Важ перем гижӧт

Важ перем гижöт (сідзжö шуöны важ перем гижöт, важ коми гижöт, важ коми анбур, Степанлöн анбур) — коми отирлӧн медваж гижöт, кöдö коми кыв понда лöсьöтöма вежа Перем Степан.

Ним йылісь

Перем гижöтнас этійö алфавитсö шуöны то мыля. XII-XV веккезö роччез нимтöмась Коми мунымöс Пе́ремь. Этійö кывсö локтісь славяна кывлöмась вепссэзлісь, кöдна ны сайись муэсö шуöмась Пе́рямя, мый лоö "Бöрму". Вежа Степаныс и локтас этія Перем муö, медбы пыртны татісь коми отирсö Кристос нимöн да лöсьöтны татчö епархия. Эта понда сылö коліс вуджöтны Ен небöггез коми кыв вылö. Мед текстыс вöлі виль кристосаэзлö вежöртана, мортыс босьтöма важ коми пассэз да лöсьöтöма нійö роч да эллин шыпассэз сьöрті. Перем муын оліссезлöн, коми отирлöн, лоис ассяма алфавит, кöдö и шуöны важ перем гижöтöн нето важ перем анбурöн.

Анбур (мукöдыс гижöны абур) лоö алфавит комиöн. Роч азбука моз жö, коми анбурыслöн нимыс аркмöма кык медодзза шыпаслісь ниммесö тэчöмöн: ан да бур. Медваж коми анбурсö вежа Степан и лöсьöтöма. Сійöн, кöр рочöн баитöны анбур йылісь, вежöртöны этія ним увтын токö стефаница. Но коми отирлöн анбуррес и сёрöнжык уна эшö вöлісö. Сысянь стефаница йылісь мийö комиöн висьталам: важ коми анбур нето Степанлöн анбур, и эта лоö сія жö, мый важ перем гижöт.

Галерея

• 
• 
• 
• 
• 

Лыддьöтан

• Бараксанов Г. Г. Важ коми гижöдъяс. Сыктывкар, 1992.
• Лыткин В. И. Древнепермский язык. М., 1952.
• Лыткин В. И. Историческая грамматика коми языка. ч. 1. Сыктывкар, 1957.
• Сперанский М. Н. «Тайнопись в юго-славянских и русских памятниках письма». Л., 1929.
• Христианизация Коми края и ее роль в развитии государственности и культуры. Т. 2. Филология. Этнология. Сыктывкар, 1996.
• Шабаш А. В. «История криптографии», Ч. 1. М., 2002. ISBN 5-85438-043-9
• Черепнин Л. В. «Русская палеография». М., 1956.

Ыстӧттэз

• Языки народов России в интернете — Абур
• Old Permic alphabet Omniglot.com сайтын
• Заявка на включение древнепермской письменности в Юникод Гижись: Майкл Эверсон

Коми кыв