Чукыль (Кудымкар район)

Чу́кыль (рочӧнжык Чукылё́ва) – Перем ладорись Коми кытшын, Кудымкар районсис Йӧг посадмуын грезд (деревня).

Чукыль Чукылево
Му:	Рочму
Статус:	грезд
ладор:	Перем ладор
район:	Кудымкар район
Инлыдпассэс:	59°10′45″ с. ш. 54°43′07″ в. д.
Веськӧтлан кыв	коми, роч
Отир лыд	32 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619567
Авто нумерӧ содтӧт:	59, 81

Ним йылісь

Чукыль грездсö сідзжö шуöны Важ Чукыль.

География

Чукыль грездыс сулалӧ Чукыльшор ю дорын, Кудымкарсянь ойвыв-асыввылӧ 21 км ылынаын.

Медматын грезд да кöркöся сельсоветлöн шöрин Мижуй, сулалö Чукыльсяняс лунвылас, шор кузя кывтыт 1,7 км ылынаын. Мижуйыс Чукыльсянь бура тыдалö.

Рытвылас 1,6 км ылынаын, Йöгва дорын сулалö мöдік ыджыт грезд Гурина, асыввылас сы ылынаын жö адззам учöтик Сенькашор грезд. Ойвылас, Чукыльшор кузя катыт кö 2 км каян, локтан Виль Чукыльö, кöда Ошыб посадмуö ни пырö.

Чукыльöт мунö туй Мижуйсянь Ӧсипöдз. Öсипыс сулалö Чукыль грездсянь асыввылö 3,5 км ылынаын (туй кузя кö 4,2 км).

Чукыль гöгöрас унажыксö видззез да ыббез. Вöрыс токö öті-öті быдмö. Вöррез сораöсь.

Веськöтлан

Ӧні Чукыльыс пырӧ Йӧг посадмуӧ, одзжык вӧлі Мижуй сельсоветын.

Отир

Чукыльын олöны чукылё́вса нето чукылё́вчи (öтік мортсö шуöны чукылё́вись нето чукылё́вскöй). 2009' во пондӧтчикӧ чукылёвса вöлöмась 32 морт, кӧдна видзисӧ 15 горт.

Отирыс комиöсь, баитöны комиöн.

Унажыкыс гишшöны сідз:

• Лесников
• Тупицин
• Шипицин

Кöзяйство да быт

Отирыс видзöны курöггез, дзодзоггез, мӧссэз, кӧзаэз, порссез. Баляэз абуöсь.

Мед пуксьыны автобусö, колö мунны Мижуйöдз.

Грездын эм телефоннэз, телевизоррез да радио. Позьö баитны мобильник пыр.

Кулöммесö чукылёвса дзебöны Йöгись шойнаö.

Культура

Медматын культура керку Мижуйын.

Чукылёвсалöн челядь велöтчöны Гуринаын.

Ордча ландшафттэз

• Ыджыт вöр (Öреп сайын)

Лыддьöтан

• Коми-Пермяцкий национальный округ. Москва-Ленинград, 1948.