Турку

Турку
	Турку ; су. Turku, шв. Åbo
Вужпас;	Дӧрапас;
Му:	Суоми
Статус:	кар
Ладор:	Варсинайс Суоми
карса юралісь:	Алекси Ранделл
Инлыдпассэс:	60°27′ с. ш. 22°16′ в. д.HGЯO
Ыжда:	306,37 км²
Веськӧтлан кыввез	фин, швед
Отир лыд; • Отирлӧн топыта	178 670 морт (2011); 727,3 морт/км²
Час кытш:	UTC+2
Почта инпассэс:	2000-сянь 20960-öдз
Категория Викичомын	Turku
	Веськӧтлан сайт

Турку нето Обу — кар да порт Суомиын, Варсинайс Суоми регионлöн веськöтлан шöрин. Карыс сулалö Авраёки ю уссёын.

Ним йылісь

Туркулöн финскöй нимыс Turku аркмöма важ славяна кылісь търгъ 'вузасянін'. Шведскöй нимыс Åbo (лыддьöтӧны Обу) тэчöм кык торись о 'ю' да бу 'оланін'.

География

Турку куйлӧ Финму лунвыв-рытвылын, Авраёки ю уссёын да матісь Саристо саридз діэз вылын.

2012’ во пондöтчан кежö карыслöн мувывтор вöлі 306,36 км² пасьта, кöдаись 245,66 км² вöлі му вевдöр, 3,46 км² — мушöрва да остатки 57,24 км² — саридзвыв.

Ойвывсянь лунвылö Туркуыс нюжалö 45 км ылына. Ойвыв торыс, 1973' годö каркöт öтлаöтöм одззася коммуна Паттинен, вöснит тув моз нюжöтчö ойвывлань да судзöтчö Куханкуоноöдз, кыкьямыс коммуна öтувтан визир изöдз, кöда и эм Туркулöн медойвывся места. А паськытанас Турку токö 15 километра лоö. Лунвыв-рытвылас карыс куйлö островвез вылын, кöднаись медыджытöсь Руйссало, Хирвенсало, Сатава да Какскерта.

Энія діэз вылын вöрыс мукöдлаті чисто корья. Ойвылас куйлан Паттиненын вöррез унажыксö лысъяöсь.

Турку сулалӧ Авраёки ю кыкнан ладорын, кöда янсöтö сійö кык тор вылö. Шульга ладорыс, кытӧн сулалӧ Турку собор, шусьӧ таладорӧн (täl pual), а веськыт ладорсӧ, кытӧн куйлӧ площадь Кавпатори, шуӧны мӧдлапӧлӧн (tois pual).

Авраёки весьтöт Туркуас керöмöсь кыкьямыс пос:

Халистенсилта (важ да виль)
Равтатиесилта (1955)
Туомансилта (1999) – 110 м кузя, 22 м пасьта
Туомиокирккосилта (1899, пуовöйись лоис кöртовöйöн) – 44 м кузя, 27 м пасьта
Аврансилта (изпода пуовöйись лоис кöртовöйöн 1907' годö) – 47 м кузя, 12 м пасьта
Театтерисилта (подöн ветлан пос) (1997)
Мюллюсилта (1975) – 93 м кузя, 20 м пасьта (жугдöм 2010' годö) виль Мюллюсилтасö лöсьöтöмась 2011' годö.
Мартинсилта (1940) – 104 м кузя, 16,5 м пасьта

Кывтытын, кытöн поссэсö абу лöсьöтöмöсь, мыля сэтчин кораббезлö ни уялвны колö, лöсьöтöмась паром Фёри (Föri), кӧда Марттиланяс вуджöтӧ отирсö таладорсянь мöдлапöлö да бöр. Шуöны тай, этія паромыс пӧ ветлö "Обусянь Туркуӧдз" да мöдöрö.

Туркуыс сулалӧ сизим мыс вылын, то нія:

Kiikartorninmäki 50 м (Вартиовуори)
Tallimäki 42 м (Каколанмяки)
Самппалиннамяки 39 м
Ryssänmäki 38,8 м (Юлиопистонмяки)
Korppolaismäki 37 м (нето Aninkaistenmäki)
Пуолаланмяки 35,2 м
Керттулинмяки 27 м

Карас медджуджыт чут куйлö ойвылас. Этö Кархунсауна (89 метра), кöда сулалö Тортинмяки вылын.

Ордча коммунаэз

Ордчӧн Туркукӧт куйлӧны коммунаэз Авра, Карина, Лието, Парайнен, Мюнямяки, Нантали, Новсиайнен, Пёвтюя, Райсио да Руско.

Янсалöм

Туркуись районнэз

Унажык сы йылiсь видзöт: Туркуись карторрез

Туркуын 9 район, кытчӧ пырӧны 134 микрорайон. Районнэз да микрорайоннэз оз лӧсялӧ пыр сідз, медбы микорорайон вӧлі ӧтік район пытшкын.

Сэсся эмӧсь статистика мувывторрез (нумеруйтӧмӧсь), кӧдна нач оз лӧсялӧ районнэзкӧт да микрорайоннэзкӧт.

Микрорайоннэз, кӧдна куйлӧны кар шӧрын отир тӧдӧны нуммеррез сьӧрті, а быдӧс мӧдіккес - ас ним сьӧрті.

1970' воэзсянь Туркуас уналаын строитӧмась виль посёлоккез. Эттшӧм посёлоккезӧн лоӧны: Исохейккиля, Уйттамо, Илпойнен, Харитту, Луолавуори, Лавсте, Вариссуо, Пяскювуори, Курала, Кохмо, Халинен, Руносмяки, Хепокулта, Терясравтела, Няттинумми, Лянсинумми, Суйккила, Хяркямяки, Йюрккяля, Пансио, Перно да Якярля.

Ны коласісь Исохейккиля медваж, а Лянсинуммиас строитчӧны и ӧні. Якярля куйлӧ мӧдік карторрезсянь янын, Лието визир дынын.

1990' воэзсянь Туркуас вились строитчӧны унажыксӧ Хирвенсало, Сатава да Какскерта островвез вылын, а мӧділаын тыртӧны прос местаэз керкуэз коласісь.

История

Отир

Веськöтлöм

Кöзяйство

Культура

Музейез

Архитектура

Турку архитектураын тöдчöны XVIII—XX веккезся классицизм, национальнöй романтизм да финскöй функционализм. Университет керкуын, кöда сэсся лоис губернатор керкуöн, эм зал, кытчö квать горельеф керöма швед скульптор Каймберг.

Кино

Туркуын снимайтӧмась сэтшӧм фильммез:

Tyttö sinä olet tähti (2005)
Riisuttu mies (2006)
Käsky (2008)
Tummien perhosten koti (2008)
Vares – Pahan suudelma (2011)
Vares – Huhtikuun tytöt (2011)
Vares – Sukkanauhakäärme (2011)
(Vares – Kaidan tien kulkijat, кынымкӧ юкӧт, но медыджыт торсӧ Похьянмаын) (2012)
Vares – Uhkapelimerkki (2012)
Vares – Pimeyden tango (2012)
Hulluna Saraan (2012)

Лыддьöтан

Ыстӧттэз

Ыстісяннэз

↑ Mayor Aleksi Randell (en). turku.fi. Архивируйтӧм первоисточник сьӧрті 22 Гожумпом 2011. Видзӧтӧм 19 Тӧвпом 2011.

[1] Mayor Aleksi Randell (en). turku.fi. Архивируйтӧм первоисточник сьӧрті 22 Гожумпом 2011. Видзӧтӧм 19 Тӧвпом 2011.

[1]

Турку су. Turku, шв. Åbo
Вужпас	Дӧрапас
Му:	Суоми
Статус:	кар
Ладор:	Варсинайс Суоми
карса юралісь:	Алекси Ранделл^[1]
Инлыдпассэс:	60°27′ с. ш. 22°16′ в. д.^HGЯOL
Ыжда:	306,37 км²
Веськӧтлан кыввез	фин, швед
Отир лыд • Отирлӧн топыта	178 670 морт (2011) 727,3 морт/км²

Час кытш:	UTC+2+2
Почта инпассэс:	2000-сянь 20960-öдз
Категория Викичомын	Turku
Веськӧтлан сайт