Ӧльӧк (Кудымкар район)

Ӧльӧ́к (мукӧдыс шуӧны Алёкова нето Алёковчи) – Перем ладорись Коми кытшын, Кудымкар районсис Йӧг посадмуын грезд.

Ӧльӧк Алеково
Му:	Рочму
Статус:	грезд
ладор:	Перем ладор
район:	Кудымкар район
Инлыдпассэс:	59°07′58″ с. ш. 54°41′16″ в. д.
Веськӧтлан кыв	коми, роч
Отир лыд	153 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619567
Авто нумерӧ содтӧт:	59, 81

География

Ӧльӧкыс сулалӧ Шорйӧг (Кукушка?) ю дорын, Кудымкарсянь ойвылӧ 10 км ылынаын (туй кузя кö мунны, петö 16 км).

Ӧльӧксянь рытвылын топ сулалö Мартин грезд, асыввылын – Мурмар.

Ордча ландшафттэз:

• Бабажеклог – видз
• Ягыб – ыб

Вöрын олöны ошшез, руччез, кöччез, ёжжез.

Туйез

Ӧльӧкын öні лыддьöны квать туй да öтік туйколас :

Коми ним	Роч ним
Вапöлöн туй	ул. Набережная
Видз туйколас	пер. Луговой
Виль туй	ул. Новая
Колхоз туй	ул. Колхозная
Медшöр туй	ул. Центральная
Ӧльӧк туй	ул. Алековская
Спир Öмель туй	ул. Спирь-Емель

Ныись медыджыт туйöн лыддисьö Колхоз туй.

Веськöтлан

Ӧні Ӧльӧкыс пырӧ Йӧг посадмуӧ, одзжык сія оліс Мижуй сельсоветын. А эта вотӧдз татон вӧлі асланыс сельсоветлӧн шӧрин.

Не страроста, не участковöй, не почта керку грездын абу.

Отир

Олöны Ӧльӧкын öльöко́вчи. 2009' во пондӧтчикӧ нійö лыддьöмась 153 лов, а горттэз грездас вöлöмась 47-а.

Оліссес комиöсь, баитöны комиöн.

Унажык отирыс гишшöны Сыстеров, Петров, Канюков .

Кöзяйство да быт

Грездын эм ферма, вузалöны йöв. Складын видзöны пизь.

Отирыс вöралöны да чериалöны, тшакьялöны да ягöдалöны, öктöны веськöтчан туруннэз.

Ӧльӧк пырйöт мунö бур туй. Быд час ветлö автобус. Уна отирлöн эм ас машинаэз.

Öльöковчи вермöны видзöтны телевизор да кывзыны радио, грездсянь позьö баитны мобильник пыр.

Ӧльӧкын осьтöм Йöг сельполöн лавка.

Быт службаэз абуöсь, шырсьыны да мый да отир ветлöны Кудымкарöдз.

Грездын эм пельшöр пункт.

Культура

Ӧльӧкын эм челядьсад, но асланыс школа абу. Челядь ветлöны велöтчыны Мижуйö.

Эм клуб, но кытшоккез осьтöны токö гожумнас.

Лыддьöтан

• Коми-Пермяцкий национальный округ. Москва-Ленинград, 1948.
• Петрова А. С. Гижöм. Перем, 2011.