Одиссея:Версияэзлӧн торьялӧм

== Одиссей Полифем ордын ==

 

Кӧр некӧр вашӧтӧма ӧвсьытӧм саридз Одиссейсӧ да сылісь морттэсӧ [[циклоп]]пез, ӧтік сина великаннэз, ді дорӧ. Одиссей аслас отиркӧт пырас медлёк циклопыс, [[Полифем]], мугыркӧ.

 

== Сиренаэз ==

 

Одиссейлӧн мӧдік интереснӧй приключеннёӧн вӧлі [[сирена]]эзкӧт сылӧн пантасьӧм. Сиренаэс вӧлісӧ джынсӧ инькаэз, джынсӧ кайез. Нія сэтшӧм басӧка сьылісӧ, что быдыс, кин мунліс сія ді дорӧт, кытӧн нія олісӧ, сувтчывліс эта остров дынӧ и сэтчинсянь бӧр эз ни мунлы. Медбы не сетчыны сиренаэс очарованнёлӧ, Одиссейыс ны ді дорӧ сибӧтчикӧ быдӧс аслас спутниккезлісь пеллезнысӧ лякис воскӧн. Асьсӧ сія тшӧктіс кӧртавны мачта бердӧ. Кӧр Одиссей кыліс сиренаэзлісь голоссӧ, сія пондіс пессьыны, мед мездӧтчыны да петны вадӧрас, но спутниккес эшӧ ёнжыка домалісӧ сійӧ. Сідз Одиссей кужис керны ӧтдруг кык дело: и кывны сиренаэзлісь голоснысӧ и не петны берегас.

 

== Феаккез дынын ==

 

ӧтпыр кыдзкӧ буря жугдіс Одиссейлісь корабсӧ, и быдӧс спутниккес сылӧн вӧйисӧ. Одиссей кольччис ӧтнас. Уна приключеннёэз бӧрын Одиссей керис пур (плот) да бӧра уйис одзлань. Но [[Посейдон]], кӧда преследуйтіс сійӧ циклоп Полифемӧс синтӧмсьӧтӧм понда (Полифемыс вӧлі Посейдонлӧн зон), жугдіс Одиссейлісь пурсӧ. Токӧ ӧтік саридзовӧй ен инька отсалӧмӧн Одиссей вермис уйны сылӧ тӧдтӧм ді дорӧдз да кольччыны ловйӧн. Эта ді вылын оліс сказочнӧй отир феаккез — кужись мореходдэз. Эта отирлӧн сар [[Алкиной]] ласкова панталіс Одиссейсӧ, козьналіс бур козиннэз да гортас бертӧм понда сетіс сылӧ судно.

 

== Жӧниккезӧс вийӧм ==

 

Сэк Одиссей, сё эшӧ кыдз корись, корис, медбы и сылӧ сетісӧ пешлыны ассис вынсӧ. Жӧниккез откажитісӧ сылӧ этаын. Но Телемах, кӧдалӧ Одиссей осьтіс ассис гусяторсӧ, сетіс сылӧ ньӧввужсӧ, и Одиссей кокнита пырӧтіс быдӧс 12 кольчосо. Сыбӧрын Одиссейыс, ӧтлаын Телемахкӧт да кык веркӧт сэк жӧ вийисӧ быдӧс жӧниккесӧ. Эта бӧрын сія висьталіс Пенелопалӧ, кин сія. Сьӧкыт вӧлі Пенелопалӧ эскыны, медбы эта пӧрись, бырӧм паськӧма корисьыс вӧлі сылӧн жӧникыс. Но сыбӧрын Пенелопаыс тӧдіс сійӧ. [[Афина]], кӧда пыр сулаліс Одиссейыс дор, керис сійӧ одзза кодь томӧн да бытшӧмӧн.