Шедов (Юсьва район)

Шедов - Перем ладорись Коми кытшын Юсьва районын учöт грезд.

Ним йылісь вильмӧтны

Шедов (мöднёж Сьöдов, Сьöд) грезд шуöмась сiдз кыдз медодзза оліссезлӧн вӧлӧма фамиллё Сьӧдов (рочӧнжык - Щедов). Аркмӧм эта фамиллёыс кывись сьӧд (рочӧн - чёрный). XVIII сёво пондӧтчикӧ бокись Шедовкӧт Бажина грездын олӧмась Щедов Иван Иванович да Щедов Дмитрий Фёдорович. Эта йылісь гижӧм Купрӧс сиктісь Вежа Миков вичкуись метрическӧй небӧггезын.[1]

География вильмӧтны

Шедов грезд сулалö мыс вылын, куим ладорсянь сы гöгöр кырассэз, кыті котӧртӧны ӧтік ю да кык шор. Рытъяв ладорсянь котӧртӧ Пöй ю, ойвывсянь - Сизь нима шор, асывладорсянь - ыббэз, лунвывладорсянь Бажин грездсянь сійӧ янсӧто Сьӧд шор.

Туйез вильмӧтны

Шедова грездын эм токö öтік туй, кöда шусьö Медшöр туй.

История вильмӧтны

1869 воӧ Шедоваын вӧлӧмась 4 кӧзяйсво, кытӧн олӧмась 15 мужик да 14 инька (быдӧссӧ 29 морт)

1904 воӧ Шедоваын вӧлӧмась 8 кӧзяйсво, кытӧн олӧмась 21 мужик да 21 инька (быдӧссӧ 42 морт).

1926 воӧ Шедоваын вӧлӧмась 11 кӧзяйсво, кытӧн олӧмась 26 мужик да 19 инька (быдӧссӧ 45 мор, быдӧнныс ны коласісь коми-пермяккез).

1930-й воэзӧ Шедова грезд пырис "Красный пахарь" нима колхозӧ, кытчӧ пырлӧмась эшӧ сэтшӧм грезддэз кыдз Бажина, Ябыровчи да Микалёв (Ляч Мыс).

1941 - 1945 воэзӧ Бажинаись, Ябыровчись да Шедовчись война вылӧ мунӧмась 43 морт, локтӧмась бӧр тӧко 9 морт. 2007 воӧ куліс медбӧрья ветеран - Пётр Максимович Яборов.

1963 воӧ Шедоваын вӧлӧмась олӧмась 63 морт.

Отир лыд вильмӧтны

2021 во пондӧтчикӧ грездын олöны куим морт. Быдыс ны коласiсь пенсионеррезз.

  1. Поколения Пермского края https://web.archive.org/web/20220126111458/https://pokolenia.permkrai.ru/books/?region=0&district=0&location=580&year_from=&year_to=&orgname=&orgkind=0&confession=0&fund=0&opis=&unit=&page=1