Вальков (Кудымкар район)

Валько́в (татісь оліссез шуӧны Валько́) — учӧтик грезд (деревня) Перем ладорись Коми кытшын, Кудымкар районас. Грездыс сулалӧ Кудымкарсянь рытвылӧ 40 км ылынаын, Вежайка ю дорын.

Вальков Вальково
Му:	Рочму
Статус:	грезд
ладор:	Перем ладор
район:	Кудымкар район
Инлыдпассэс:	59°02′06″ с. ш. 54°10′29″ в. д.
Веськӧтлан кыв	коми, роч
Отир лыд	22 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619551
Авто нумерӧ содтӧт:	59, 81

Вальковыс ӧні пырӧ Иньвайыв посадмуӧ, а 2006 годӧдз сія вӧлі Москвина сельсоветын.

Ордча грезддэз

Вальковсянь ойвылас, Вежайка пӧлӧн кӧ кайны, петӧ Ӧндриан грезд, сы сайын — деревня Вежайка. Лунвылас, Вежайкаыс кузя кык километраӧн улынжык, куйлӧ Москвина, кӧда Вальков понда кольччӧ шӧрин туйӧ.

Отир

Олӧны Вальковын валько́вса нето валько́вчи. 2009 во пондӧтчикӧ нія вӧлісӧ 22 морт, видзисӧ 8 горт. Этӧ унапӧв етшажык 1970 год сьӧрті, кӧр татӧн олӧмась 77 морт. Уна отир мунӧмась овны Москвинаӧ нето Куваӧ.

Быдӧс оліссез комиӧсь. Унажыкыс новйӧны памиллёэз Васькин да Зубов.

Кулӧммезнысӧ вальковсаыс дзебӧны Куваас. Сэтчин жӧ дзебсьӧны вежайчана да ӧндриановчи.

Культура

Школаӧ вальковсалӧн челядь ветлӧны Москвинаӧ, сэтчӧ жӧ мунӧны пельшер-акушер дынӧ.

Ӧшмӧссэз

• Коми-Пермяцкий автономный округ на рубеже веков. Кудымкар, 2000. ISBN 5-87901-051-1
• Лобанова А.С. Висьтасьӧм. Перем, 2010.
• Шумилов Е. Н. Твоя малая родина: Краткий историко-топонимический справочник. 4-е изд., испр. и доп. Пермь, 2005.