Зиль-Зёль — этӧ коми зыряналӧн сьыланкыв. Шыладыс В.Гущинлӧн Кыввезыс А.Шебыревлӧн

Мусук локтіс рытъядорӧ,
Ӧшинь улын кыйкъялӧ,
Ывла вылӧ бара корӧ,
Менам бандзиб ыпъялӧ.
Пельӧй чошӧ, мый нӧ тайӧ,
Мелі шыысь пӧсьӧдӧ.
Кодкӧ ворсӧ–ворсӧ рытӧ–войӧ,
Кодкӧ сьӧлӧм вӧрзьӧдӧ.

Припев:
Зиль–зёль кӧнкӧ кылӧ,
Зиль–зёль вошӧ дой,
Зиль–зёль, зиль–зёль олӧм–вылӧм,
Талун сатин, аски ной.

Кильчӧ вылын зонмыс вӧзйӧ
Аслас киӧн вӧчӧмтор.
Аддза: синмыс шудӧн ӧзйӧ,
Варовитӧ серамсор.
Менам киын югыд шонді,
Менам киын вӧрса ёль,
Гулыд сӧстӧм ягыс, чизыр тӧлыс –
Ӧти кывйӧн зиль да зёль.

Мусук локтіс рытъядорӧ,
Менӧ мамӧ велӧдӧ.
Еджыд кудри, вылын морӧс,
Тэнӧ зонмыс ылӧдӧ.
Мамӧй, мамӧй, зӧлӧтанӧй,
Сыысь муса зон эз коль.
Олӧм–олӧм гугӧй, олӧм банӧй,
Артмам сыкӧд зиль да зёль.