Кӧч посад
Кӧч (рочӧнжык Кочё́ва) — Перем ладорись Коми кытшын ыджыт посад, Кӧчладор районлӧн да Кӧч посадмулӧн веськӧтлан шӧрин.
| Кӧч Кочево | |
| Му: | Рочму |
| Статус: | посад |
| ладор: | Перем ладор |
| район: | Кӧчладор район |
| Инлыдпассэс: | 59°35′52″ с. ш. 54°18′52″ в. д.HGЯO |
| Веськӧтлан кыв | роч, коми |
| Отир лыд | 3590 морт (2009) |
| Час кытш: | UTC+5 |
| Телефон нумерӧ содтӧт: | +7 34293 |
| Почта инпас: | 619320 |
| Авто нумерӧ содтӧт: | 59 |
Ним йылісь вильмӧтны
Посадыс шусьӧ сідз Кӧч нимкодь сьӧрті.
География вильмӧтны
.jpg){kind=link}
.jpg){kind=link}
Кӧч посадыс сулалӧ Кудымкарсянь ойвылӧ 75 км ылынаын, Перемсянь 266 км ылынаын.
Посадыс поздісьöм Сэпӧль ю шульга ладорын. Мӧдлапöлас километра ылынаын сулалӧ Леспромкоз посёлок да йӧзтӧм Нинмараск грезд. Автотуй кузя ойвылӧ кӧ мунны, петӧ Демин грезд, асыввылӧ — Кышка да Палькояг, лунвыв-рытвылын куйлӧ Шипичинчи. Сэпӧль ю кузя кывтытынжык сулалӧ Пӧлӧзайка, катытынжык — йӧзтӧм Долгӧйӧв грезд.
Янсалöм вильмӧтны
Туйез да туйколассэз вильмӧтны
Кöч посадын öні лыддьöны 40 туй да 2 туйколас [1]:
| Коми ним | Роч ним |
|---|---|
| Вавилин туй | ул. Вавилина |
| Вапöлöн туй | ул. Набережная |
| Верманлун туй | ул. 9 Мая |
| Видз туй | ул. Луговая |
| 50' Октяб туй | ул. 50 лет Октября |
| Вöр туй | ул. Лесная |
| Гагарин туй | ул. Гагарина |
| Гöрд Партизаннэз туй | ул. Красных Партизан |
| Ёртасян туй | ул. Дружбы |
| Инькалун туй | ул. 8 Марта |
| Калинин туй | ул. Калинина |
| Карл Маркс туй | ул. Карла Маркса |
| Киров туй | ул. Кирова |
| Коми туй | ул. Пермяцкая |
| Коммунизм туй | ул. Коммунистическая |
| Кошевöй Олег туй | ул. Олега Кошевого |
| Крупскöй туй | ул. Крупской |
| Кыдзза туй | ул. Березовая |
| Ленин туй | ул. Ленина |
| Медшöр туй | ул. Центральная |
| Мелиораторрез туй | ул. Мелиораторов |
| Мир туй | ул. Мира |
| Надея туй | ул. Надежды |
| Некрасов туй | ул. Некрасова |
| Ойвыв туй | ул. Северная |
| Октябся туй | ул. Октябрьская |
| Пелыся туй | ул. Рябиновая |
| Первомай туй | ул. Первомайская |
| Пионерия туй | ул. Пионерская |
| Пипуа туй | ул. Осиновая |
| Пыстöгов Павел туй | ул. Павла Пыстогова |
| Сад туй | ул. Садовая |
| Титов туй | ул. Титова |
| Томмез туй | ул. Молодежная |
| Тракт туй | ул. Трактовая |
| Хомякова Анна туй | ул. Анны Хомяковой |
| Чкалов туй | ул. Чкалова |
| Шондіа туйколас | пер. Солнечный |
| Ылісь туйколас | пер. Дальний |
| Югыт туй | ул. Светлая |
| Юсай туй | ул. Заречная |
| Яг туй | ул. Боровая |
История вильмӧтны
Первуись Кӧч йылісь казьтывсьӧ 1848' воын. Шусис сэк сія Кочов починок. Этійӧ починоксӧ лӧсьӧтӧмась пӧ Пыстöговвез, Пыстӧг грездісь локтіссез.
1861' годӧ Кӧчас осьтӧмась торья волось.
1877' воын татчӧ вептӧмась медодзза вичку да починок лоис посадӧн. Пуовӧй вичкуыслӧ сетӧмась Вежа Миколалісь ним.
1878' воын земство лӧсьӧтӧма Кӧчас велӧтчанін коми челядь понда.
1920' воэзӧ посадас осьтӧны колхоз, перво «Гӧрись» нимаӧ, сэсся 1956' годӧ сійӧ пондісӧ шуны «XX партсъезд», а 1960' мартсянь, кӧр ӧтлаасисӧ нёль артель, нимыс лоис «Союз».
1936' юльсянь 1958' воӧдз татӧн вӧлі машина-трактора станция. 1940' воын лӧсьӧтӧм район понда промкомбинат, 1978' юльын, прораб юкӧт под вылын – Кудымкарись строитчан-монтажкеран трестлӧн Кӧчись кӧзяйствоэзколасся механизируйтӧм ветлана колонна (МРМК). 1989' во гӧгӧр татӧн недыр вӧлі «Кудымкаргражданстрой» трестлӧн строитчан юкӧт.
1926' сентяб 15' лунсянь посадын – Кӧчладор районлӧн шӧрин да Кӧч сельсоветлӧн (2006' восянь Кӧч посадмулӧн) веськӧтлан.
Веськöтлан вильмӧтны
Кöч посадын поздісьöны Кӧчладор районлӧн да Кӧч посадмулӧн веськӧтланнэз.
Отир вильмӧтны
1869' годӧ Кӧчын олісӧ 115 морт, 1910' годӧ — 259 морт, 1926' годӧ — 444 морт, 2002' годӧ — 3 632 морт. 2009' во кежӧ отирыс лоисӧ бӧра етшажык — токӧ 3590 морт, кӧдна видзисӧ 1157 горт.
Кӧзяйство вильмӧтны
Экономика понда медтӧдчана му-видз уджалӧм.
Уджаиннэз:
- ООО «Уджалісь»
- ОАО Кӧчись йӧвзавод
- Кӧчись кӧзяйствоэзколасся механизируйтӧм ветлана колонна (МРМК)
- ОАО «Комипермагропромстрой»
- ООО «Новак», дзонтасян-строитчан уджаин
- ООО «Западнӧй Урал», пукерӧтан уджаин
- ООО «Кочёволес» вӧрзаптан уджаин
- ООО «Агродорстрой»
- ГУП «Туй дзонталан-строитан уджаин»
- Кудымкар ЭТУС-лӧн линейно-техническӧй юкӧт
- Газ видзан юкӧт
- ММП «Оланін видзан кӧзяйство»
- Кӧч посадісь вӧрхоз
- Кӧчись кӧзяйствоэзколасся вӧрхоз
- Кӧч районын канлӧн кӧдзыс сьӧрын видзӧтан инспекция
- Районын пода шогӧттэзкӧт пессян станция
- Районісь ветеринар лаборатория
- Метеостанция
- «Охотовед» котыр
- Киновез
- МУП «Северянка», газета лэдзан
- Автовокзал
- Район понда почта йитӧтлӧн гӧрӧд
Велӧтан вильмӧтны
- Ясли
- Челядьсад
- Пондӧтчан школа
- Шӧрӧт школа
- Челядь понда приют «Пармалӧн челядь»
- Челядь творчество керку
- Интернат
- Челядь понда кужӧттэз сьӧрті школа
- Челядь понда содтӧт велӧтчан шӧрин
Лысин видзан вильмӧтны
- Район понда медшӧрӧт больнича
- Аптека №101
Культура вильмӧтны
- Район понда культура керку
- Район понда медшӧрӧт библиотека
- Районісь челядь понда библиотека
Коллективвез:
- Отир ансамбль «Лысваок», (1947' восянь – хор, 1977' восянь – отир коллектив)
- Фольклор мыччалан чукӧр «Лымдорчача» (1979' ноябсянь)
Масс-медиа вильмӧтны
1933'-1959' воэзӧ посадын петӧма Кӧчладор район понда газета «Колхозник» (1956' восянь нимыс вӧлі «Путь Ильича»). Ӧні Кӧчын лэдзӧны газета «Северянка».
Гора нима отир вильмӧтны
- Балуев Анатолий Данилович (* 1946) – кинокерись
- Данильченко Л. Н. (1915–1943) – войналӧн герой
- Мошегов Игнатий Николаевич (1880–1965) – гижись
Казьмöтаннэз да сингажöтаннэз вильмӧтны
- Коми гижиссезöс казьтыланін
- В. И. Ленинöс казьмöтан
- Асйöз косясянын усьöммезöс казьтыланін
- Айму понда усьöм Л. Н. Данильченкоöс казьмöтан
Ыстісяннэз вильмӧтны
Ӧшмӧссэз вильмӧтны
- Коми-Пермяцкий автономный округ на рубеже веков. Кудымкар, 2000. ISBN 5-87901-051-1
- Кочевский район: прошлое и настоящее / сост. Н. М. Коваль, С. Н. Пыстогова. Пермь, 2006. 464 с. ISBN 5-88009-020-5
- Шумилов Е. Н. Твоя малая родина: Краткий историко-топонимический справочник. 4-е изд., испр. и доп. Пермь, 2005.