Бормотовчи (Кудымкар район)

Бормото́вчи – Перем ладорись Коми кытшын, Кудымкар районсис Ленинск посадмуын коми грезд (деревня).

Бормотовчи Бормотово
Му:	Рочму
Статус:	грезд
ладор:	Перем ладор
район:	Кудымкар район
Важжык ниммез:	Мармотова
Инлыдпассэс:	58°51′14″ с. ш. 54°29′45″ в. д.
Веськӧтлан кыввез	роч, коми
Отир лыд	82 морт (2009)
Час кытш:	UTC+5+5
Телефон нумерӧ содтӧт:	+7 34260
Почта инпас:	619544
Авто нумерӧ содтӧт:	59

Ним йылісь

Бормотовчисö коми отир эшö шуöны Бормотова. Öтік идея сьöрті шуаныс аркмöм Бормот (< Бурморт) нимись.

1869' годö гижöмась грездыслісь и мöд ним – Мармотова.

География

Бормотовчи грезд сулалӧ Вертюсва посадсянь асыввылö 21 км ылынаын, Юсьва ю дорын.

Ордча грезддэз

Öні сы ладорын оланіннэзісь Бормотовчиыс кольччöма невна не öтнас. Медматын грезд, кытöн эшö олö морт, – Косогор. Сія сулалö Бормотовчисянь асыввылö 3,8 км ылынаын.

Матынжык, 1 км ылынаын, адззам йöзтöм деревняэз Сеня (асыввылас) да Митрок (ойвыв-асыввылас). Отиртöм Юсвадор поздісьöм рытвылас 3,6 км ылынаын.

Мунан кö ойвылас нёль километра, петас Разин грезд.

Одзжык матын вöлöмась эшö деревняэз: Дзольпальник, Трӧпим. Торйöн лунвылас сулалöмась грезддэз Чирков, Полом, Новӧй Деревня, Карабатова, Русакова, Кутор.

Матісь ландшафттэз

Бормотовчи сулалö Юсьва ю кыкнан вадöрын.

Мыссэз да кырассэз

• Абраммыс, вылынін, Юсьва сайын, сэтчин одзжык дзеблöмась поппезöс
• Вольвог, Бормотовчисянь кайны 5-6 км Палёжланяс
• Вольмыс, Вольвог бердын
• Вылынмыс
• Галямыс, Митрок сайын
• Галяяма, карьер Митрок сайын, сэтчин купайтчöны
• Дженытвог, Митроксянь кайны Разинланяс
• Йöктамыс, Сеня да Косогор коласын
• Ключьюр, мыс; Бормотовчи, Сеня да Митрок коласын
• Крутик, мыс; Бормотовчи, Сеня да Митрок коласын
• Кузьвог, Митроксянь кайны 2 км Разинланяс
• Курьякерöс, мыс
• Льöмпуамыс, Бормотовчисянь 7-8 км ылынаын
• Митрокмыс, Митрок дорын
• Мокшамыс, Бормотовчисянь 6-7 км ылынаын, Палёжас
• Палёжонок, Бормотовчисянь 0,5 км ылынаын
• Паськытвог, Митроксянь кайны 3 км Разинланяс
• Петькамыс, Бормотовчи дорын, сэтчин олöма Лесников Петра
• Санамыс, Митрок дорын, матын олöма Сана
• Райувт ?
• Сёмалог, Митрок дорын
• Сенямыс, Сеня дорын
• Чукмыс

Юоккез

• Бараншор
• Винакераншор
• Нокташор ?
• Сьöдьяшор
• Трубиншор
• Тшакляшор

Вöррез, видззез да ыббез

• Гавриковскöй вильса, Бормотовчисянь 8-9 км ылынаын, Палёжын
• Вöрдормысйыв, ыб; Митроксянь 1 км ылынаын
• Дженыт Волок = Спасов Волок, Митрок сайын
• Жоньвидз, Сеня увдöрын, ю пöлöн, сэтчö ветлöны чериавны
• Кöзапальник, Трöпим сайын
• Косогор волок, Косогорсянь 1 км ылынаын
• Митровскöй вильса, Бормотовчисянь 8-9 км ылынаын, Палёжын
• Мишка вильса
• Мöдвапöввöр, Митрок сайын
• Палёж, ыджыт вöр, Бормотовчисянь 8-9 км ылынаын
• Ньывокаин, вöрок Бормотовчи лунвыв-рытвылас
• Онисько вильса
• Öндру вильса
• Пискаволь, вöрьяин; Бормотовчисянь 3-4 км ылынаын
• Серкополом, вöрьяин, Бормотовчисянь неылын
• Трöпимпальник, Трöпим сайын
• Трöпимовскöй поле, Трöпим дорын
• Чуманйöрок, Митрокын
• Чирковволок, Трöпимсянь 3 км ылынаын
• Шагайволь, Бормотовчисянь мунны 3-4 км Разинланяс
• Шамаста́ин нето Шамастана́ин, ыджыт вöр, Сенясянь 3 км ылынаын
• Шамаста́инмыс, ыб Сеня сайын
• Шорпальник

Мöдік местаэз

• Вöрдор ворота, Митроксянь 1 км ылынаын
• Вöрдорувт, Митроксянь 1 км ылынаын
• Каркоместа, Митроксянь неылын
• Чарöтöм кöзувт
• Чарöтöм пожум

Янсалöм

• Островок ?
• Дзу́зьгин (Мöдвапöв)
• Петько́вчи
• Шо́рсай

Посадын туйез

Вертюсваын ниммесö öні новйöны 3 туй да öтік туйколас :

Коми ним	Роч ним
Вылісь туй	ул. Центральная
Мöдлапöв туй	пер. Заречный
Улісь туй	ул. Березовая
?	ул. Подлесная

Веськöтлан

Öні грездыс пырӧ Ленинск посадмуӧ. Посадмуыслöн юкöт (структурнöй подразделеннё) лöсьöтöмась Вертюсваын, кытчö бормотовса ветлöны юралан специалист да мумерайтісь дынö.

Сэтчин жö мöдік каналан (государственнöй) службаэз:

• Рочму почталöн юкöт №619544 (уджалö куимись недель вылас)
• Рочму сбербанклöн филиал №729/028
• АТС
• Кусöтчан депо
• Кудымкар вöрхозлöн Вертюсваись вӧрвидзан

Деревняын эм староста.

Отир

Олöны деревняас бормото́вса, öтік мортсö шуöны бормото́вскöй.

2009' во пондöтчикö нія гумагэз сьöрті вöлöмась 82-а, видзöмась 32 горт.

Оліссез комиöсь, баитöны комиöн.

Медуна отир гишшöны Казаринов да Бормотов.

Мöдік гишшаннэз:

• Зубов (Митрокись)
• Зыкин
• Исаков (Дзельпальникись)
• Мокрушин (Чирковись)
• Нуков (Юсвадорись)
• Полуянов (Дзельпальникись)
• Рязанцев
• Савин (Трöпимись)
• Трубинов (Дзельпальникись)
• Хозяшев (Юсвадорись)
• Четин (Юсвадорись)

Важжык отир новйисö нимкоддез: Вася Турка, Вукöй Улька, Кушман Степан, Кыр Пёдорок, Чуман Миколика.

Кöзяйство да быт

Одзжык татöн вöлі «Родина» колхозлöн Бормотовскöй бригада. Кöдззлöмась 2,5 сюрс га пасьта. Вöлі сювидзан, мöскартаэз (кык ферма). 1992'/93' воэзö колхозыс разьсис, перво лоис кооператив, сэсся öтласа кöзяйство нач эз ло.

Отирыс олöны торья горттэзöн. Быдтöны карч, йылöтöны пода (мӧссэз, вӧввез, баляэз, порссез, курӧггез, дзодзоггез), видзöны мошшез. Сюсö некин оз ни кöдз.

Бормотовчи тшакьялöны да ягöдалöны (озъягӧд, ӧмидз, сэтӧр), мукöдыс вöралöны.

Заптöны керрезöн вöр.

Унаöн юöны, этасянь уна кулöны (миллениум коста 13 мортöдз год вылас). Сысянь жö керсьö берся лёк. Сельполісь лавка унаись петкöтлöмась, сійöн магазинсö нульöт годдэз шöрын пöдналöмась. Öні Бормотовчиас кайлö автолавка Ляпинчисянь öтпыр недель вылас, нёльöдзлунö.

Грездын эм таксофон, радиотелефоннэз, позьö баитны мобильникöт (UTEL), видзöтны телевизор.

Деревняын уджалö аптека (ФАП).

Бормотовчилöн эм асланыс шойна (креста городок): дзебсьöны деревнясянь 1,7 км ылынаын, Косогорланяс.

Культура

Вöлі школа, кытöн перво велöтöмась 8 классöдз, сэсся 4 классöдз. 1993' годö школаыс сотчöм, öні челядьыс ветлöны велöтчыны Вертюсваöдз.

Вöлі клуб да библиотека часовня керкуын.

Одзжык отир пантавлöмась тулыс Абраммыс вылын, сэтчин керлöмась бипур.

Отир порйöтöны:

• Иллялун
• Микайлун, декаб 21' лунö, зэрö
• Семик

Казьмöтаннэз да сингажöтаннэз

• Важ часовня

Ӧшмӧссэз

• Казаринова В. П. Кипонісь гижӧм материаллэз. Пермь, 1975.
• Коми-Пермяцкий национальный округ. Москва-Ленинград, 1948.