Википедия

Перем комиэз:Версияэзлӧн торьялӧм

Интерактивная навигация по истории
← Одзжыкся вильмöтöмСыбöрся вильмöтöтöм →
Пытшкӧсыс чышкӧма Пытшкӧсыс содтӧма
ВизуальныйВики-текст
SPQRobin (сёрни | пуктöм)
3 вильмӧтӧммез
невн. 12 версий: importing articles from Incubator
EmausBot (сёрни | пуктöм)
8280 вильмӧтӧммез
невн. робот косметические изменения
Визёк 10:
| related = [[Коми зыряна]], [[Удмурттэз]]
}}
'''Перем комиэз''' (''коми-пермяккез, пермяккез'') – [[Коми отир|коми отир]], кöдна олöны [[Перем ладор|Перем ладорын]], [[Киров лапöв|Киров лапöлын]] да [[Коми Республика|Коми Республика]] лун-рытвыв пельöсын. Быдöс этна комиэз рочöн асьнысö шуöны (нето шуисö ХХ век пондöтчикö) пермяккезöн.
 
Комиöн баиттöнняс перем комиэзiсь быд морт нимтö асьсö [[Коми морт|коми морт]].
 
Перем комиэсö, кöдна олöны [[Перем ладорись Коми кытш|Перем ладорись Коми кытшын]] веськöтлiссез тшöктöны шуны [[Коми-пермяккез|коми-пермяккезöн]]. Коми кытш визиррез сайись перем коми анклаввезын отирыс öнöдз шуöны асьнысö рочöн дзир пермяккезöн. Унажык комиэсö, кöдна олöны Коми Республикаын, йöзыс шуöны [[Коми зыряна|коми зырянаöн]]. Перем комиэз да коми зыряна лоöны коми отир пытшыкын кык ыджыт субэтнос туйö.
 
2002 вося гижöтöм сьöртi [[Роч Федерация|Роч Федерацияын]] перем комиэз олöмась 125,2 сюрс морт, ны коласын [[Перем лапöв|Перем лапöлас]] — 103,5 сюрс морт, ныись Коми кытшын — 80,3 сюрс морт.
 
XIX век помын да XX век пондöтчикö перем коми отир сё содöма, мыля отирыс горт муэзiсь мунiсö етша. 1897 годся гижöтöм сьöртi перем комиэзiсь 98% олöмась асланыс муэзын. Öнi уна том отир мунö аслас чужан муэзiсь кошшыны буржык олан да öшö-сылö роччез шöрын, сiйöн и коми отирыс Перем ладорас лоис унаись етшажык.
 
Перем комиэз баитöны коми кывлöн [[Коми кывлöн перем диалекттэз|перем диалекттэз]] вылын. Коми кытшын перем комиэз лöсьöтöмась тодильнöй кыв стандарт, кöда шусьö [[Перем Коми кыв|Перем комиэзлöн лыддьöтан кыв]] (рочöнжык: ''коми-пермяцкöй литературнöй кыв''). Этiйö кыв велöтöны Коми кытшись школаэзын 21% мымда коми челядь коласiсь. Тодильнöй лыддьöтан кыв ([[Язьва коми кыв|коми-язьвинскöй кыл]]) Перем ладорись юралiссез öнi лöсьöтöны и Язьва дорись комиэз понда.
 
== Ним йылiсь ==
Визёк 27:
Ойвыв комиэз ([[Коми зыряна|зыряна]]) 1921 годö шупкисö роччезлiсь босьтöм нимкодьсö да рочöн шуöны асьнысö дзир комиэзöн (''коми народ''), кöть и наукаын ''коми зыряна'' ним кольччис, мед вежöртны, кöдладорись комиэз йылiсь сёрниыс.
 
[[Перем ладорись Коми кытш|Коми кытшын]] олiсь комиэзлö, кöдна одзжык асьнысö шуисö рочöн ''пермяки'', а комиöн ''коми'', 1925 во бöрын юралiссез тшöктiсö и рочöн, и комиöн шусьыны коми-пермяккезöн (''коми-пермяки''). Коми отир татöн дыр вермасисö, мед чапкыны этiйö нимкодьсö, но 1937 во бöрын сетчисö.
 
Язьва дорын олiсь комиэз öнöдз шуöны асьнысö рочöн дзир ''пермяккезöн'', а [[Киров лапöв|Киров лапöлын]] комиэз (зюзьдiнса) – ''пермянаöн''.
Визёк 36:
 
== Олан муэз ==
''Унажык сы йылiсь видзöт: [[Перем комиэзлöн олан муэз|Перем комиэзлöн олан муэз]]''
 
Перем комиэзлöн олан муэз куйлöны Перем ладорын, Киров лапöлын да Коми Республикаись лун-рытвывся пельöсын.
 
Медуна перем комиэз олöны [[Перем ладорись Коми кытш|Перем ладорись Коми кытшын]], кöда куйлö шöрöттяс и лоö перем коми отир понда культура шöрин (центр). Татiсь школаэзын первуись перем комиэз коласын пондiсö велöтны комиöн, татiсь ысталiсö коми велöтiссесö мöдiлаын олiсь перем комиэз дынö, татöн петöны комиöн небöггез, комиöн баитыштö радио да телевидз. Олiссез татöн – иньвенса да косинса.
 
Перем ладорись ойвыв-асыввылын, [[Вишера районын|Вишера районын]] перем комиэз олöны [[Язьва|Язьва]] ю йыввезын. Нылöн аскоддя диалект, вера сьöртi нiя [[Кержаккез|кержаккез]]. Перем ладорись юралiссез нетшкöвтöны бы язьвинсасö мöдiк перем комиэз коласiсь, сы понда кынымöкö ны челядь коласiсь пондiсö велöтны татiсь диалектö, кöдö томмез вунöтöмась ни, лэдзöны небöггез.
 
Одзджык Кама ладорыс Перемсянь ойвывланяс вöлi сваль коми муöн, эта йылiсь баитöны топониммез: [[Ныроб (оланiн)|Ныроб]], [[Яйва (ю)|Яйва]], [[Чусва (ю)|Чусва]], [[Обва (ю)|Обва]]. Öнi коми отир татiсь рочсялöмась, кöть и ны роч сёрниын кольччöны торья коми шуаннэз да формаэз.
 
Перем ладор пасьта (Коми кытш визиррез сайын) олiсь перем комиэз – Коми кытшись нето Язьва дорись мунöм йöз. Нiя олöны унажыксö каррезын, медуна – [[Перем (кар)|Перемын]].
 
Киров лапöлiсь [[Зюзьдiн район|Зюзьдiн]] (Афанасьева) район – перем комиэзлöн важ горт. Сiя куйлö Кама катытын, ордчöн Коми кытшкöт асыввылын да [[Удмурт Республика|Удмурт Республикакöт]] лунвылын. Зюзьдiнса лёка рочсялöны, школаын коми кыв оз велöтö.
 
Коми Республикаись [[Койгорт район|Койгорт районын]], Сыктыв ю йыввезын, олöны перем комиэз, кöдналöн басни вачкисьö зюзьдiнса сёрни вылö. Но этнограффез пыртöны нiйö коми зыряналöн сыктывса чукöрö. Лыддьöтан кыв туйö татöн лыддисьö зыряналöн коми кыв, кöда вылын уна бур небöг гижис татiсь петöм морт [[Торопов Иван Григорьевич|Торопов Иван]].
Визёк 54:
Коми Республикаись [[Луздор район|Луздор районын]] перем комиэз олöны [[Лэт (ю)|Лэт]] ю йыввезын да [[Луз (ю)|Луз]] ю дорын. Нiйö туялiссез сiдзжö лыддьöны коми зыряна туйö, нылöн челядь велöтöны мам кыв зыряна небöггез сьöртi.
 
Уна перем комиэз мунiсö чужан муись кошшыны буржык олан. Сiйöн миян вужись петöм отир олöны öнi омöн Роч му пасьта. Медуна – [[Краснодар|Краснодар]] ладорын, [[Ростов|Ростов]] да [[Свердловск|Свердловск]] лапöввезын, [[Йöгра му|Йöгра кытшын]].
 
== Лыд ==
''Унажык сы йылiсь видзöт: [[Перем комиэзлöн демография|Перем комиэзлöн демография]], [[Перем комиэзлöн лыд Роч му регионнэз сьöртi|Перем комиэзлöн лыд Роч му регионнэз сьöртi]]''
 
2002 годся гижöтöм сьöртi [[Роч му|Роч му]] пасьта олöмась 125 235 перем коми морт.
 
Коми кытшас сiя жö кадö коми отир вöлöмась 80 327 морт.
 
[[Перем лапöв|Перем лапöлас]], Коми кытш визиррез сайын, сiя жö кадö лыддисö асьнысö перем коми отирöн 23 178 морт (эшö 1148 морт шуисö асьнысö коми), ныись 900 гöгöр коми морт олöмась Язьваланьын.
 
Зюзьдiнса коласiсь перем комиöн шусьöмась 351 морт.
Визёк 69:
Унаöн перем комиэз коласiсь мунöны ылö чужан мусянь. 2002 вося гижöтöм сьöртi медыджыт перем коми диаспораэз аркмöмась [[Йöгра му|Ханты-Манси (Йöгра) кытшын]] (2704 морт), [[Свердловск лапöв|Свердловск лапöлын]] (1897 морт), [[Ростов лапöв|Ростов лапöлын]] (1811) да [[Краснодар ладор|Краснодар ладорын]] (1095). Унаöн перем комиэз мунöны и [[Коми Республика|Коми Республикаö]], татöн нiя 1118 морт.
 
Мымда вöлiсö перем комиэз важ кадö тöдны сьöкыт — сы йылiсь некытöн абу гижöм. Тöдны пондасö дзир XVIII век пондöтчикö. 1710 годö [[Чердын уезд|Чердын уездiсь]] 57 грездын (деревняын) олöмась 3026 коми морт, Иньва ю гöгöр [[Совкар уезд|Совкар уездiсь]] 97 грездын — 4763 коми морт (нiйö тожно, 1702 воын, сетiсö [[Строгановвез|Строгановвезлö]]). 1745 годö коми отир лоасö ни 16 300 морт, а 1795 во кежö — 29 800 морт.
 
XIX век сьöрна комиэз содöмась чожжыка мöдiк кывья йöзся. 1857-1858 годдэзö X ревизия (гижöтöм) сьöртi коми отир вöлöмась 62 130 морт. Ны коласiсь Совкар уездын олöмась 45 356 морт, Чердын уездын — 15 458 морт, [[Оханскöй уезд|Оханскöйын]] — 1316 морт. 1897 годö Роч империялöн медодзза гижöтöм мыччалас Перем губернияись 92 641 коми мортöс, ны коласын: зюзьдiнса — 9320 морт, язьвинса — 3843, обвинса — дзир 62 морт.
Визёк 114:
Зюзьдын районас 1950 воэзö коми отир вöлöмась 7 сюрс гöгöр морт, 1970 годö — 700, а 2002 воын татiсь лыддисö токö 351 коми мортöс, сы сьöртi, кыдз быдсöн районас йöзыс олöны 16 960-а.
 
Язьва дорын коми отир 1897 годö вöлöма 2,2 сюрс морт, 1926 вося отир гижöтöм кежö нiя лоасö унажыкöсь: татöн олöма сэк 3163 коми морт. А сэсся нiйö пондасö гижны роччезöн. Медбöрья гижöтöм дырни комиöн (нето перем комиöн) асьнысö шуöмась дзир 886 морт омöн Вишера район пасьта.
 
== Янсалöм ==
Визёк 121:
Кöркöся ''обвинсалöн'' неыджыт чукöр, кöда олöма Перем губернияись [[Оханскöй уезд|Оханскöй уездын]], öння кадö быдсöн рочсялöма.
 
Зюзьдынiсь да Язьва дорись комиэз, кöдна эзö пырö Коми кытш муэзö не Коми Республикаö, öнöдз олöны асланыс поверьёэз сьöртi. Мöдiлаэзiсь комиэз нылö отсалöмась умöля, сысянь нiя озжык кылö асьнысö коми отирöн, но сё жö абу досповна öштöмась ассиныс баитан коми кыв, а гижöтчöм коста мукöдыс и шусьö коми мортöн.
 
Коми кытш ойвылын да лунвылын олiсь комиэз баснинаныс, культурананыс да оланнаныс невна торьясьыштöны. Медтöдчана неöткодьыс ны коласын тыдалö л да в шыэз пыр. Кöсва дорланьын комиэз баитöны ''л'' шы пыр, а Иньва дорын унажык комиэз öштöмась сiйö шысö да пондöмась шуны сы туйö ''в'' шы: (''кыл — кыв'').
 
=== Иньвенса ===
''Унажык сы йылiсь видзöт: [[Иньвенса|Иньвенса]], [[Нердвинса|Нердвинса]]''
 
Лунвылынжык олiсь перем комиэзiсь унажыкыс олöны Иньва ю да сыö усян юэз пöлöн (сiйöн и шусьöны – иньвенса). Сiя ладорись комиэз торьясьöны нёль неыджыт чукöр вылö, кöдна олöны Иньва кывтытын, Иньва катытын, [[Öнь (оланiн)|Öнь]] дынын да [[Нердва (ю)|Нердва]] ю йыввезын.
 
Нердва йылын да Öннезын олiссез лоöны коляссэз нiя коми йöзiсь, кöдна олöмась кöркö Обва ю да сы вожжез пöлöн. Öнi унажыкыс обвинса рочсялöмась, а Нердваись да Öннезiсь комиэзöс видзöтöны öтлаын иньвенсакöт.
Визёк 134:
Нердва дорын олiсь комиэс торьясьöны мöдiккезсянь асланыс басниöн. Уна годдэз сьöрна роччезкöт öтлаын олöмыс пыртöма ны оланö роччезлiсь поверьёэз. Öньын отирыс невна не быдöнныс рочмöмась ни.
 
Кудымкар район пасьта да Юсьва район рытвылын олiсь комиэзлöн аскодьöм басни да культура, ордча комиэз нiйö шуöны [[Батюррез|батюррезöн]].
 
Иньвенса шедтöмась сёянсö гöрöмöн да кöдзöмöн. Иньва ю пöлöн керкуэсö сувтöтöмась вит бокаöсь, картавывсö абу вевттьывлöмась. Керкуэсö лэбтöны вöлi невылына. Паськöмсö вурлöмась мурöма да сьöдрöма пестрöдись, вежалунся дубассэз вöлöмась набойнöй дöраись. Инькаэс новйöмась юр выланыс шамшураэз.
 
Коми иньвенса тöдöны космогония висьт сы йылiсь, кыдз Ен да Куль аркмöтiсö мусö, висьтасьöны [[Кудым Ош|Кудым Ош]] йылiсь важся легенда.
 
=== Косинса ===
''Унажык сы йылiсь видзöт: [[Косинса|Косинса]], [[Лупьинса|Лупьинса]]''
 
Ойвылiсьжык перем комиэсö этнограффез öтувтöмöн шуöны ''косинса''. Коми отирлöн этiя чукöрö пыриссез важынсянь олöны Кама да сыö усян [[Кöсва|Кöсва]] (рочöн – ''Коса'') ю пöлöн. Коркö нылöн муэз вöлiсö Перем губернияись [[Чердын уезд|Чердын уездын]], сiйöн татiсь комиэсö сэк нимтöмась ''чердынскöй пермяккез''). Öння кадö нылöн оланiннэз пырöны Коми кытшись [[Кöч район|Кöч]], [[Кöсладор район|Кöс]] да [[Гайна район|Гайна]] районнэзö.
 
Ойвывся перем комиэз коласын торьялöны [[Луп (ю)|Луп]] йылiсь да [[Нöрыс (грезд)|Нöрысiсь]] комиэз, кöдна олöны Гайна районын. Нiя асланыс этнокультураöн вачкисьöны коми-зыряналань, но асьнысö шуöны рочöн пермяккезöн. Туялiссез нiйö шуöны ''лупьинса''.
Визёк 158:
 
=== Язьвинса ===
''Унажык сы сылiсь видзöт: [[Коми-Язьвинса|Коми-Язьвинса]]''
 
Перем му асыввылын эм комиэзлöн тöдчана чукöр — ''Язьва комиэз'' нето, рочöнжык кö шуны, ''язьвинса''. Нiя олöны [[Язьва|Язьва]] ю катытын. Эна муэс пырöны Перем ладорись [[Вишера район|Вишера районö]], а одзжык вöлöмась Чердын уездiсь [[Верх-Язьва (волость)|Верх-Язьва волостьöн]]. Асьнысö язьвинсаыс рочöн шуöны ''пермяккезöн''.
 
2002 годся гижöтöм сьöртi Вишера районас [[Перем комиэз|перем комиэзöн]] (коми пермяккезöн) шусисö дзир 198 морт, а 688 морт шуисö асьнысö [[Коми отир|комиэзöн]]. Эшö 20 морт нимтiсö асьнысö ''язьвинскöй пермяккезöн'', этiя под вылын [[Перем ладор|Перем ладорись]] юралiссез тшöктöны лыддьыны Язьва дорись комиэзöс торья отирöн, лöсьöтöны ны понда торья лыддьöтан кыв, лэдзöны небöггез, видзöны уна сьöм.
 
Язьва комиэз сёрниын уна неöткодьыс мöдiк комиэз басникöт. Но этiя сёрниыс (баитiссез 200 морт кыным) сё жö лоö коми кыв понда диалектöн, кöдö позьö пыртны коми кывлöн [[Асыввывся перем сёрнитан|асыввывся перем сёрнитанö]] (восточно-пермяцкöй наречиёö).
 
Коми отирлöн асыввывся перем чукöрыс Кама ладорас аркмöма да зорамöма IX-XV веккезö Кама, [[Колва (ю)|Колва]] да [[Вишера (ю)|Вишера]] юэз пöлöн. Роччезлöн Ыджыт Перемö локтöмыс уна мый сорлалiс, сiйöн XVII сугöд шöрын Перем му асыввылiсь комиэс невна не быдсöн öшöны. Ны чукöрсиныс дзир неыджыт тор, кöда мунiс Язьва ю пöлöт катытас, видзис ассис баитан кывсö да аскодьöм культурасö. Сiя и аркмöтас öння торья чукöр.
Визёк 170:
XVIII век помын – XIX век пондöтчикö натьтö и аркмис язьвинсалöн чукöрныс. Сiя кадö Кама ладорас паськыта ветлöма [[Кержаккез|кержаккезлöн]] велöтöм ([[Иисус Христос|Христослö]] важ нёжа эскöм), сы сьöртi отирыс и öтлаасясö öтiк чукöрö да пондасö видзсьыны öтамöд бердö. Буржыка сорласясö рочческöт Язьва дорись нiя комиэс, кöдна ветлiсö буркывья вичкуö. 1897 годö язьвинсаыс вöлöмась 2,2 сюрс морт. Комиэзöн нiйö медбöрьяись гижисö 1926 вося гижöтöм коста, сэк татöн вöлi 3163 коми морт. Одзланься гижöтöммез дырни татiсь коми отирсö гижöтлiсö роччезöн ни.
 
Советтэз дырни Язьва дорись комиэс эзö пырö нiя муэзö, кытöн öксисö öтлаö унажык коми отирыс: ни Перем комиэзлöн асвужья кытшö, ни [[Коми АССР|Коми АССР]]-ö. Язьва дорись коми отир öнöдз озö вермö вежöртны, кытшöм чукöрö пырны, шуöны асьнысö коми-язьвинсаöн, коми-пермяккезöн, комиэзöн, пермяккезöн, нельки роччезöн. Унаöн озö вермö висьтавны, киннэз нiя чужанвуж сьöртi.
 
=== Зюзьдiнса ===
 
''Унажык сы йылiсь видзöт: [[Зюзьдiнса|Зюзьдiнса]]''
 
Рытвылынжык олiсь перем комиэз коласын медматынöсь Коми кытш дынö лоöны Кама йыввезiсь (Зюзьдiнiсь) комиэз. Нiя олöны Киров лапöлiсь [[Зюзьдiн район|Зюзьдiн]] (Афанасьева) районын. Одзжык эта вöлi [[Вятка губерня|Вятка]] губерняись [[Глазов уезд|Глазов уезд]].
 
''Зюзьдiнса'' этноним лоис, натьтö, [[Сюзьва (ю)|Сюзьва]] ю нимсянь, кöда усьö Кама юö веськыт ладорсянь ('''Зюзьдiн''' < '''Сюзь дiн''', '''дiн''' кывлöн вежöртас лоö ‘уссё’). Этiя ю уссё гöгöр, тыдалö, и олiсö татiсь комиэзлöн важ ай-маммез.
Визёк 182:
Асьнысö татiсь комиэз рочöн шуöны ''пермянаöн'', ''пермяккезöн''.
 
Уна век сьöрна зюзьдiнса олöмась торйöн коми этнос шöриннэзсянь, öтлаын роччезкöт. Сiйöн Зюзьдын комиэслöн важынсянь лоöма аскодьöм рочсялöм олан культура. Рöдвуж отир дынсянь торйöн олöмыс, нация зоралöмсянь да коми отирлöн öтлаасьöмсянь торьялöм, Коми кытшись да Коми Республикаись комиэзкöт экономика да культура йитöттэзын етша пантасьлöм, унажыксö и сорлаласö Зюзьдынiсь комиэсö рочческöт.
 
1950 воэзö Зюзьдын районас коми отир вöлöмась 7 сюрс гöгöр морт, 1970 годö — 700 морт. А 2002 во кежö татöн кольччасö 351 коми морт, сы сьöртi, кыдз быдсöн районас олöны 16 960 морт.
 
Зюзьдынiсь комиэс баитан кыв да горт олан сьöртi торйöтчöны кык чукöр вылö. Ойвыв зюзьдинсаыс вачкисьöны унажыксö Гайна гöгöрись комиэзлань, лунвывсяэс — Иньва дорись комиэзлань.
Визёк 193:
2002 вося гижöтöм сьöртi Роч муын перем комиöн баитöмась 94,3 сюрс морт, ны коласын 3,5 сюрсыс – мöдiк вужжезiсь отир. Перем комиэзiсь ассиныс кыв тöдöны 72,6%. Этiя лыдпас вежсьö сы сьöртi, кытöн коми мортыс олö. Шуам, Коми кытшын чужан кыв вылын баитöны 83,1% комиэз коласiсь; Перем ладорын (кытш визиррез сайын) - 60,7%; Перем ладорсянь ылын олiсь перем комиэзiсь мам кыв тöдöны токö 46,4%.
 
Перем комиэзлöн эм асланыс кыв стандарт – [[Перем Коми кыв|перем комиэзлöн лыддьöтан кыв]] (рочöнжык ''коми-пермяцкöй литературнöй кыв''), кöда вöлi лöсьöтöм татiсь коми диалекттэз под вылын. Коми кытшись школаэзын лыддьöтан кывнысö да перем коми литература 2008/09 воын велöтöмась дзир 20,5% коми челядь коласiсь (2931 морт); а садиккезö, кытöн челядёкыскöт баитöны коми кыв вылын, ай-маммез сетöмась сiя жö годö токö 848 кага (этiя лоö 14,3% быдöс дошкольниккез коласiсь).
 
=== Диалекттэз ===
''Унажык сы йылiсь видзöт: [[Перем коми диалекттэз|Перем коми диалекттэз]]''
 
Перем комиэз олöны паськыта, сiйöн и кыв нылöн абу быдлаын öткодь. Позьö торйöтны нёль ыджыт сёрнитан (наречие): ''ойвывся'', ''лунвывся'', ''рытвывся'' да ''асыввывся''. Коми кывлöн перем сёрнитаннэз невна не пыр лöсялöны коми отирлöн торья перем чукöррезкöт.
Визёк 204:
* [[Ойвыв перем сёрнитан|Ойвыв перем сёрнитаныслö]] аскодя то мый: татöн ''л'' шыыс некöр оз öш, ёнжыка шусьö медодзза слог, уна кыввез, структураэз и формаэз зыряна сёрниын кодьöсь. Зыряна коктуй сьöртi ойвыв сёрнитанiсь янсöтöны [[Луп диалект|Луп]] да [[Кöсладор диалект|кöсладор]] диалекттэз. Луп диалектын зыряна басни вылö вачкисян чертаэз оддьöн ни уна. Этiя и вежöртана, эд лупьинса пыр вовлiсьöмась эжвайывсакöт, кöдна комиöн баитöны зыряна нёж. Кöсладор диалектiсь мукöд туялiссес торйöтöны [[Кöчладор диалект|Кöчладор]] баснисö, сiя пö лунвывся сёрнитан вылö буражык вачкисьö.
* [[Лунвыв перем сёрнитан|Лунвыв перем сёрнитаныс]] бöра абу öткодь. Кык диалектын – [[Улiсь Иньва диалект|Улiсь Иньва]] дорын да [[Вылiсь Иньва диалект|Вылiсь Иньва]] дорын ''л'' шыыс öшöм начöдз. Сы туйö шуöны ''в'' нето нем озö шуö. Этна диалекттэз öтамöднысöкöт торьясьöны шы вынсьöтанöн. Вылiсь Иньваланьын унажыксö ёнжыкöсь овлöны мукöд торья содттассэз, а Улiсь Иньваланьын – торья тыргора шыэз (''у, ы, и''). [[Нердва диалект|Нердва]] диалектын ''л'' шыыс кольччöма, кыдз и ойвывся сёрнитанын. Сiя жö шыыс олö и [[Öнь диалект|Öнь]] диалектын, кöть ачыс диалектыс öнiя кадö öшö ни.
* [[Рытвыв перем сёрнитан|Рытвыв перем сёрнитанö]] велалöмась пыртны дзир öтiк диалект – [[Зюзьдiн диалект|зюзьдiнсалiсь]]. Татöн мукöд формаэз зыряна басни вылö вачкисьöны (шуам, унаö лыддян ''-яс''). Диалектыс бура рочсялöма. Сэтшöм жö серпас ми адззам и [[Сыктыв йыв диалект|Сыктыв йылын]] да мымдакö [[Луза-Лэтка диалект| Луза-Лэтка]] диалектын, кöднö öнi пыртöны зыряна диалекттэз коласö.
* [[Асыввыв перем сёрнитан|Асыввыв перем сёрнитан]] медбура торьясьö мöдiк коми диалекттэзiсь. Татöн мийö адззам öтiк диалект – [[Язьва диалект|язьвинсалöн]]. Язьва диалектын эм ассяма шыэз (шуам, небытöсь ''о'' и ''у''), шы вынсьöтан система матын Улiсь Иньваланьын шы вынсьöтöм дынö, лексика – ойвывся перем коми кывйöр дынö, а кыв ладас öддьöн уна öтласа мукöд зыряна диалекттэзкöт.
 
=== Лыддьöтан кыв ===
Визёк 212:
Перем комиэзлöн лыддьöтан кыв аркмöма коми кывлöн лунвывся да ойвывся перем сёрнитаннэз под вылын.
 
Первуись бумага вылö перем коми кыввез-шуаннэз лоисö личкöтлöмöсь-печатайтöмöсь 1756 годö [[Миллер Герард Фридрих|Г.Ф. Миллер]] уджын, мортыс босьтöма нiйö ойвыв сёрнитанiсь. 1785 во кежö вöлi дась (готов) медодзза коми грамматика да ыджыткодь кывкуд, лöсьöтiсьыс – [[Попов Антоний|Попов Антоний]]. Сэсся перем сёрнитаннэзiсь лоасö öктöмöсь эшö кык ыджыт кывчукöр – [[Чечулин Георгий|Чечулин Георгийлöн]] да [[Волегов Федот Алексеевич|Волегов Федотлöн]]. 1823 воын первуись вуджöтöны перем коми кыв вылö Бур юöр (Евангеллё). Этiйö керöма Йöг посадiсь поп [[Любимов Феодор|Любимов Феодор]].
 
1860 годö Питерын печатайтöмась перем коми грамматика, а 1868 годö – кывчукöр. Кыкнан небöгсö лöсьöтöма [[Рогов Öврам Миков|Рогов Миков]]. 1866 воын [[Лондон|Лондонын]] петö медодзза печатайтöм небöг быдсöн перем комиöн, «Матьвей сьöртi Бур юöр», кöдö вуджöтöма [[Попов Öврамий|Попов Öврамий]]. Челядьöс велöтöм понда медодзза небöг петö 1894 годö, гижис сiйö [[Попов Ермолай Евдокимович|Попов Ермов]]. XIX век помын – XX век пондöтчикö [[Казань|Казаньын]] лэдзöны перем коми кыв вылын букваррез да унакодь вичкося небöг. Сiйö уджсö артмöтiс Камасинiсь [[Шестаков Яков Васильевич|Шестаков Яков]] (сiя вöлi поп Кудымкарын). Вуджöтiссез коласын тöдса [[Седегов И.В.|Седегов И.В.]], кöда ки увтiсь петiс «Вежа история» (1901 во) да мд. Быдсöн 1917 воöдз перем комиöн печатайтöмась 26 мымда небöг. Роч муын юралöмсö мöдöртöм бöрын коми небöггес пондасö петны бура унажык.
 
1927 годöдз небöггесö лэдзöмась ойвывся да лунвывся сёрнитаннэз вылын торйöн. Сэсся шуасö лöсьöтны öтласа перем коми кыв. Сы понда пыртасö л/в вежласьöм. Кыв лоас буражык нормируйтöм. Сiя кадö перем комиэзлö лыддьöтан кыв лöсьöтöмась [[Лихачёв Михаил Павлович|Лихачёв Микаль]], [[Питю Öньö|Питю Öньö]], [[Онтон Пёдор|Онтон Пёдор]], [[Ёгор Пёдор|Ёгор Пёдор]], а томжыккез коласiсь [[Нечаев Григорий Андреевич|Нечаев Григорий]], [[Грибанов Спиридон Федотович|Грибанов Спиридон]], [[Василь Миков|Василь Миков]], [[Иву Стёпко|Иву Стёпко]]. ХХ веклöн 20-30 воэз сьöрна перем коми кыв вылын вöлiсö лэдзöмöсь велöтан небöггез алгебра, геометрия, физика, химия, география, ботаника да зоология сьöртi, уна небöг вуджöтасö роч кыв вылiсь. Аркмöтласö асвужья терминология. Сiя жö кадö не öтпыр вежсьылöма коми кывлöн графика (гижöт): перво вöлöма [[Молодцов анбур|Молодцов анбур]] (1921-1932), сыбöрын [[Коми латынь|коми латынь]] (1932-1937), сэсся татiсь комиэсö вуджöтасö роч азбука вылö, а 1939 годсянь пыртасö öння [[Öння коми анбур|коми алфавит]].
 
Стандарт туйö перем коми кыв вöлi кодифицируйтöм август тöлiсьö 1938 годö. Но эшö 1937 восянь коми кывсö пондöмась Коми кытшын быднёж дзескöтны. Перво шупкасö коми теминология ([[Мошегова Анна Трофимовна|Мошегова Анна]], [[Спорова Анна Михайловна|Спорова Анна]]), сэссся жагöнiк пичкасö сiйö школаись, веськöтлан керкуэзiсь, газетаись. Медбöрьяись газета быдсöн коми кыв вылын петöма 1958 годö. Историяö велöтан медбöрья небöгсö печатайтöмась 1962 воын, математикаö - 1975 воын. Быдöс этiясянь лыддьöтан коми кыв öштас ассис дон, и кольччас коланаöн токö ны понда «кинлö этö интересно».
Визёк 236:
* Тöдчанним да лыдним аккузативын босьтöны ''-ö'' содтас (''ыджыт-ö, кык-ö'')
* Лыдниммез мöд дассянь аркмöны öткодь тудöттэз сьöртi: (''кыкдас, куимдас'' да с.о.).
* Эмöсь унакодь торья шуаннэз, кöдна абуöсь зыряналöн лыддьöтан кылын (''бытшöм, говк, юскыны''), нето видзöны сэтчин мöдiк вежöртас (''горзыны'' кывсö зыряна вежöртасö кыдз “ыксыны”, а ‘горзыны’ вежöртасын шуасö ''бöрдны''; ''веськавны'' шуансö зыряна вежöртасö кыдз ‘сюрны, шедны, инмыны’, а ‘веськавны’ вежöртас ны шуанöн лоö ''бурдны'').
 
Но сё жö унажык кыввез, формаэз да структураэз кыкнан лыддьöтан коми кылын öткодьöсь.
 
== История ==
''Унажык сы йылiсь видзöт: [[Перем комиэзлöн история|Перем комиэзлöн история]]''
 
=== Перем коми отирлöн вужжес ===
Визёк 249:
 
Архелогия культураэз петöны сьöрсьöн-бöрсьöн сiдз:
* [[Ананьинса культура|Ананьинса культура]]
* [[Гляденса культура|Гляденса культура]] (м.э.о. II вексянь м.э. III векöдз)
* [[Ломоватовса культура|Ломоватовса культура]] (IV-IX веккезö)
* [[Родановса культура|Родановса культура]] (IX-XV веккезö)
 
Родановсаыс и вöлöмась ни перем коми увтыррез.
 
=== Ыджыт Перем ===
''Унажык сы кылiсь видзöт: [[Ыджыт Перем|Ыджыт Перем]]''
 
XV векö перем комиэзлöн аркмö асланыс канму – Ыджыт Перем, кытчö юравны корöмась Вереяись роч öксуэсö. Медодзза öксунас вöлi [[Михаил Ермолаич|Михаил Ермолаич]]. Коми канму мынтöма вот Мöсквалö да [[Ыджыт Новгорт|Ыджыт Новгортлö]]. Канкар вöлi [[Чердын (кар)|Чердын]]. 1455 годö зыряна ладорсянь корöмась епископ [[Питирим (епископ)|Питиримöс]], медбы сiя пыртiс Ыджыт Перемись коми отирсö. Но татiсь комиэз унаöн эзö мöдö вунöтны чучкöй веранысö, сiйöн 1462 годö виль епископ [[Иона (епископ)|Иона]] бöра пыртö коми отирсö Ыджыт Перемын.
 
Сiя жö кадö перем коми муэсö пондiсö босьтны роччез. Сiдз, [[Вологда (кар)|Вологда]] муэзiсь локтöм [[Калинниковвез|Калинниковвез]] сувтöтöны сов пуаннэз Камаö усян [[Борва (ю)|Борва]] ю пöлöн. 1430 во гöгöр Камаö усян [[Усолка (ю)|Усолка]] ю вылын вöлi сувтöтöм Соль Камскöй кар, öнi — [[Совкар|Совкар]] (Соликамск). Роччез пондасö кыскыны совсö сэтiсь, кытöн одзжык олiсö родан культураа коми отир. Нiя дзескöтiсö комиэсö сэтiсь умöльжык муэзö.
 
1471 годö, Новгортсаэзöс пöдтöм бöрын, Мöскваись öксу [[III Иван (Мöскваись öксу)|III Иван]] ыстiс тышкасян выннэз и Ыджыт Премö. Чукöрнас веськöтлiс Стародубись [[Сера Пёдор|Сера Пёдор]] нима öксу, кöда ассис лöгсö мыччалiс ни новгортсакöт [[Шелонь|Шелонь]] дорын пессикö.
 
Сьöкыт пессьöммэз, уна отир вийöм да ыджытжык каррез босьтöм бöрын Сера Пёдорлöн чукöррес тулыснас 1472 годö пантасисö [[Покча (оланiн)|Покчаын]], «тшуписö-сувтöтiсö сэтöн кар, пуксисö сэтчö овны да быдöс сiйö мусö вайисö ыджыт öксу увтö». Михаил öксу сетчас. Ciйö, отирлiсь мырддьöм дöс берсянас, ыстöмась Москваö. Капитуляция кырымалöм бöрын Иван лэдзис Михаилсö бöр Ыджыт Перемö веськöтлыны ыджыт öксу нимянь.
 
Татöн Михаил öксу веськöтлiс 1481 воöдз, кöр сiя вöлi вийöм [[Пелым (ю)|Пелым]] дорись вогуллэзкöт (манси) пессикö. Михаилыс бöрын Ыджыт Перем муэзын пондiс веськöтлыны сылöн [[Матвей (Ыджыт Перемись öксу)|Матвей]] нима зоныс, но 1505 годö Мöскваись виль ыджыт öксу [[III Василий|III Василий]] вештö сiйö юралöмсис, абу кывзiсьöм да.
=== Перем комиэз роч саррез дырни ===
1505 годö III Василий иньдöтö Ыджыт Перемö веськöтлiсьöн наместникöс, [[Ковёр Василий|Ковёр Василий]] нимаöс. Сiя вайис сьöрас коми отир понда тодильнöй [[Грамота Уставöн пермиччез понда|Уставöн грамота]]. Сёрöнжык Чердын карись веськöтлiссесö вежасö воеводаэзöн, кöдна лоасö [[Новгорт приказ|Новгорт приказлöн]] кипод увтын.
 
1558 годö [[Гым Иван (сар)|Гым Иван]] сар, мед ёнжыка видзны асыввыв муэсö ас кипод увтын, козьналö муэз Кама ю пöлöн Совкарсянь Чусва ю дынöдз [[Строгановвез|Строгановвезлö]], кöдна вöлöмась сэк Сольвычегодскын промысёллэз да му видзиссезöн.
 
Строгановвес чожа озыртчасö-богатсяласö сов судзöтöмöн да [[Сибирь|Сибирись]] йöзкöт вузасьöм-босьтасьöм пыр. Одзлань нылöн вотчина дынö öтлаöтасö Камаö усян юэз пöлöн коми муэсö. Эна муэзын нiя веськöтлöмась сiдз, кыдз гажныс петас: асьныс веськöтлiсö уджöн, вайöтiсö му вылын уджалiсь отирöс да лэбтiсö гöрöм му, кыскисö сов да кыйисö чери, кöдзисö шогдi, кыскисö муись гöрд из (руда) да керисö кöрт, лэбтiсö дозоритан каррэз. Строгановвез немымда абу кывзöмась уездöн веськöтлiссесö. Быдöс веськöтлöм-мыжйöмыс мунис Мöсква пыр.
 
Строгановвеслöн муэс унажыксö вöлiсö Совкар уездын. Чердын уездын комиэс вештöмась вотсö-налогсö веськыта каныслö (государстволö). Визир дозорись крестьяна моз, Сибирьсö босьтöм бöрын, комиэс уджалöмась Мöскваись юралiссез вылö: асланыс вöввез вылын кыскалiсö нянь, муэз дорйись отирöс, лöсьöтiсö ыджыт туй Сибирланьö, быд во лöсьöтiсö пыжжез да иньдöтлiсö ассиныс отирсö пыжжез вылын, мед ыстыны быдкодь ветлiсьöс да лыйсиссезöс Сибирьö дзескытiнö пуксьöтöм отирöс нуöтöм понда.
 
Шöрöт Уралас, Ыджыт Перем муэзын, пондасö овны пышшöм роч крестьяна. XVII веклöн шöрöт воэзö роччез тöдчöмöн пондасö йывны Кама катытын. Сэк и Строгановвез нiйö корöмöн корöмась. Ыджыт Перемын этнокультура серпасыс лёка вежсяс, комиэз ас муын лоасö сё етшажык.
 
XVIII сугöдö Роч муас перыта зорамöма берсяторрез керöтöм, кöда пуктас Чердын уездiсь коми отир вылö ассис пас. Нiя лыддисисö канлöн, но 1760 во кежö нiйö быдöннысö гижöтасö Урал сайись ыргöн сылöтан асторья заводдэз дынö. 1760-1764 годдэзö лэбтiсьлöмась ыджыт зыккез. Комиэз норасисö Мöскваö, уськöтчывлiсö чиновниккез вылö, эзö ветлö уджавны заводдэзö. Мукöдлаас отирыс петавлöмась и лыйсяннэзöн. Öвны коми отирсö ыстасö Вяземскöй öксулiсь тышкасян вын, кöда чожа öлас отирсö. Пондöтчиссесö вартласö, но гижöтнытö сё жö дугдасö нёль год кежö.
 
Мöдпырся Чердын ладорись комиэс пондылöмась дорйыны асьнысö 1767 годö, кöр вöлi [[Пугачёв Емельян Иванович|Емельян Пугачёвлöн]] лэбтiсьöм. Раммöтны отирсö бöра ыстасö тышкасян вын. Комиэсö лёка öлöмась. Пондöтчиссесö дорöмöн иньдöтасö Сибирьö, мöддэсö — öтiкö дас морт коласiсь — «вартласö ньöррезöн». Быдöссö вийöмась да вартлöмась вит сюрс гöгöр морт. Сiдз коми отирсö «сувтöтöмась пидзöс вылö». Сэсся нiя тöвбыт кежö пондасö вöввезöн ветлыны Урал керöссэз сайö, заптыны вöр, сотны сiйö шомö да ваявны заводдэзö, гарйыны да новйыны гöрд из (руда). Отирыс вештöмась каныслö и вот. Комиэс пышшалöмась завод уджсянь, абу и полöмась вартлöмись. Заводын уджыс нылö нем эз сет. Сыбöрын коми отирыс паськыта лэбтылöмась зыксö 1824, 1832, 1850, 1851 воэзö.
=== Перем комиэз советтэз дырни ===
Визёк 289:
 
== Культура ==
''Унажык сы йылiсь видзöт: [[Перем комиэзлöн культура|Перем комиэзлöн культура]]''
 
== Религия ==
''Унажык сы йылiсь видзöт: [[Перем комиэзлöн религия|Перем комиэзлöн религия]]''
 
== Видзöт сiдзжö ==
* [[Коми зыряна|Коми зыряна]]
* [[Перем ладорись Коми кытш|Перем ладорись Коми кытш]]
* [[Коми отирлöн сёян-юан|Коми отирлöн сёян-юан]]
* [[Перем комиэзлöн гишшаннэз|Перем комиэзлöн гишшаннэз (фамиллёэз)]]
* [[Важ коми ниммез|Важ коми ниммез]]
 
== Öшмöссэз ==
Визёк 310:
* Черных А.В. Народы Пермского края. История и этнография. Пермь, 2007. ISBN 978-5-98799-009-2
 
[[CategoryКатегория:Перем комиэз]]
Босьтӧма "https://koi.wikipedia.org/wiki/Перем_комиэз"-ись