Ратегова Людмила Петровна

Ратегова Людмила Петровна (*1951) — коми кывтуялісь да небöглэдзись. Перем комиэзлöн нация лэбтан визулын тыдалана морт.

Ратегова Людмила Петровна
Удж:	издатель, филолог, преподавательница университета
Чужан лун:	1951’ вося февраль 20’ лун(1951-02-20) (72 год)
Чужан ин:	Гаинчи, Кӧч посадму, Рочму Коми-Пермяцкöй автономнöй округ[d], Пермская область[d], РСФСР[d], СССР[d] Коми-Пермяцкöй округ, Перем ладор, Рочму РСФСР[d], СССР[d]

Олантуй

Чужис 1951' февраль 20' лунö, Кӧчладор районын.

Велöтчöм

Велöтчис Перемись педагогика сьӧрі институтын коми-роч юкӧтас да аспиранталікас невна сэтчин жö уджаліс.

Удж

Институтас уджалікö, 1980' годö, öтлаын А.С. Гантманкöт Людмила Петровна лöсьöтіс да лэдзис медодзза хрестоматия перем коми диалекттэз сьöрі.

1987'-2009' воэзö Л.П. Ратегова вöлі юралісьöн Перем коми небöг лэдзанінын. Сы редакция увтын кыкдас год сьöрна Кудымкарын петöмась вель тума небöг перем коми да роч кыввез вылын. Ны коласын кыдз мичмöтан литратура, сідз и нигаэз перем коми отир йылісь да Коми Парма йылісь.

Политика

Л.П. Ратегова вöлі "Югöр" котырсö öтік аркмöтісь. Унаись ветлöма коми отир öксяннэз вылö.

Перем ладор лöсьöтан коста Людмила Петровна сулаліс Коми кытш автономия дор.

Асторья олан

Айкаыс, коми гижись Фадеев Тимофей Павлович, куліс 1992' годö. Эм öтік зон.

Öні Л.П.Ратегова пенсионер. Олö Кудымкарын.

Кывтуялан небöг

• А.С.Кривощёкова-Гантман, Л.П.Ратегова. Коми-пермяцкие говоры. Пермь, 1980.

Комиöн гижöмыс

• Коми-пермяцкöй литератураын бöрья годдэзся проза / Иньва,1987
• Михаил Павлович Лихачёв йылісь (1901–1937) / Бичирок, 1991
• Гижисьлöн тöн и талун / Климов В. В. Тöн и талун. Кудымкар, 1997
• Чукöртіссянь / Пармалöн шыэз, 1997
• Гижись йылісь кыв / Лолалан шор, 1997
• Ловья тöдвыв / Иньва, 2002