Зырянӧв (Кӧчладор район)

Зырянӧв — Перем ладорись Коми кытшын, Кӧчладор районісь Пелым посадмуын грезд (деревня).

Зырянӧв Зыряново
Му:	Рочму
Статус:	грезд
ладор:	Перем ладор
район:	Кӧчладор район
Инлыдпассэс:	59°41′36″ с. ш. 54°12′40″ в. д.
Веськӧтлан кыв	роч, коми
Отир лыд	143 морт (2009)
Час кытш:	UTC+5+5
Телефон нумерӧ содтӧт:	+7 34293
Почта инпас:	619326
Авто нумерӧ содтӧт:	59

География

Зырянӧвыс сулалӧ Сэпöль ю дорын, Кӧч посадсянь ойвыв-рытвылӧ 11 км ылынаын (туй кузя кö мунны — 18 км, 30 минут етш), Пелым посадсянь лунавыв-асыввылö кыкьямыс километра ылынаын (туй кузяс — 10 км).

Ордча грезддэз

Зырянӧвсянь лунвыв-рытвылын öтік километр ылынаын сулалӧ Порошин грезд, асыввылас кык километра ылынаын, туй кузя кö мунны, петö Тубыз, а квать километра ылынаын — Петукӧв. Лунвыв-асыввылын кык да джын километра ылынаын, нюр сайын, сулалӧ Гӧрдей.

Ордча рельефын тöдчöны Кыдззаыб, Чомлог, Кринкамыс.

Янсалöм

Öтік тор грездас шусьö Виль посёлок.

Веськöтлан

Öні Зырянöв пырö Пелым посадмуö. Милиция не почта грездын абу.

Отир

Олöны грездас Зырнянöвчи. 2009 во пондöтчикö нійö лыддьöмась 143 лов, горттэз вöлöмась 43-а. Оліссез комиöсь, баитöны комиöн.

Отирыс гишшöны унажыксö Никонов, Худяков, Аганин.

Кöзяйство да быт

Ыджыт уджаиннэз абуöсь. Отир быдтöны пода (порссез, мöссэз, баляэз) да карч (картовка, лук, капуста), вöралöны да чериалöны. Öктöны тшак да ягöд, косьтöны веськöтчан туруннэз.

Грездын эм лавка ЧП Чеботков. Эм аптека.

Шырсьыны да мый да отирыс ветлöны Кöчöдз.

Туйез грезд гöгöр умöльöсь, зэр бöрын он и мун.

Ас машинаэз видзöны 10 кыным морт. Челядьсö быд лун новйöтö школаö автобус.

Зырянöвчи вермöны видзöтны телевизор, а мобильниккез кутöны не быдлаын.

Культура

Не челядьсад, не школа Зырянöвын абу. Челядь ветлöтны велöтчыны Пелымö.

Грездын эм клуб.

Отир порйöтöны Петырлун, Вильгод, Инькалун, Айму дорйиссезлісь лун .

Лыддьöтан

• Коми-Пермяцкий национальный округ. Москва-Ленинград, 1948.
• Кочевский район: прошлое и настоящее / сост. Н. М. Коваль, С. Н. Пыстогова. Пермь, 2006. 464 с. ISBN 5-88009-020-5
• Худяева Н.Г. Гижöм. Перем, 2011.