Мижуй (Кудымкар район)

Мижу́й – Перем ладорись Коми кытшын, Кудымкар районсис Йӧг посадмуын ыджыт грезд (деревня).

Мижуй Мижуево
Му:	Рочму
Статус:	грезд
ладор:	Перем ладор
район:	Кудымкар район
Инлыдпассэс:	59°09′50″ с. ш. 54°42′16″ в. д.
Веськӧтлан кыв	коми, роч
Отир лыд	289 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619567
Авто нумерӧ содтӧт:	59, 81

Ним йылісь

Мижуй грезд шусьö сідз натьтö Мижуй нимкодь сьöрті. Мижуйнас коми отир нимкодялö жаг мортöс.

Файл:Мижуй1.jpg

Мижуйын

Файл:Мижуй. Культура керку.jpg

Культура керку

Файл:Мижуй. Медшöр туй.jpg

Медшöр туй

Файл:Мижуй. Том туй.jpg

Том туй

Файл:Мижуй. Сад туй.jpg

Сад туй

Файл:Мижуй. Колхоз туй.jpg

Колхоз туй

Файл:Мижуй. Вапöлöн туй.jpg

Вапöлöн туй

Файл:Мижуй. Сюкосьтанін.jpg

Сюкосьтанін

Файл:Мижуй. Казьтыланін.jpg

Казьтыланін

Файл:Мижуй. Почта керку.jpg

Почта керку

География

Мижуйыс сулалӧ Йӧгва ю шульга вадöрын, Кудымкарсянь ойвылӧ 18 км ылынаын (автобусöн кö мунны, локтан 30 минутаöн).

Грезд кузя котöртö Чукыльшор, кöдö мижуёвса шуöны дженытика Шор.

Ордча грезддэз

Мижуйсянь рытвылын, Йӧгва саяс топ сулалӧ Ермак грезд. Йӧгва кузя кӧ каян – петӧ Гурин, лэдзчан кӧ – Педӧт грезд. Чукыльшор кузя кӧ кайны, петан Чукыль грезд дынӧ, кöдö эшö шуöны Важ Чукыль.

Мувевдöр

Ордча рельефын тöдчöны ыббез – Онокыб, Ермакыб, видззез – Нюр, Вöвйöр, вöр – Раск.

Пода да быдмассэз

Вöрын олöны руччез, кöччез, таррез. Дзоридза быдмассэзісь медуна пантасьöны пикан, пистик, шышыбар, катшасин, горадзуль.

Янсалӧм

Мижуй грездын куим тор :

• Важ Мижуй
• Виль Мижуй
• Онок

Туйез

Мижуйын öні лыддьöны сизим туй да öтік туйколас :

Коми ним	Роч ним
Аноков туй	ул. Анокова
Вапöлöн туй	ул. Набережная
Колхоз туй	ул. Колхозная
Медшöр туй	ул. Центральная
Сад туй	ул. Садовая
Том туй	ул. Молодежная
Юдор туй	ул. Речная
Юдор туйколас	пер. Речной

Ныись медыджыт туйöн лыддисьö Медшöр туй.

Веськöтлан

Ӧні Мижуйыс пырӧ Йӧг посадмуӧ, одзжык татӧн вӧлі Мижуй сельсоветлӧн шӧрин.

Грездын эм почта керку, но не староста, не милиция татöн абу.

Отир

2009' во пондӧтчикӧ Мижуйын олісӧ 289 морт, кӧдна видзисӧ 81 горт. Отирыс шусьӧны мижуёвчи нето мижуёвса (öтік морт – мижуёвскöй).

Памиллёэз коласын медуна Кетоввез, Тупицыннэз, Сыстероввез.

Оліссез комиöсь, баитöны комиöн.

Кӧзяйство да быт

Мижуйын – Киров нима колхозлӧн контора. Этія колхозыс аркмис 1961' годӧ, куим ордча колхоз ӧтлаӧтӧм бӧрын. А одзжык эта ладорын вӧлісö 11 колхоз.

Грездын эм йöв вузалан ферма. Колхозыслöн эм гараж.

Отирыс видзöны пода да мошшез, быдтöны сю да карч.

Мижуёвса озö вöралö, но гожумöн чериавлöны Йöгваын: вугыррезöн кыйлöны комöс (хариусöс), арöс, шулюмöс. Сэсся ягöдалöны да тшакьялöны.

Асфальтöн вевттьöм токö Медшöр туй, мöдік туйез – куш му.

Автобус быд лун керö нёль рейсöн, но уна отирлöн эм ас машинаэз.

Мижуйын кык магазин, öтыс – Йöгись сельполöн, мöдыс – асторья.

Мижуёвса вермöны видзöтны телевизор да кывзыны радио. Грездсянь позьö баитны мобильник пыр.

Быт службаэз абу, шырсьыны да мый да отирыс ветлöны Кудымкарöдз.

Грездын эм медпункт.

Кулöммезöс мижуёвса дзебöны Йöгас.

Культура

Быд челядёк олö Мижуёвскöй челядь садын.

Мижуёвчилӧн челядь велӧтчӧны Гуринын.

Эшō эм клуб, кытöн отир быд деревняись чулöтöны кад. Томмез понда лöсьöтöны дискотекаэз. Клубын эм библиотека. Уджалöны гöрдззисьöм да сьылöм сьöрті кытшоккез.

Отирыс порйöтлöны öтласа празьниккез, вильгод, масленича.

Эм фольклор мыччалісь коллектив.

Юрбытны мижуёвса ветлöны Йöгö нето Кудымкарö.

Гора нима отир

• Кетов Валерий Петрович - колхозын кöркöся юралісь

Казьмöтаннэз да сингажöтаннэз

• Ыджыт косясянын усьöм земляккезöс казьтыланін.

Ордча ландшафттэз да вöр-ва

Юдор (Заречнöй?) туй дын котöртö Йöгва ю, увланьжык сыö йитсьö ключ.

Ӧшмӧссэз

• Кетова М. Н. Гижöм. Перем, 2011.
• Коми-Пермяцкий автономный округ на рубеже веков. Кудымкар, 2000. ISBN 5-87901-051-1
• Васькина Т. А. Висьтасьӧм. Кудымкар, 2010.
• Шумилов Е. Н. Твоя малая родина: Краткий историко-топонимический справочник. 4-е изд., испр. и доп. Пермь, 2005.