтланлöн сайт

Канкарыс – Кагыргын.

Чукотка кытшыс вӧлі лӧсьӧтӧм 1930' декаб 10' лунӧ медодз Камчатка лапӧв пытшкын, 1953' восянь вӧлі Магадан лапӧлын, кӧдаись сія петіс 1992' юль 16' лунӧ. Сэксянь кытшыс веськыта сулалӧ Роч Федерация кипод увтын.

География

Чукотка кытш куйлӧ Азия ойвыв-асыввыв помын, Роч Ылісь Асыввылас, Чукотка кӧджын да ордча дiэз вылын (Врангель, Айон, Ратманов да мук.).

Ойвылас сія петӧ Асывыв Сибир да Чукотка саридззез дорӧ, лунвылас — Беринг саридз дорӧ.

Асыввылас ордчӧн куйлӧ Якутму, лунвылас — Магадан лапӧв да Камчатка ладор.

Рытвылас, Беринг вис сайын куйлӧ Америкалӧн Аляска штат.

Медыджыт юэз — Кагыргын (вожжес Майн, Белӧй, Танюрер), Омолон, Великӧй, Амгуэма, Ыджыт да учӧт Анюи.

Медпаськыт тыэз — Краснӧй, Эльгыгытгын, Пекульня. Эльгыгытгын тыыс — уникум, кӧдӧ туялікӧ позьӧ тӧдны, кытшӧм климат вӧлі му вылын уна сюрс во одзті.

Кытшын эм вӧр-ва дорьянін Врангель ді вылын.

Климат

Чукотка кытш унажыкнас куйлӧ Ойвыв полюс кытш сайын. Сійӧн и климатыс татӧн лёк, субарктикася, вадӧррезын – шӧркодь саридз климат, пытшкись районнэзын – континентвывся. Тöвся кад кыссьӧ 10 тӧлісь дырна.

Январын шӧркодя овлӧ −15 °C-сянь −39 °C-ӧдз, юль коста +5 °C-сянь +10 °C-ӧдз. Енӧжваыс усьӧ 200—500 мм во сьӧрна.

Быдмассэз олан кад кытш лунвылас 80—100 лун. Быдлаын адззан пыр кын му.

Колана шедтассэз

Чукотка кытшын эмӧсь быдкодь колана шедтассэз: мусир, мугаз, изшом, зарни, озісь, вольфрам, ртуть.

Медыджыт куйлассэз:

• зарни рудалӧн — Купол, Май куйлас, Каральвеем
• киссьӧм зарнилӧн — Рывеем, Пильхинкууль, Каральвеем
• озісь рудалӧн — Пыркакай штокверккез, Иультин, Валькумей
• вольфрамлӧн — Иультин
• шомлӧн — Кагыргын (бурӧй шомыс), Беринг (изшом куйлас)

Отир

Чукотка кытшын олӧны 49,5 сюрс морт (2009). Отирыслӧн топыта шӧркодяс — 0,07 морт/км², карын оліссес — 66,4 % (2009). 1990' воэзӧ морт лыдыс чинӧма куимись, нетатіссез унаӧн мунісӧ да. Сыбӧрын лыдыс эзжык понды вежсьыны.

1939' восянь отирсö гижöтікö чужанвуж сьöрті тэчас кытшас вöлі сэтшöм (сюрс морт):

	1939	1959	1970	1979	1989	2002
Чукчаэз	12,111 (56.2%)	9,975 (21.4%)	11,001 (10.9%)	11,292 (8.1%)	11,914 (7.3%)	12,622 (23.5%)
Чуваннэз					944 (0.6%)	951 (1.8%)
Юитэз	800 (3.7%)	1,064 (2.3%)	1,149 (1.1%)	1,278 (0.9%)	1,452 (0.9%)	1,534 (2.9%)
Эвöннез	817 (3.8%)	820 (1.8%)	1,061 (1.0%)	969 (0.7%)	1,336 (0.8%)	1,407 (2.6%)
Роччез	5,183 (24.1%)	28,318 (60.7%)	70,531 (69.7%)	96,424 (68.9%)	108,297 (66.1%)	27,918 (51.9%)
Украинса	571 (2.7%)	3,543 (7.6%)	10,393 (10.3%)	20,122 (14.4%)	27,600 (16.8%)	4,960 (9.2%)
Мöдіккез	2,055 (9.5%)	2,969 (6.4%)	7,049 (7.0%)	9,859 (7.0%)	12,391 (7.6%)	4,432 (8.2%)
Быдсöн	21,537	46,689	101,194	139,944	163,934	53,824

Янсалӧм

Чукотка кытшын квать район да öтік каркытш.

Районнэз:

1. Кагыргын район
2. Билибин район
3. Иультин район
4. Провиденнё район
5. Чаун район
6. Чукотка район

Кар кытш:

• Кагыргын

Веськӧтлан

Чукотка кытшын юралö губернатор. Асъюралöм дырни губернаторрес вöлöмась куима. Медгора нимаыс — роч олигарх Абрамович Роман Аркадьевич. Чукотка кытшись öння губернаторсö, Копин Роман Валентиновичöс, кытшлöн дума бöрйис Рочму президент Д.А.Медведев вöзйöм сьöрті 2008' годö юль 13' лунö.

Чукотка кытшлöн губернаторрез
1991 — 2000	А. В. Назаров
2000 — 2008	Р. А. Абрамович
2008 — ӧнӧдз	Р. В. Копин

Ыстӧттэз

• Чукотка кытш веськöтланлöн сайт (рочöн)

• Чукоткаись асъюралан кытшлöн туйдöттэз (рочöн)

• Чукотка кытш йылісь юöртан каталогын «Быдöс Рочму» (рочöн)
• Чукоткалöн шуд да эмбур (рочöн)