Мушӧр саридз

Му́шöр са́ридз (рочӧнжык Средизе́мнöй мо́рё) — Атлантика океан бердісь саридз, кöда куйлö Европа, Азия да Африка коласын. Ыждаыс — 2,5 миллион км². Саридзыс йитчö аслас океаныскöт векнит (токö 14 км паськыта) Гибралтар вискöн. Медпыдынін саридзас 5.267 м.

Мушöр саридзыс — му шöрын саридз

Ним йылісь

Важ римляна шуöмась Мушöр саридзсö Mare Nostrum "миян саридз".

Араббез нимтöны сійö البحر الأبيض المتوسط, "чочком шöрöт саридз", а нысянь нимыс вуджöма тюрк кылö, кытöн морёсö шуöны Akdeniz "чочком саридз".

Мукöд кыввезын саридзсö нимтöны "шöрöт саридз": нем. Mittelmeer, ивр. הַיָּם הַתִּיכוֹן, шв. Medelhavet, тот. Урта диңгез.

Мöдіккез шуöны сійö "коласісь саридз": фин. Välimeri, эст. Vahemeri, азер. Aralıq dənizi.

Унажык кыввезын Мушöр саридзыс шусьö "му шöрись саридз" нето "му коласісь саридз": ит. Mar Mediterraneo, эл. Μεσόγειος Θάλασσα, шт. deti mesdhe, берб. ilel Agrakal, хöрв. Sredozemno more, мад. Földközi-tenger, кит. 地中海.

Комиöн Мушöр саридзсö кöркö шуöмась сідзжö Мукос саридз, Мушöр морё. Рочöнжык сійö нимтöны Средиземнöй морё.