Ыджыт Бритму да Ойвыв Ирму Ӧтлаӧтан Канму (дженытжык – Ыджыт Бритму нето Ӧтлаӧтан Канму, ингл. Great Britain нето United Kingdom, рочӧнжык Великобритания нето Соединённӧй Королевство) – важынся вына канму Рытвыв Европа дорын, Ыджыт Бритму ді вылын. Бритму видзӧ ас кипод увтын ойладорас Скотланд, Оркней да Гебрид діэз, лунвылын – Норман діэз да сэсся эшӧ вит сюрс мымда поснитжык діок, а сідзжӧ веськӧтлӧ Ирму ді ойвыв-асыввылын, кытӧн куйлӧ сылӧн провинция Ойвыв Ирму. Этія провинция межаасьӧ мезмыт Ир республикакӧт, кӧда петіс Брит Ӧтувтчӧмись 1949 годӧ. Сідз-ту Ӧтлаӧтан Канмуын талун нёль тор: Ингланд, Скотланд, Кӧмры да Ойвыв Ирму.

Ыджыт Бритму да Ойвыв Ирму Ӧтлаӧтан Канму
The United Kingdom of Great Britain and Northern Ireland

Дӧрапас Вужпас

Девиз: Dieu et mon droit
Гимн: God Save the Queen/King

Аркман кад 1801 январ 1 лун
Каналан кыв инглиш кыв
Юркар Лондон
Веськӧтлан нёж парламента монархия
Юралісь Карл III
премьер-министр Лиз Трасс
Мувывтор
му югытас
ва увтын %
244 820 км²
77’ местаын
1,34
Оліссезлӧн лыд
Му югытас
Тшӧкыта
61 113 205 (2009)
22’ местаын
246 морт/км²
Валюта фунт стерлинг (GBP, код 826)
БПЛ
му югытас
БПЛ/морт
му югытас
US$ 2 228 000 млн (2008)
7’ местаын
US$ 36 357
18’ местаын
Интернет домен .uk, .eu
Телефон код +44
Кад кытш UTC+0 ЕШК

Асыввывсянь Ыджыт Бритму пӧлӧн куйлӧ Ойвыв саридз, лунвывсянь – Ла Манш да Па дэ Кале виссэз, кӧдна мӧдӧрын, континентас, му видзӧ Франс. Рытвывлань Ыджыт Бритму вадӧр шӧр пӧлӧн куйлӧ Ир саридз, а ойвывсянь, рытвывсянь да лун-рытвывсянь – Атлантика океан.

Ыджыт Бритму – ӦВК-ись Повтӧг олан сьӧрті советын пырся инвидзись, пырӧ НАТО-ӧ да Ӧтласа Европаӧ.