Ошыб (Кудымкар район)

Ошыб (мукöдыс гижöны рочӧнжык Ошиб) — Перем ладорись Коми кытшын, Кудымкар районас, посад. Ошыб посадмулӧн шӧрин.

Ошыб Ошиб
Му:	Рочму
Статус:	посад
ладор:	Перем ладор
район:	Кудымкар район
Инлыдпассэс:	59°13′14″ с. ш. 54°52′38″ в. д.
Веськӧтлан кыв	роч, коми
Отир лыд	664 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619562
Авто нумерӧ содтӧт:	59, 81, 159

Ним йылісь

Ошыбын чужöм и быдмöм Радостев Павел Михайлович сьӧрті, посад местаын вӧлісӧ ыджытся-ыджыт ыббез, кытӧн быдмис сю и кытчӧ петісӧ уна ошшез и быдӧс гудыртісӧ, дзугисӧ. Сысянь отир, кӧдна татчӧ локтісӧ, казялісӧ соровтӧминсӧ да шуисӧ этійӧ местасӧ Ошыбӧн.

Но былись-ту, ыбсö нимтöмась Ош нимкодя морт сьöрті, кöдалöн ыбыс и вöлі.

География

Ошыб посад сулалӧ Кудымкарсянь ойвылӧ 29 км ылынаын.

Янсалöм

Посадын куим тор: Важ Ошыб, Виль Ошыб да Лячкан.

Туйез

Коми ним	Роч ним
Асыввыв туйколас	пер. Восточный
Вапöлöн туйколас	пер. Набережный
Вильоліссез туй	ул. Новоселов
Вузасян туй	ул. Торговая
Гагарин туй	ул. Гагарина
Гайдар туй	ул. Гайдара
Ёртасян туй	ул. Дружбы
Калинин туй	ул. Калинина
Кузнецов туй	ул. Н.Кузнецова
Ленин туй	ул. Ленина
Лунвыв туйколас	пер. Южный
Медиккез туй	ул. Медработников
Медшöр туй	ул. Центральная
Мир туй	ул. Мира
Пушкин туй	ул. Пушкина
Радостева туй	ул. Ф.Радостевой
Революция туй	ул. Революционная
Сад туй	ул. Садовая
Совет туй	ул. Советская
Строитіссез туй	ул. Строителей
Том туй	ул. Молодежная
Том туйколас	пер. Молодежный
Школа туй	ул. Школьная
Ылісь Асвыввыв туй	ул. Дальневосточная

История

Роччез первуись казьтыштöмась Ошыб 1700’ годö (починок на Ошибе). Посадöн сія лоöм 1862’ во, пуовöй Митрей вичку лэптöм бöрын.

1905’ годö Ошыбас осьтöмась библиотека.

1928’ тöвпомö татчö лöсьöтöмась «Ошыбскöй» колхоз. 1933’ ародз 1’ лунö посадас осьтöмась ойвывся сюртöм пода йылöтан шöрин.

1951’ март 12’ лунсянь Ошыбас уджалöма гырисьмöтöм сельхозартель «Шверник нима» (1957’ аршöр 30’ лунсянь нимыс лоас «Совет»).

1969’ тöвшöр 8’ лунö колхоззэз «Совет» да «Чапаев нима» öтлаöтöмась и ны под вылын лöсьöтöмась «Ошыбскöй» совхоз.

2006’ тöвшöрöдз Ошыбас пукалöма Ошыбскöй сельсоветлöн веськöтлан. Сэсся виль роч туйдöттэз сьöрті татчö керöмась Ошыб посадму понда шöрин.

Веськöтлан

Öні Ошыбыс пырö Перем ладорись Коми кытшö, Кудымкар районас. Посадыс — Ошыб посадму понда шöрин.

Отир

Ошыбын оліссезöс шуöны ошиби́нчи нето о́шыбса (öтік морт о́шибись нето о́шибскöй). 2010’ во пондöтчикö татöн лыддьöмась 685 лов. Эта невна не кыкись унажык 1970’ во сьöрті, кöр посадас олöмась 373 морт.

Отирыс комиӧсь, баитöны комиöн.

Оліссез гишшаннэзісь унажыксӧ пантасьӧны Лунегов да Радостев.

Татӧн торьясьӧны увтыррез: Палёв увтыр, Парапон увтыр, Попов увтыр, Торговӧй увтыр, Чикай увтыр.

Кöзяйство да быт

Ошыбын эм автобус сувтчан, ветлöны рейссэз Кудымкар-Мелекин, Кудымкар-Öрна,Перем-Ошыб, Кудымкар-Егорова.

Велотан

• Шöрöт школа

Культура

• Культура керку
• Библиотека

Казьмöтаннэз да сингажöтаннэз

• Асйöз косясянын кулöммезöс казьмöтан
• Ыджыт косясянын усьöммезöс казьмöтан

Археология сьöрті казьмöтаннэз:

• Ошыб I овмöтчан
• Ошыб II овмöтчан

Ордча микротопониммез

• Галявог
• Гунавог
• Кузькӧдж
• Косьванюр
• Лячканвог
• Ошыбувт
• Ошыбкерӧс
• Пальник
• Пальӧввог
• Рочевмыск
• Рочевшор
• Сюзьпозъянюр
• Титкоключ
• Чудьмыс

Лыддьöтан

• Аксёнова О.П. Кипонісь гижӧм материаллэз. Кудымкар, 2009.
• Коми-Пермяцкий национальный округ. Москва-Ленинград, 1948.
• Кудымкар. Путеводитель. Санкт-Петербург, 2009.