Ядьва (грезд)

Ядьва - кӧркӧся грезд Киминчи сельсоветын, сулаліс Ядьва юлӧн шульга вадорын, 5 километр Кимна сикт дынсянь. Медодз казьмӧтчӧм Ядья грезд йылісь пантасьӧ 1722 вося лыддьӧтан гижӧтын (список населённых пунктов Купросского погоста Орловских и Чусовских вотчин Соль Камско провинции баронов Стргановых). Сэк грездас вӧлӧм ӧтік горт кытӧн олӧмась 32 айпӧв морт. Сідзжӧ грездыс серпасалӧм И.К. Кириллов мупасын ("Великой Перми часть", Собрание картъ И.К. Кириллова, 1722-1737 гг.). Стрельбицкӧй 1871 вося мупасын грездыс мыччалӧм кыдз Порсева грезд.

1869 воӧ Ядья грездын вӧлӧма 8 горт кытӧн олӧмась 51 морт (19 мужик да 32 инька). 1904 воӧ Ядьва грездын вӧлӧма 9 горт кытӧн олӧмась 47 морт (21 мужик да 26 инька). 1926 воӧ Ядьва грездын вӧлӧма 12 горт кытӧн олӧмась 50 морт (25 мужик да 25 инька). Быдыс ны коласісь коми-пермяккез. 1963 воӧ Ядьва грездын олӧмась 4 морт.