Сёрникузялӧн под

Сёрникузялӧн под (предложеннёлӧн основа) – сёрникузясӧ видзан тор.

Сы сьӧрті, тыр я подыс сёрникузяыслӧн, торйӧтӧны кыксостава да джынъя сёрникузяэз.

Кыксостава сёрникузялісь подсӧ видзӧны юракыв да висьтас. Некытшӧм сёрникузя юкӧтлӧ юракыв грамматика сьӧрті оз увтыртчы. Висьтас увтыртчӧ юракывлӧ. Сёрникузяэзын: Морт гижӧ и Морттэз гижӧны кадакывлісь-висьтаслісь лыддянсӧ бӧрйим эманим-юракыв лыддян сьӧрті. Сёрникузяэзын: Ойыс пемыт и Ойес пемытӧсь висьтаслісь-тӧдчаннимлісь лыддянсӧ бӧрйим эманим-юракыв сьӧрті.

Висьтас юракывкӧт йитсьӧ лӧсялӧмӧн. Но эта лӧсялӧмлӧн торья вид, сія йитӧ видзан юкӧттэз, кӧдна оз аркмӧтӧ кывтэчас, а аркмӧтӧны сёрникузялісь видзан под.

Джынъя сёрникузяын подсӧ видзӧ нето дзир юракыв, нето дзир висьтас.