Перем коми лыддьӧтан
Перем коми лыддьӧтан нето коми пермяккезлöн литература — перем коми кыв вылын гижöм мичмöтан гижöттэз.
Пондöтчан
вильмӧтныПерем коми литературалӧн медодзза оськӧввез йитсьӧны А. Зубов да М. Лихачёв ниммезӧн. Национальнӧй литератураыс аркмӧ да зорамӧ ас пытшкас. Фольклор туйдӧтіс перем коми литературасӧ керны медодзза оськӧввез.
Фольклор ӧктӧмын некокнит удж, отирлӧн устнӧй творчество колисӧ ассиныс пас А. Зубов (Питю Ӧньӧ) творчествоын. Сы гижӧттэзын, кыдз и фольклорын, позьӧ лыддьӧтны коми инькалӧн некокнит олан йылісь.
Мӧдік гижись, кӧда сідз жӧ осьтіс туй перем коми литературалӧ, М. Лихачёв. Сія унажыксӧ радейтӧмӧн гижӧ аслас му йылісь, ловья вӧр-ва йылісь. М. Лихачёв оліс сэтшӧм кадӧ, кӧр эз позь вежӧртны – кин сайын бур оланыс, сійӧн сылӧн гижӧттэс мыччалӧны этійӧ кадсӧ.
Этна жӧ годдэзӧ пешлӧны гижӧмын вын В. Дерябин, С. Караваев, Н. Попов, Ф. Тараканов.
1930-ӧт воэзся репрессияэз да Айму понда ыджыт война нуӧтісӧ олан том гижиссезлісь: А. Зубовлісь да М. Лихачёвлісь; И. Гагаринлісь, А. Аникинлісь, Н. Савельевлісь да Н. Ярковлісь.
Этія кадӧ зорамис дзир поэзия, прозаыс эз вӧв.
Вильжык история
вильмӧтны1946-ӧт воӧ Кудымкарын вӧлі осьтӧм литературнӧй группа, кытчӧ пырисӧ поэттэз-фронтовиккез: Н. Попов, С. Караваев, М. Вавилин да том гижиссез: И. Шадрин, П. Златин да мӧдіккез. 1949-ӧт восянь пондіс петны литературно-художественнӧй сборник "Миян крайын" (1964-ӧт восянь – "Иньва"). Национальнӧй традицияэз дынӧ бергӧтчӧмыс сетіс тӧдчана тор поэзияын да прозаын. 1960-ӧт воэзӧ петісӧ рассказзэзӧн да повесттезӧн сборниккез война бӧрея гижиссезлӧн – В. Баталовлӧн, В. Климовлӧн, И. Мининлӧн, роч кыв вылын петісӧ А. Баяндинлӧн повесттез.
1950-ӧт – 1960-ӧт воэзӧ перем коми прозаын тӧдчӧмӧн позьӧ адззыны гижиссезлісь одзланься оськӧввез, кытӧн нія мыччалӧны олансӧ уна рӧмаӧн. В. Климовлӧн гижӧттэс малалӧны сьӧлӧмсянь шоныт руӧн. Гижись кужӧшӧн пыртӧ чужан кыв, сія кошшӧ отир сёрниын дона да бытшӧм кыввез. И. Минин бура видзӧтӧ коми пермяккезлісь история, сія пыдына мыччалӧ мортлісь пытшкисся олан. Т. Фадеев аслас гижӧттэзын мыччалӧ мортлісь му вылын некокнит олан. Гижись оз осудит ассис геройесӧ, а ӧтлаын тӧждісьӧ ныкӧт.
XX-т веклӧн 1980-ӧт – 1990-ӧт воэзӧ быдмисӧ том прока поэттэз: Ф. Истомин, Л. Никитин, Г. Бачева, А. Истомина, Арк. Истомин, Н. Исаева, Л. Гуляева, Л. Косова. Нія гижӧттэзаныс пыдына видзӧтӧны олансӧ, быдыс пуктӧ ассис пас да философскӧй мывкыд, пыдына радейтӧ чужан му да мам кыв.
Прозаын ассиныс вын пешлӧны А. Ермаков, В. Кольчурин, В. Козлов, В. Канюков, Л. Нилогов. Важын ни гижӧ деревняын оліссез йылісь С. Федосеев.
1993-ӧт воӧ Коми (пермяцкӧй) книжнӧй издательство бӧр лоис самостоятельнӧйӧн, унажык пондіс уджавны перем коми гижиссезкӧт. Быд год петӧны кык кыв вылын книгаэз, сійӧн позьӧ тӧдсӧтны унажык отир перем коми литератураӧн.
Драматургия
вильмӧтныСьӧкытжык уджавны коми материал вылын национальнӧй драма театрлӧ, сідз кыдз коми кыв вылын етша драматургия. Этшӧм жанр вылын гижис коми драматург С. Можаев. Роч кыв вылын коми преданнёэз сьӧрті гижис М. Сторожева. Быд во театр сувтӧтӧ перем коми кыв вылын ӧтік-кык спектакль, мый лоӧ ӧддьӧн етша кытшын олісь отирлӧ. Перем коми кыв вылын спектакллес бура гленитчӧны видзӧтісьлӧ.
Перем комиöн гижиссез
вильмӧтныПерем коми гижисӧ унаӧн:
| Ним | Олан воэз |
|---|---|
| Аксёнова Ольга Петровна | 1961 |
| Аникин Александр | ???? |
| Баталов Валериан Яковлевич | 1926-1998 |
| Батуев Б. | ???? |
| Бачева Галина Михайловна | 1952 |
| Бормотов Николай Макарович | ???? |
| Бормотова Валентина Владимировна | ???? |
| Боталов Иван Васильевич | ???? |
| Боталов М. | ???? |
| Боталова Алевтина | ???? |
| Ботева Елена Васильевна | ???? |
| Бушуева Ольга | ???? |
| Вавилин Вл. | ???? |
| Вавилин Михаил Дмитриевич | 1921-1992 |
| Гагарин Иван Дмитриевич | 1916-1941 |
| Гордеева Тамара Ивановна | ???? |
| Грибанов Спиридон Федотович | 1911-1942 |
| Грибова Любовь Степановна | 1933-1986 |
| Гуляева Людмила Петровна | 1952 |
| Денисов Иван | ???? |
| Долдина Анна Григорьевна | 1930-1996 |
| Дружинина Е. | ???? |
| Ермаков Александр Константинович | ???? |
| Ермаков Александр ? | 1960–2006 |
| Ермакова Ольга Николаевна | 1980 |
| Златин Прокопий Прокопьевич | 1913-1949 |
| Зубов Андрей Никифорович (Питю Ӧньӧ) | 1899-1937 |
| Зубова Л. | ???? |
| Исаев Василий Иванович | 1923-1984 |
| Исаев Константин | ???? |
| Исаева (Бадина) Нина Васильевна | 1955 |
| Исакова Т. | ???? |
| Истомин Аркадий Степанович | 1956 |
| Истомин Фёдор Степанович | 1954 |
| Истомина Анна Юрьевна | 1964 |
| Казанцева Анна Прохоровна (Фёдорова дер, Юсьв.) | ???? |
| Казаринова Людмила | ???? |
| Калин Василий | ???? |
| Канюков Виталий Изосимович | 1928- |
| Караваев Илья | ???? |
| Караваев Н. | ???? |
| Караваев Пётр | ???? |
| Караваев Степан Иванович (Иву Стёпко) | 1908-1974 |
| Кетова Е. | ???? |
| Климов Василий Васильевич | 1927 |
| Козлов Василий Васильевич | ???? |
| Коколева Валентина Николаевна | ???? |
| Кольчурин Василий Григорьевич | ???? |
| Коньшина Елена Ивановна | 1970 |
| Кривощёков М | ???? |
| Кривощёкова Д.Е. | ???? |
| Кривощёкова Т. | ???? |
| Кривощёкова-Гантман Антонина Семёновна | 1921-1995 |
| Куликова А. | ???? |
| Кучева В. | ???? |
| Лаптев Дмитрий | ???? |
| Лихачёв Михаил Павлович | 1901-1937 |
| Мальцева Надежда Александровна | ???? |
| Меркушева Мария Александровна | 1954 |
| Минин Иван Алексеевич | 1926-1990 |
| Минина Татьяна | ???? |
| Митюкова Вера | ???? |
| Можаев Спиридон Афанасьевич | 1906-1989 |
| Мошегова Анна Трофимовна | ???? |
| Никитин Леонид Егорович | 1956 |
| Никитина (Батина) Людмила Алексевна | ???? |
| Нилогов Леонид Егорович | 1924-1996 |
| Отинова Анна | ???? |
| Павлова Елена | 1976 |
| Пахоруков Николай Васильевич | 1928-2007 |
| Пахорукова Вера Васильевна | 1937 |
| Петров Виталий Иванович | ???? |
| Плотникова Т. | ???? |
| Попов Вячеслав Петрович | ???? |
| Попов Николай Васильевич (Василь Миков) | 1902-1975 |
| Радостев Анатолий Иванович | ???? |
| Радостев Илья Иванович | ???? |
| Радостева Ольга Николаевна | 1968 |
| Ратегова Людмила Петровна | ???? |
| Рычков Виктор Васильевич | 1959 |
| Савельев Николай | ???? |
| Самкова Р. | ???? |
| Светлаков В. | ???? |
| Светлакова Т. | ???? |
| Спорова Анна Михайловна | ???? |
| Спорова Надежда Александровна | 1912-1978 |
| Старцева (Косова) Любовь Афонасьевна | 1959 |
| Тараканов Фёдор Гаврилович (Гаврив Пёдор) | 1900-1997 |
| Тетюева Зинаида Александровна | ???? |
| Трубинова Н. | ???? |
| Тупицын Фёдор Антонович (Онтон Пёдор) | ???? |
| Фадеев Тимофей Павлович | 1937-1992 |
| Федосеев Александр | ???? |
| Федосеев Николай | ???? |
| Федосеев Семён Алексеевич | 1936 |
| Федосеева Надежда Павловна | 1974 |
| Хозяшев Николай | ???? |
| Четин Юрий | ???? |
| Чугайнов Пётр Николаевич | 1948 |
| Шадрин Иван Алексеевич | 1915-1962 |
| Швецов Я. | ???? |
| Шипицын В. | ???? |
| Яковкин Вениамин | ???? |
| Ярков Николай | ???? |
| Яркова Фёкла Степановна | ???? |