Ӧндриан (Кудымкар район)

Ӧндриа́н — учӧтик грезд (деревня) Перем ладорись Коми кытшын, Кудымкар районас. Грездыс сулалӧ Кудымкарсянь рытвылӧ 42 км ылынаын, Вежайка ю дорын.

Ӧндриан Андрианово
Му:	Рочму
Статус:	грезд
ладор:	Перем ладор
район:	Кудымкар район
Инлыдпассэс:	59°02′56″ с. ш. 54°10′32″ в. д.
Веськӧтлан кыв	коми, роч
Отир лыд	25 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619551
Авто нумерӧ содтӧт:	59, 81

Ӧндрианыс ӧні пырӧ Иньвайыв посадмуӧ, а 2006 годӧдз сія вӧлі Москвина сельсоветын.

Ордча грезддэз

Ӧндриансянь ойвылас, Вежайка ю пӧлӧн кӧ кайны, петӧ Вежайка грезд, лунвылас кӧ лэдзчыны — Вальков грезд, а сы сайын, нёль километра ылынаын, куйлӧ Москвина, кӧда Ӧндриан понда кольччӧ шӧрин туйӧ.

Отир

Олӧны Ӧндрианас ӧндриа́новчи. 2009 во пондӧтчикӧ нія вӧлісӧ 25 морт, видзисӧ 13 горт. Этӧ унапӧв етшажык 1970 год сьӧрті, кӧр татӧн олӧмась 120 морт. Уна отир мунӧмась овны Москвинаӧ нето Куваӧ.

Быдӧс оліссез комиӧсь. Унажыкыс новйӧны памиллёэз Васькин да Зубов.

Кулӧммезнысӧ ӧндриановчиыс дзебӧны Куваас. Сэтчин жӧ дзебсьӧны вежайчана да вольковчи.

Культура

Школаӧ ӧндриановчилӧн челядь ветлӧны Москвинаӧ, сэтчӧ жӧ мунӧны пельшер-акушер дынӧ.

Ӧшмӧссэз

• Коми-Пермяцкий автономный округ на рубеже веков. Кудымкар, 2000. ISBN 5-87901-051-1
• Лобанова А.С. Висьтасьӧм. Перем, 2010.
• Шумилов Е. Н. Твоя малая родина: Краткий историко-топонимический справочник. 4-е изд., испр. и доп. Пермь, 2005.