Тибеса Максимиллян
Тибеса Максимиллян, Тибесаись Максимиллян рочӧнжык Тибесскӧй Максимилиан (лат. лат. Maximilian; 274—295, Тибеса, Рим Империя) — кристослӧн вежа ай. Фабий Витторлӧн зоныс. Сія некинісь повтӧг висьтавліс аслас Кристослӧ эскӧм йылісь да эз мöдлы Рим армияӧ мунны, этасянь сійӧс и вийисны. Максимиллянӧс почитайтчӧны Католик, Лютэран да Ортодоксия (Правӧславве) вичкуын. Касьтісян лун — март тӧлісся 12-ӧт. Максимиллян — вежа енöж дорйись нылöн, кöдаэз оз аслас видзӧтлас сьӧрті мунны армияӧ.
| Тибеса Максимиллян | |
| Удж: | |
|---|---|
| Чужан лун: | |
| Чужан ин: | |
| Кулан лун: | |
| Кулан ин: | |
Олантуй
вильмӧтныМаксимиллян чужис 274-ӧт воын Тибеса карын, Рим Империяӧн мырддьӧм асыввыв Нумидияын (Ӧні этія асыввыв Алжир, ойвыв Априка). Сылӧн айыс, Фабий Виттор, вӧліс Рим солдатӧн, кöда вуджис Кристослӧ эскӧмӧ. 21 годын Максимиллянӧс коліс Рим Империя армияӧ босьтны.
Диоклентиан Римын каналикö, 295-ӧт вося март тӧлісся 12-ӧт лунын Максимиллянлӧ коліс лоны рекрутӧн, но сія эз мöдлы, этія лӧгӧтіс Априкаса проконсулӧс, Касий Дионӧс, да римись ыджыт морттэзӧс. Проконсулкӧт сёрнитӧмын Максимиллян шуис, мый Кристослӧ эскись оз вермыны вийны сы паныт мунісьöс, эскисьлӧ колӧ радейтны ассис врагсö, öд тадз велöтö сылöн эскöмыс. Максимиллян эз суськись аслас видзӧтласісь. Кӧр проконсул кутіс вийӧмӧн повзьӧтчыны, Максимиллян вочавидзис, мый кристосӧ эскӧм понда сiя оз пов кулӧмись[1]. Максимиллян сулалiс лӧгалӧм да тыш паныт.
Сылӧн кыввезсис Максимиллянлісь юр керыштісö. Сылӧн шойсӧ гуалісны Вежа Киприанкӧт ордчӧн Картажын (Карфагенын).
Максимиллян вылын суд йылісь гижöма "Вежа Максимиллян йылісь акт"-ын, кӧдаӧс йӧзӧтіс монак-туялісь, Тэодор Руинарт, 1689-ӧт воын Оксвордын.