Карбас (Кудымкар район)

Карба́с — Перем ладорись Коми кытшын, Кудымкар районісь Белоёв посадмуын коми грезд (деревня).

Карбас
Му:	Рочму
Статус:	грезд
ладор:	Перем ладор
район:	Кудымкар район
Инлыдпассэс:	59°11′23″ с. ш. 54°30′51″ в. д.
Веськӧтлан кыв	роч, коми
Отир лыд	173 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619556
Авто нумерӧ содтӧт:	59, 81

Ним йылісь

Карбас грезд ним йылісь сьöкыт мыйкö висьтавны. Мукöдыс шуöны, карбас (ыджыт пыж) вылö вачкисьö да, сідз и шусьö. Роччез одзжык деревнясö шуöмась Карбасова.

География

Файл:DSC00732.JPG

Карбасын

Карбас грезд сулалö Ошмушашор да Метшкöр юэз дорын, Белоёв посадсянь ойвылö 6 км ылынаын да Кудымкарсянь ойвыв-рытвылö 24 км ылынаын.

Ордча грезддэз

Ордчöн адззам деревняэз: ойвылас 1,5 км ылынаын Илля, ойвыв-асыввылас 1,7 км ылынаын Козвовчи, ойвыв-рытвылас кык километра етш ылынаын Епанов да лунвылас 2,7 км ылынаын Важ Чигас.

Матісь ландшафттэз

• Борган лог
• Лога видз
• Крутöй мыск (асыввылас)
• Кузькерӧс, сэтчин туй, кырассэз, шутёммэз (лунвыв-асыввылын)
• Нюр
• Палё́ж
• Пожумаин
• Фермаыб, гараж = Метшкöрдор (ойвылас)
• Юсай (Метшкöр сайын)
• Яг (ыббез да лог, ордчöн нюр; лунвылын)

Янсалöм

Карбасын куим тор:

• Карбас (ю веськыт вадöрын)
• Мöдвапöв (ю шульга вадöрын)
• Потев (ю веськыт вадöрын, рытвылас, рочöн Фотеева)

Туйез

Карбасын лыддьöны квать туй :

Коми ним	Роч ним
Вапöв туй	ул. Набережная
Ликачов туй	ул. Лихачева
Шöрöт туй	ул. Центральная
Рочов туй	ул. Рочева
Том туй	ул. Молодёжная
Юсай туй	ул. Заречная

История

1800' воын первуись гижӧны Карбас йылісь.

1869' вося список сьöті Карбасын мезмöт сетікö вöлöма 31 картавыл, олöмась 120 мужик морт да 126 инька морт.

XX век пондöтчикö грездыс лыддисьöма Перем губерниялöн Совкар уездісь Белоёв волосьын, татöн вöлі Карбас обществолöн шöрин.

1926' вося гижöтöм коста Карбасын олöмась 497 морт (226 айка, 271 инька), сулалöма 88 кöзяйство. Роччез вöлöмась сизима, мукöдыс комиэз. Сэк жӧ чужис Карбаслӧн сельсовет.

1924' восянь Карбас грезд лыддисьöма Кудымкар районісь (1941'-1959' воэзö Белоёв районісь) Карбас сельсоветлöн шöрин.

1963' воӧ Карбасовскӧй сельсовет ӧтлаӧтӧм Белоевскӧйкӧт.

1966' октяб тӧлісь - вились чужис Карбаслӧн сельсовет.

1970'-80' воэзö Карбасын вöлі совхоз.

2006' во пондöтчикö, виль роч туйдöт сьöрті сельсоветсö Карбассис вежöмась да, грездыс лоис Белоёв посадмуын.

Веськöтлан

Öні Карбас грезд пырö Кудымкар районісь Белоёв посадмуö.

Отир

Олöны Карбасын карбасо́вса, öтік морт йылісь шуöны карбасо́вскöй нето карба́сісь.

Бумагаэз сьöрті 2009' во пондöтчикö Карбас грездын олöмась 173 морт, кöдна видзöны 62 горт.

Медваж фамиллёыс татöн Рочев.

Оліссез комиöсь, баитöны комиöн.

Кöзяйство да быт

Öні отирыс олöны асторья кöзяйствоэзöн.

Ас машинаэз абу уна. Ветлö автобус куимись луннас Кудымкарлань. Туйыс асфальтируйтöм токö лавкаöдззас.

Лавкаыс кольччис токö Белоёв сельполöн. Вöлі эшö асторья, но öні пöдналöм.

Быт службаэз абуöсь, шырсьыны да мый ветлöны Белоёвöдз нето Кудымкарöдз.

Позьö видзöтны телевизор, баитны мобильникöт (Мегафон, UTEL).

Эм ФАП.

Дзебсьöны карбасовчи Ярашутёмас (Козвовчиланьын) нето белоёвланяс.

Культура

Челядьсад да пондöтчан школа Карбассис пöдналöмась. Челядь велöтчöны Белоёвын.

Эм культура керку (клуб), сэтчин вöлöмась кружоккез, öні кольччис токö библиотека, порйöтан зал пöртöтмась физзалö, кытöн орслöны воллейболöн да баскетболöн. Фольклор коллектив абу.

Клубас чулöтöны быдöс роч празьниккез

Отирыс порйöтöны покров, кöдö татöн лыддьöны престольнöй вежалунöн.

Карбасын пö вöлöма часовня (?). Öні татіссез ветлöны юрбитны Кудымкарö.

Казьмöтаннэз да сингажöтаннэз

Археология сьöрті казьмöтан эм Епинын.

Лыддьöтан

• Коми-Пермяцкий национальный округ. Москва-Ленинград, 1948.