Майкар (Юсьва район)

( Мӧдӧталӧма Майкар (посёлок)-ись )


Ма́йкарПерем ладорись Коми кытшын, Юсьва районас посёлок, Майкар посадмулӧн шöрин.

Майкар
Майкор
Му:  Рочму
Статус:  посёлок
ладор:  Перем ладор
район:  Юсьва район
Инлыдпассэс:  59°00′16″ с. ш. 55°52′59″ в. д.HGЯO
Веськӧтлан кыв роч
Отир лыд  2985 морт (2009)
Час кытш:  UTC+5
Телефон нумерӧ содтӧт:  +7 34246
Почта инпас:  619184
Авто нумерӧ содтӧт:  59, 81

Ним йылісь вильмӧтны

Нимыс тэчöм кык торись: Май + кар. Май - мортлöн ним, вежöртасыс натьтö вöлі сія жö, мый талун мой (диал. мöй) кывлöн. Кар - комиöн лоö "заплодöн гöгöртöм отир оланін". Карöн помасян топониммес Коми муын уна: Сыктывкар, Кудымкар, Дöйкар, Редикар, Изкар.

Майкарсö рочöн гижöны Майкор, мыля мöд а-ыс коми кылын кöркö вöлі гöгрöстöм шыöн, сысянь рочöн гижöмась нето гижöны сідзжö Кудымкор, Редикор, Искор.

География вильмӧтны

Майкар сулалö Кама вавидзан дорын, Иньва курья веськыт вадöрын.

Посёлок вылöт котöртöны юоккез: Кемель...

Майкарсянь Юсьва посадöдз (райцентр) 64 км ылына. Перемöдз веськыт визь кузя — 96 км ылына, а мунны кö автотуй кузя, петö 380 км мымда.

Пожвасянь ойвыв-асыввылö (туй кузя) 14 км ылынаын сулалö Пожва, ордча посадмулöн шöрин.

Майкар бердын, асыввылас, сулалö Горки посёлок.

Янсалöм вильмӧтны

Майкарлöн торрез:

Туйез вильмӧтны

Öні Майкар посёлкас лыддьöны 45 туй да кык туйколас [1]:

Коми ним Роч ним
Виль туй ул. Новая
Володарскöй туй ул. Володарского
Вотинов туй ул. Вотинова
Гагарин туй ул. Гагарина
Гöрдармия туй ул. Красноармейская
Жданов туй ул. Жданова
Завод туй ул. Заводская
Зуев туй ул. Зуевская
Киров туй ул. Кирова
Коммунизм туй ул. Коммунистическая
Комсомол туй ул. Комсомольская
Кооператив туй ул. Кооперативная
Кошевой туй ул. Кошевого
Кузин туй ул. Кузинская
Лазо туй ул. Лазо
Ленин туй ул. Ленина
Лермонтов туй ул. Лермонтова
Ломоносов туй ул. Ломоносова
Малышев туй ул. Малышева
Матросов туй ул. Матросова
Мезмöт туй ул. Свободы
Мир туй ул. Мира
Ойвыв туй ул. Северная
Октяб туй ул. Октябрьская
Ошмарин туй ул. Ошмарина
Партизан туй ул. Партизанская
Первомай туй ул. Первомайская
Пионер туй ул. Пионерская
Пруд туй ул. Прудовая
Пушкин туй ул. Пушкина
Пушкин туйколас пер. Пушкина
Революция туй ул. Революции
Рейда туй ул. Рейдовская
Рытвыв туйколас пер. Западный
Свердлов туй ул. Свердлова
Совет туй ул. Советская
Совкар туй ул. Соликамская
Совкоз туй ул. Совхозная
Суворов туй ул. Суворова
Томмез туй ул. Молодежная
Удж туй ул. Трудовая
Чехов туй ул. Чехова
Шабалин туй ул. Шабалинская
Ыб туй ул. Полевая
Юдор туй ул. Речная
Юсай туй ул. Заречная
Яг туй ул. Боровская

История вильмӧтны

Майкар дорын адззöм Родановсалісь городищё, кытöн вöлі коми отирлöн важся оланін, Майкар нето Туманкар.

1472' годö роччез вайöтöмась Ыджыт Перем ас кипод увтö. Майкар муэз öтлаын пырöмась Роч канмуö.

1564' годö Гым Иван сетö Камалісь шульга ладор, кытöн куйлöны Майкар муэз, Строганов Григорий Оникиевичлö, Совдорись купечлö.

Роч сёротоккезын Майкар муын оланін йылісь медодз казьтыштö 1579' годö Яхонтов, кöда, Строганов понда муэз гижалікö, шуö сійö Туманскöй городищёöн. Сэк пö татöн отирыс абу олöмась.

Майкор нимсö роччезісь медодз касьтылö 1623' годö М. Кайсаров. Сэк пö татöн вöлі кык горт, кöднö видзöмась Ерёмка Давыдов да Пронька Малец.

1623' годö горттэз вöлöмась даса ни. Кватьсö видзöмась Давыдоввез, куимö Мальцеввез, öтікö Петухов.

1678' воын татчö лэбтöны пуовöй вичку (Вежа Геогий нима), Майкарыс лоö погост (кытшлöн шöрин).

1702' Петра сар пыр кежö колис Строганов Григорийлö веськöтлöм вылö муэз Обва, Иньва да Косьва юэз пöлöн. Татісь отирыс сэксянь олöмась быдсöн крепоститöмöсь. Нія мынтöмась Строгановвезлö вот (сьöм, турун, нянь).

1715' во кежö Майкарыс посадöн ни лыддисьö. Татöн вöлі вичку да приход.

1773' годö Строгранов пиян вузалöма татісь муэз (Майкарöн да Пожваöн) сенатор Всеволожскöй Всеволод Öльöксеевичлö 390 сюрс руб понда. Мöдыслöн племенник, Всеволожскöй Всеволод Öндреевич 1811' годö тшöктöма строитны Майкар дорын кöрткеран завод, кöдö шуöмась Никитинскöй заводöн (Всеволодлöн Никита зон сьöрті). Волось Никитинскöйöн жö пондöмась шуны. Никитинскöй волось пырис Перем губерниялöн Совкар уездö. Заводыс уджалöма крепоститöм йöз киэзöн. 1861' вося реформа бöрын, кöр креспоститан право вежисö, завод розоритчöма. 1873'-1883' воэзö сійö небö Демидов, кöда киын заводыс вöлі Октябся революцияöдз.

1898' май вылын, Рочмуись отирöс гижöтікö, Майкарын лыддьöмась 3,5 сюрс мортöс. 1914' годö Майкар посадын олöмась 6 сюрс кыным морт ни.

Посадын вöлöмась:

  • öтік вичку
  • куим часовенка
  • кыккласса велöтчанін (зонкаэз понда, велöтчöмась 5 во)
  • вичку приход бердын школа (нывкаэз понда, велöтчöмась 3 во)
  • земстволöн библиотека (1000 небöг)
  • ~ 10 лавка
  • потребкооперациялöн магазин
  • кык кабак да кык сураин

Керкуэз вöлöмась шуч пуись.

Посадын сэк вöлі волось веськöтлан (старшина, староста да волось понда гижись). Арт видзöмась кык урядник да 10-12 морт стражниккез. Вöлі чижовка.

Совет пондöма юравны Майкарас 1918' январ 29' лунсянь. Перво посадісь советöн веськöтлöма С.Ф.Давыдов. 1918' декабсянь Майкарын джын год ыждалöмась чочкоммез, А.А.Федосеев юралісьныс.

Революция дырни татöн вöлі томмезлöн клуб "Олимпия"

1919' годö заводас дугдöмась лэдзны кöрт, и сія лоим Чормоз заводлöн домнаа цех.

1930 воын татчö лосьöтöмась колхоз «Заря» (нимыс сэсся унаись вежсьылöма: 1940 воэзö сельхозартель «Каганович», 1951 годсянь колхоз «Победа», 1961–1965 воэзö колхоз «Мичурин», 1965–1966 воэзö колзоз «1' Май»).

1937' годö осьтöмась Иньваись кылöтан рейд, кöда сёрöнжык пондас не токö кылöтчыны, но и керны пуись берсяторрез. ОАО «Иньваись рейд» разьсьöма.

1939' годö кöрткеран завод бöра осьтлöмась, но 1955' воын, Кама вавидзан аркмöтöм бöрын, Майкарись кöрткеран завод пöдналöмась, кольччис токö поромлöн векнит визёк.

Мöд мировöй война дырни майкарассэз тышкасисö фронт вылын, посад сетöм Советскöй Союзлö кык Геройöс – А.И. Вотиновöс да И.К. Ошмаринöс.

1940' воэзö Майкорын вöлі туберкулезöг шогалісь челядь понда санаторий.

1966' годö Пожваись, Майкарись да Öнись колхоззэз öтлаöтöмась, лоас Пожвинскöй совхоз, кöда 1969' восянь пондас шусьыны «Майкарскöй» совхоз.

1961' годö Маркар дорись адззöмась медодзза мусир, но шедтыны пондöмась токö 1995' мартсянь (ЛУКОЙЛ-Пермь).

1970' воэзсянь 1992' воöдз Майкарын лэдзöмась и кирпич.

1924' февраль 27' лунсянь 1931' юнь 10' лунöдз Майкор вöлі аслас Майкар районлöн шöрин, кöдалісь муэз сэсся кыдз Майкарскöй сельсовет пыртöмась Чормöс районö, а 1959' нояб 4' лунсянь сетöмась Коми отир кытшлöн Юсьва районö.

1940' юль 26' лунсянь и невна не кватьдас во Майкар лыддисис карокöн. Этö статус сылісь вежöмась 1999' годö, кöр Майкар бöр лоис посёлок.

2006' годö виль роч туйдöт сьöрті Майкарскöй поссовет дынö öтлаöтöмась Öньковскöй сельсовет. Öтласа веськöтлан юкöт пондіс шусьыны Майкар посадму.

Веськöтлан вильмӧтны

Унажык сы йылiсь видзöт: Майкар посадму

Öні Майкар посёлокын Майкар посадмулöн шöрин. Посадмуын юралö Салахутдинов Борис Александрович да сы бердын веськöтлан (администрация). Эм депутаттэзлöн совет.

Мöдік службаэз:

  • полициялöн участковöй (Пожваись полиция юкöтсянь)
  • МЧС-лöн кусöтчан юкöт ПЧ-59
  • Рочму почталöн юкöт №619184

Отир вильмӧтны

Олöны Майкарын майкарассэз. 2009' во пондöтчан кежö нія вöлöмась 2985 морт.

Отирыс унажыксö рочöсь, эмöсь комиэз, тотара да локтіссез.

Оліссез öтамöдныскöт баитöны рочöн.

Гишшаннэзісь медтшöка пантасьöны Давыдов, Ошмарин, Чиртулов. Сідзжö уна отирыс гишшöны Корякин, Кривощёков, Кузнецов, Мальцев, Оньков, Якимов.

Майкарассэзлöн быдöс гишшаннэз:

Кöзяйство да быт вильмӧтны

Индустрия да инфраструктура вильмӧтны

  • Асфальтобетоннöй завод ?

Мусир шедтöм:

Пууджалöм:

Мöдіккез:

  • Майкарись рабкооп (Тимофеев Юрий Борисович)
  • ГОУП ДРСУ-3
  • Подстанция
  • Электровезлöн юкöт
  • Метеопост
  • АТС 260-267

Му-видз уджалöм да вöрвидзöм вильмӧтны

  • СПК «Заря будущего»
  • ООО "Майкарскöй" (Кривощеков Рустам Борисович)
  • ГКУ «Юсьваись вöрвидзан» филиал ГКУП «Пермские леса» (Чиртулов Александр Борисович)
  • «Лесовод» (Бабин Анатолий Павлович)

Финанссэз да стракуйтöм вильмӧтны

  • АК Сберегательный банк РФ, филиал
  • ОАО СК "Урал-Аил", филиал

Лавкаэз, вердчаніннэз да быт керкуэз вильмӧтны

  • ИП Делемень Н. А.
  • ИП Иванова А. С.
  • ИП Кривощековой Натальи Александровны
  • ИП Палинкаш Иван Федорович
  • ИП Руденко Анатолий Маратович
  • OOO Гермес
  • Магазин Путина
  • Магазин Диана
  • Продовольственнöй магазин
  • ИП Кривощекова Людмила Леонидовна - быт керку
  • ИП Якимова Т. П. - шырсянін

Берся вильмӧтны

  • ИП Рочев Петр Анатольеви
  • ИП Ведерникова Светлана Ивановна
  • ИП Останина Нина Евгеньевна
  • ИП Горюнова Вера Александровна
  • ИП Шавшуков Владимир Борисович
  • ИП Чиртулов Александр Борисович
  • ИП Иванова Фаина Борисовна
  • ИП Делемень Галина Николаевна
  • ИП Давыдова Ф.В
  • ИП Руденко Татьяна Гаттуловна

Сёян-юан лöсьöтöм вильмӧтны

  • Пöжалан
  • Няньпöжалан

Транспорт вильмӧтны

Майкар пыр бура ветлöны автобуссэз. Эм автовокзал. Маршруттэз:

Кудымкарлань Кудымкарсянь
Пожва-Перем Перем-Пожва
Кама-Перем Перем-Кама
Майкар-Перем Перем-Майкар
Кыдззакар-Кудымкар Кудымкар-Кыдззакар
Кама-Кудымкар Кудымкар-Кама

Йитчöм вильмӧтны

Мобильникöт баитны Майкарас лоис позяна 2008' январ 24' лунсянь (Оператор UTEL).

Лысинвидзан вильмӧтны

  • Аптека № 28
  • МУЗ Майкар участокись больнича

Велöтан вильмӧтны

  • Челядь понда ясли
  • МДОУ Челядьсад "Енöшка"
  • МДОУ «Майкорись челядьсад №1»
  • МОУ Майкарись дöсвелöтан шöрöт школа [1] (юралісьыс Оньков Сергей Георгиевич)
  • ГСКОУ Майкарись тодильнöй (VIII вид корректируйтан) дöсвелöтан школа-интернат (уджалö 1989' восянь, юралісьыс Давыдова Татьяна Анатольевна)
  • Майкарись музыкаö велöтан школа

Культура вильмӧтны

  • Культура керку (МУК «Майкарскöй культурно-досуговöй центр», юралісьыс Галиуллина Светлана Даяровна)
  • МОУ ДОД Томмез творчество керку (юралісьыс Мальцева Галина Михайловна)
  • Челядь понда библиотека
  • Гыриссез понда библиотека (МУК «Майкарскöй сельскöй библиотека, юралісьыс Н.Н.Казанцева)
  • Майкарись асладор музей (осьтöм 1970' апрель 18' лунö)

Религия вильмӧтны

Йöз чукöррез вильмӧтны

  • Ветераннэзлöн совет

Масс медиа вильмӧтны

  • "Наша газета" [2] — газета петö 2008' январсянь тöлысь вылас öтпыр. Тиражыс 999 экз. Печатайтöны Кудымкарын.
  • Сайт "Майкор" [3] — сайт осьтöм 2008' февральын.

Гора нима отир вильмӧтны

Казьмöтаннэз да сингажöтаннэз вильмӧтны

Ордча ландшафттэз вильмӧтны

Берся вильмӧтны

Майкарассэз порйöтöны посёлокнысö юнь 27' лунö.

Лыддьöтан вильмӧтны

  • География Коми-Пермяцкого автономного округа. Пермь, 1992. ISBN 5-7625-0162-0.
  • Горбунов Н. П. Очерки из истории Майкора. Майкор, 1974.
  • Коми-Пермяцкий автономный округ на рубеже веков. Кудымкар, 2000. ISBN 5-87901-051-1
  • Коми-Пермяцкий национальный округ. Москва-Ленинград, 1948.
  • Шумилов Е. Н. Твоя малая родина: Краткий историко-топонимический справочник. 4-е изд., испр. и доп. Пермь, 2005.

Ыстісяннэз вильмӧтны

  1. Вот öктіссез сайтісь