Тотьмянин Иван Михайлович

Тотьмянин Иван Михайлович (1915-19??) – Коми кытшын партиялöн ыджыт функционер, Коми окрисполкомын юралісь да Коми окружкомын медодзза секретар.

Тотьмянин Иван Михайлович
Чужан лун:	1915’ вося октяб 22’ лун(1915-10-22)
Чужан ин:	Пермская губерния[d], Российская империя[d]
Кулан лун:	1982’ во
Кулан ин:	Перем, РСФСР[d], СССР[d]

Олантуй

Чужис 1915' годö öння Кудымкар районісь Шадрин грездын. 1934' годö Перемын помаліс финанссэз да экономика сьöрті техникум. Вит во сьöрна уджаліс Улісь Тагилын Комбанк юкöтын инспекторöн-консультантöн, сэсся комсомол органнэзын.

Коми Республикаын

ВКП(б) ЦК бердын медвылісь партшкола помалöм бöрын И. М. Тотьмянин вöлі иньдöтöм Коми АССР-ö, кытöн сійö пуктöмась секретарöн, сыбöрын мöдöдз секретарöн партия Тывда райкомö, а 1944' годö медодзза секретарöн Кулöмдін райкомö. Мортöс бöрйылöмась депутатöн республика Верховнöй Советö, а 1949' во сія лоис ВКП(б) обкомын секретарöн.

Коми кытшын да Перемын

1949' во мортöс иньдöтöны Коми кытшö секретарöн партия окружкомö. 1950' декаб коста сія лоис юралісьöн окрисполкомын, а 1953' февральын – ВКП(б) окружкомын медодзза секретарöн. Этія чинын сія пукаліс 1961' годöдз. Сыбöрын муніс овны Перемö, кытöн сія веськöтліс облсобесöн, отир контроль сьöрті карись комитетöн.

Гора ниммес да пассэс

Вöлі РСФСР-ись Верховнöй Советын депутатöн III, IV, V кичöстöм коста (1951-1963), ветліс делегатöн партия XX (1956' во) да XXI (1959' во) öксяннэз вылö. Лыддиссис партия Перем обкомын бюроö пырисьöн.

Кан сетöма И.М. Тотьмяниныслö кык орден: Уджлöн Гöрд Дöрапас да Айму понда косясян (1 тшупöта). Нысся сылöн вöлі кыкьямыс медаль.

Öшмöссэз

• Коньшин А.Е.. История коми-пермяцкого народа 1917-1940 гг. Книга первая. Кудымкар, 2004. ISBN 5-900894-22-3
• Национально-государственное строительство коми-пермяцкого народа в документах и материалах. Том І. 1917-1989. Кудымкар, 2006.