Инвожо (Уддядиись ансамбль)
Инвожо — Удмуись Кияса йӧрӧсын, Уддяди грездсис фольклорнӧй ансамбль.
История
вильмӧтны«Инвожо» ансамбль вӧлі аркмӧтӧм 1986' годӧ, кӧр Уддяди клубын уджаліссезлӧ да татісь отирлӧ окота лоис аслыныс сьылісь котыр лӧсьӧтны.
Коллектив
вильмӧтны«Инвожоын» сылыссез пыр вежсьӧны. Перво сэтчӧ и томмез ветлвывлӧмась, а ӧні токӧ 45-75-годся отирыс сьылӧны (унажыксӧ инькаэз). Лыдныс вежсьӧ жӧ. Талун кежӧ кытӧнкӧ 15 морт сьылӧны ансамбляс.
Веськӧтліссез
вильмӧтныВеськӧтлӧны ӧні коллективӧн кыкӧн. Этӧ Уддядиись шоччисян керкуын юралісь, бур гармонист Н. И. Смирнов, да (2001' восянь) Кияса йӧрӧсісь тӧдса уджалісь Н. В. Пахомова.
Концертасьӧм
вильмӧтны2007' воын ансабльыс концертасис Башкырмуись кынымкӧ карын. Сэсся «Инвожо» ветлісӧ Эстмуӧ, 2006' годӧ — Латвияӧ, а сы вотӧдз и Финмуын вӧлісӧ. 2011' годӧ коллектив мыччаліс асьсӧ «Гораним минута» проектын, дорйис сідзкӧ Удмулісь горанимсӧ Мӧскваын.
Вермӧммез
вильмӧтныИнвожо ансамльсӧ пасйӧмась:
- Волгадорись но Издорись чудь-йӧгра отиррезлӧ лӧсьӧтӧм «Воршуд» фестивальын вермӧм понда Рочмуись да Удмуись культура министраиннэз дипломӧн (2002);
- Роч сьыліссезлӧн «Родные напевы» нима фестивальын «Фольклорнӧй письня» номинацияас лауреат дипломӧн (2003' тӧвшӧр 31' лун);
- удмурт культура видзӧм-зорӧтӧм понда да Кияса йӧрӧсын чулӧтӧм Ёртасян коровод фестивальын бура мыччисьӧм понда дипломӧн (2007' арпом 24' лун, Кияса йӧрӧсісь Первомай посад).