Сэпӧль (Кӧчладор район)

Сэ́пӧль (ӧння оліссез шуӧны Сэ́поль) — Перем ладорись Коми кытшын, Кӧчладор районісь Кӧч посадмуын грезд (деревня). Одзжык татӧн вӧлі Сэпӧль сельсоветлӧн шӧрин.

Сэпӧль Сеполь
Му:	Рочму
Статус:	грезд
ладор:	Перем ладор
район:	Кӧчладор район
Инлыдпассэс:	59°32′29″ с. ш. 54°29′08″ в. д.
Веськӧтлан кыв	роч, коми
Отир лыд	427 морт (2009)
Час кытш:	UTC+5+5
Телефон нумерӧ содтӧт:	+7 34293
Почта инпас:	619324
Авто нумерӧ содтӧт:	59

This article is a stub. You can help by expanding it. || Это заготовка статьи. Вы можете помочь проекту, дополнив её.

Ним йылісь

Файл:Сэпöль грезд2.jpg

Сэпöльын

Сэпöль грезд шусьö сідз Сэпӧль (рочöн Сеполька) ю сьöрті.

География

Грездыс сулалӧ Сэпӧль ю дорын, Кӧч посадсянь лунвыв-асыввылӧ 15 км ылынаын (машинаöн мунны 20 минут етш).

Ордча грезддэз

Сэпӧль дынсянь медматын олан ин — Слепӧйӧв, куйлӧ сысянь километра мымда ылынаын ойвылӧ. Сэпӧльсянь рытвылын сулалӧ Кокушка грезд, ойвыв-рытвылас — Кышка да Палькояг, лунвыв-рытвылын — Уржа, ойвыв-асыввылын Сюлькӧв, асыввылын Васькин грезд, а саясжык Гӧрдкурья посёлок. Сэпӧль ю кузя кӧ кайны, петӧ Пӧлӧзайка грезд, сыбӧрын и Кӧч посадыс.

Янсалöм

Сэпӧльын нёль тор:

• Ко́пищё
• Бонкурья́
• Ю́гыб
• Речкадо́р

Туйез

Файл:Сэпöль грезд1.JPG

Туй Сэпöльын

Сэпöльын öні лыддьöны 9 туй :

Коми ним	Роч ним
Вапöлöн туй	ул. Набережная
Вильоліссез туй	ул. Новоселов
Вöр туй	ул. Лесная
Медшöр туй	ул. Центральная
Слободка туй	ул. Слободка
Томмез туй	ул. Молодежная
Тулысся туй	ул. Весенняя
Школа туй	ул. Школьная
Ыб туй	ул. Полевая

Эна туйезісь медыджытыс — Медшöр туй.

Веськöтлан

Сэпöль грезд пырö Кöчладор районісь Кöч посадмуö.

Гредас эм почта керку, но не милиция, не староста абу.

Отир

Олӧны Сэпӧльын сэ́пöльчи (öтік морт — сэ́пöлеч, сэ́пöлька). 2009' во пондӧтчикӧ нія вӧлісӧ 427 морт, видзисӧ 132 горт. Эта унажык 1970' во сьӧрті, кӧр татӧн олӧмась дзир 285 морт.

Унажык отирыс гишшöны Чугайнов. Оліссес комиöсь, баитöны комиöн.

Кöзяйство да быт

Ыджыт уджаиннэз Сэпöляс абуöсь. Отирыс видзöны пода, быдтöны карч, чериалöны, тшакьялöны, ягöдалöны, öктöны веськöтчан туруннэз. Мукöдыс вöралöны.

Туйес грездас кыдз и унажыкыс Коми кытшын.

Унакодь отирлöн эм ас машинаэз. Кыкись недель вылас ветлö автобус Кудымкарöдз, эм тодильнöй сувтчанін.

Сэпöльчи вермöны видзöтны телевизор да кывзыны радио, грездсянь позьö баитны мобильник пыр.

Эм лавкаэз:

• Сто мелочей
• Меркурий
• Новак

Быт службаэз абуöсь.

Эм пельшöрпункт.

Грезд бердын эм шойна.

Культура

Сэпöль грездын эм челядьсад, пондöтчан да под школа, кытöн велöтöны коми кыв.

Эм клуб, кытöн уджалö йöктан кытшок.

Август мöдік лунö чулöтöны посадлун. Май 9' лунö порйöтöны казьтылан лун.

Юрбытны отирыс ветлöны Кöч посадö.

Гора нима отир

• Чугайнов Петра — коми поэт

Казьмöтаннэз да сингажöтаннэз

• Айму понда ыджыт косясянын усьöммезöс казьтыланін.

Лыддьöтан

• Коми-Пермяцкий национальный округ. Москва-Ленинград, 1948.
• Кочевский район: прошлое и настоящее / сост. Н. М. Коваль, С. Н. Пыстогова. Пермь, 2006. 464 с. ISBN 5-88009-020-5