Мыс (Кӧсладор район)
Мыс — Перем ладорись Коми кытшын, Кӧсладор районісь Кӧс посадмуын грезд (деревня), кӧть мукӧдыс и лыддьӧны сійӧ Порошволь грездлӧ тор туйӧ.
| Мыс | |
| Му: | Рочму |
| Статус: | грезд |
| ладор: | Перем ладор |
| район: | Кӧсладор район |
| Инлыдпассэс: | 60°07′07″ с. ш. 54°53′48″ в. д.HGЯO |
| Веськӧтлан кыв | роч, коми |
| Отир лыд | 101 морт (2009) |
| Час кытш: | UTC+5 |
| Телефон нумерӧ содтӧт: | +7 34298 |
| Почта инпас: | 619435 |
| Авто нумерӧ содтӧт: | 59 |
Мысыс куйлӧ Кӧссянь ойвыв-рытвылӧ 20 км ылынаын, да кык километра ылынаын Сым ю дорсянь лунвылӧ, Пятигорланьӧ мунтӧн автотуйсянь веськыт ки вылас, ыббез коласын.
Ордча грезддэз
вильмӧтныМыссянь рытвылас, кырас сайын сулалӧ Порошволь грезд. Мукӧдкоста Порошволь да Мыс лыддьӧны ӧтік деревняӧн (Порошвольӧн жӧ шусьӧ).
Этія кыкторья грезд дынсянь медматын олан пункт — Несӧль деревня, кӧда сулалӧ лунвыв-рытвылӧ 1,5 км ылынаын. Сы ладорын жӧ куйлӧ быдӧс матісь грезддэз понда ӧтласа шойна.
Лунвыв-асыввылас трасса кузя, ылынкодь ни, сулалӧ Маскаль, ойвылас медматын грезд — Дасморт.
Вӧрынжык, лунвыв-рытвылас, кӧркӧ вӧлӧмась сэтшӧм учӧтик грезддэз, кыдз Новосёл да Собачка. Сэтӧн олӧмась сваль роччез, кӧдна ӧні вуджисӧ Мысӧ да Порошвольӧ.
История
вильмӧтныУличаэз
вильмӧтныГрездын уличаэз сэтшӧммез:
- Октяб 25 лун нима туй
- Мир туй
Отир
вильмӧтныОлӧны Мыс грездын 101 морт (2009 во пондӧтчан кежӧ), видзӧны 39 горт.
Медодз деревняас олӧмась чисто комиэз. Сэсся, война коста, татчӧ локтӧмась роччез, этасянь талун татӧн оліссез коласын эмӧсь и комиэз, и роччез. Унажыкыс сё жӧ комиэз. Школаын (Порошволяс) быдӧнныс кывзӧны коми кыв сьӧрті уроккез. Но мунӧ сёрни коми кывсӧ школаись вӧтлӧм йылісь.
Памиллёэз коласын медуна пантасьӧны Щербаковвез, Останиннэз, Жижилеввез.
Религия сьӧрті отирыс веськыткылаӧсь (православнӧйӧсь). Мыля часовенка Порошволяс пӧдналӧм, Мысісь отирыс ветлӧны юрбытны Кудымкарӧ нето Кӧс посадӧ.
Гора нима отир
вильмӧтныОрдча ландшафттэз
вильмӧтны- Шаминскӧй лог — олӧмась пӧ сэтчин шаманнэз, дзебӧмась зарнисӧ да пышшӧмась, отирыс ӧнӧдз тай кошшисьӧны.
- Макарпальник (Несӧль дынынжык)
- Кашпальник (Несӧль дынынжык)
Ӧшмӧссэз
вильмӧтны- География Коми-Пермяцкого автономного округа. Пермь, 1992. ISBN 5-7625-0162-0.
- Коми-Пермяцкий автономный округ на рубеже веков. Кудымкар, 2000. ISBN 5-87901-051-1
- Мартынов М. Е. Селения Косинского района. Справочно-статистический материал. Кудымкар, 2009. ISBN 978-5-87901-127-2
- Шаги времени. К 80-летию образования Косинского района / редактор-составитель О. П. Кучева. Пермь, 2004. ISBN 5-93683-030-X.
- Щербакова О. А. Висьтасьӧм. Перем, 2010.