Открыть главное меню
Месопота́мия

Месопота́мия - Матісь Асыввыв ладорись историческӧй му. Мӧднёж шусьӧ Кыкьюколас, сідз кыдз куйлӧ кык ю - Тигр да Евфрат коласын. Ӧнняся кадӧ Месопотамиян куйлӧны сэтшӧм канмуэз кыдз Ирак да Кувейт; сідзжӧ Месопотамияын мымдакӧ куйлӧны территорияэз сэтшӧм канмуэзлӧн кыдз Сирия, Турция, Иран да Сауд Арабия.

Важ Му кадколас коста Месоптамияын вӧлісӧ сэтшӧм канмуэз кыдз: Шумер, Аккад, Вавилон, Ассирия да Урарту. Шумеррез, аккаддеццез, вавилониннэз да ассириеццез олісӧ Месопотамияын  сы пондӧтчӧмсянь 3100 восянь миян эра вотӧдз Вавилон усьӧмӧдз 539 воӧ миян эра вотӧдз,  кӧр Месопотамиясӧ завоюйтіс перссэзлӧн Ахемен Империя. Сы бӧрын, 332 воӧ миян эра вотӧдз, Месопотамия шедіс Вына Александр кипод увтӧ, а сы кулӧм бӧрын лоис торӧн Селевк Империяын.

137 воӧ миян эра вотӧдз асыввыв Месопотамия шедіс Парфия Империя кипод увтӧ, кӧда жугдіс-паздіс Селевк Империясӧ, а рытвыв Месопотамия шедіс Рим Империя кипод увтӧ. Не ӧтік нэм кежӧ Месопотамияыс лоис тышкасян инӧн Рим Империя да Парфия Империя коласын.

226 воӧ Парфия Империя усис Сасан Империякӧт тышкасьӧм бӧрсянь, и асыввыв Месопотамия лоис сатрпияӧн перссэзлӧн Сасан Империяас, а рытвыв Месопотамия кольчис Рим Империялӧн наследниклӧ - Византиялӧ. 640 воӧ быдӧс Месопотамиясӧ босьтісӧ араббез, кӧдна вайисӧ виль эскӧм - ислам. Ӧнӧдз кык ю колас муэзын олӧны отир, кӧдна баитӧны араб кыв вылын да эскӧны Аллахлӧ.

Месопотамия - ин, кытӧн 10 000 воэзӧ пондӧтчис Неолитическӧй революция, Месопотамияын медодззаись пондӧтчис сю быдтӧм да му вылын уджалӧм, пода вӧдитӧм, ва нуӧтӧм понда каналлэз гарйӧм, металлэз сывӧтӧм да ныись медодзза уджалан колуйез керӧм, медодза колесо сідзжӧ вӧлі лӧсьӧтӧм Месопотамияын, математика да астрономия - наукаэз, кӧдна аркмисӧ Месопотамияын.

ЭтимологияПравить

Месопота́мия (эллиннэзлон важ кыв вылын Μεσοποταμία, араб кыв вылын الجزيرة‎ Эль-Джезира, курд кыв вылын ما بين النهرين‎ Ма-Байн-эн-Нахрайн, арамей кыв вылын ܒܝܬ ܢܗܪܝܢ Бет-Нахрейн, тюрк кыв вылын Mezopotamya) - Матісь Асыввыв ладорись историческӧй му.

ГеографияПравить

ИсторияПравить

Кыв да литератураПравить

Наука да технологияПравить

РелигияПравить

Культура да искусствоПравить

ЭкономикаПравить

УправлениеПравить