Ока́та са́ридз (рочӧнжык Охо́тскöй мо́рё) – Лӧнь океанлӧн тор Ойвыв Азия бердын. Ыждаыс — 1603 сюрс км². Саридз дорын куйлöны кык канму: Рочму да Ниппон.

Оката саридз да сы гӧгӧр

Ним вильмӧтны

Оката саридз шусьö сідз Окат ю сьöрті, а окатыс эвен кыв вылын и лоö «ю». Роччез сыбöрын соралісö шуансö, да сідз аркмис ним Охотскöй морё. А одзжык морёсö шуöмась эшö Лам нето Ламскöй морё (эвенск. лам — «саридз»), а сідзжö Камчатка саридз.

Ниппонса важынсянь шуöмась этö саридзсö Хоккай (北海) «Ойвыв морё». Но сійöн, мыля öні сідз шусьö мöд Ойвыв саридзыс, кöда тай Атлантика океан бердын, нія сетöмась Оката саридзыслö виль ним Охоцуку-кай (オホーツク海), кöдö нія аскодялöмась роч Охотскöй морё ним сьöрті.

Доррез вильмӧтны

 
Оката саридз Магадан дорын

Лӧнь океан бердiсь Октата саридзсӧ янсӧтӧны Курила діэз. Саридзыс лунвыв-рытвыв ладорын континент дынас матын куйлӧ Сахалин ді, кӧда торйӧтӧма континент бердiсь Тотара висӧн. Лунвыв-асыввылас Оката саридз дорö петö Хоккайдо ді.

Курьяэз коласiсь ыджытжыккес ойвыв-асыввылын: Гижига курья да Пенжина курья, діэз коласiсь – Шантар муэз.

Асыввылын, Камчатка дынас, вадӧррес унажыксӧ лажмытӧсь, ойвыв-рытаылас крутӧсь да кыртаӧсь, судноэз сулалӧм понда лӧсьыт бухтаэз етшаӧсь.

Пыдынаэз вильмӧтны

Медпыдынiннэсö адззöмась лунвыв акваторияын (3916 метраӧдз). Вадöр визьын ваыс 200 метрася не пыдынжык, а ойвывланьсянь Тотара висӧ пыранiнын 20 м пыдына и лажмытжык.

Туӧммез овлӧны Оката саридз вылас ӧддьӧн вылынӧсь, буражыксӧ Пенжина бухтаын, кытӧн туан гыыс лэбтiсьлӧ 11 метраӧдз.

Климат вильмӧтны

Оката саридзлӧн ойвыв помыс куйлӧ Онега ты паськыта вылын, лунвыв помыс – Крым паськыта вылын. Но сёжӧ климатыс сьӧртi Оката саридзыс – полюс дорись бассейн.

Тӧвнас Оката саридз йысялӧ быдсӧн, кольччӧ кынмытӧг только шӧрыс, кытӧн нешоча овлан бушковвез падмӧтӧны йыыслӧ аркмыны. Йыӧн вевттисьӧ нояб пондӧтчикӧ, оссьö – юнь пондӧтчикӧ. Но Шантар муэз дынын и ойвыв торын йыэс видзсьӧны юль шӧрӧдз.

Гожумнас нешоча овлӧны сук туманнэз, кӧдна шогмӧны кӧдзыт ва вевдӧрӧ шоныт ру павкӧмсянь. Оката саридзлӧн туманнэс ӧддьӧн бура падмӧтӧны судноэзлӧ ветлыны да самолёттэзлӧ лэбавны. Но Оката саридз весьтын куйлӧны аэролинияэз Хабаровсянь Камчатка вылӧ да Чукотка кӧдж вылӧ. Туманнэс мукӧд пырися сулалӧны недель-мӧдӧн. Шантар муэсӧ нельки сьӧкыт адззыны самолёт вылiсянь.

Шонтӧг режим да совпайыс вильмӧтны

Тӧвся кадӧ валӧн шонтӧгыс саридз вевдӧрын овлӧ −1,8-сянь 2,0 °C-ӧдз, гожумӧн шонтӧгыс лэбтісьӧ 10-18 °C-ӧдз.

Вевдӧрся слой увтын, 50-150 метра пыдынаын куйлӧ кӧдзыт ва колас, кӧдалӧн шонтӧгыс оз вежсьыв во сьӧрна да лоӧ −1,7 °C гӧгӧр.

Лӧнь океансянь Курила виссэзӧт локтӧны туан ваэз, кӧдна аркмӧтӧны пыдӧс весьтын ва массаэз температуранас 2,5 — 2,7 °C (топ пыдӧс бердын — 1,5-1,8 °C). Вадор районнэзын, кытчӧ петӧ уна ва юэзісь, ваыслӧн шонтӧгыс тӧвнас 0 °C гӧгӧр, гожумся кадӧ — 8-15 °C.

Совпайыс саридз вевдӧрас — 32,8—33,8 промилле. Шӧрись кӧдзыт слойын — 34,5. Пыдӧс бердын ваыс солассьӧм 34,3 — 34,4 ‰ мымда. Вадӧр районнэзын ваыс 30‰ сола.


Ваыслöн шöрöт шонтöгыс горизонттэз сьöрті °C
(чут понда, кöдалöн координатаэз 46,5° о. п. 150,5° р. к.; 1942–2005 воэзся лыдпассэз):[1]
Горизонт м Январ Февраль Март Апрель Май Юнь Юль Август Сентяб Октяб Нояб Декаб
0 2,37 0,34 -0,44 0,05 1,27 2,08 5,26 6,04 10,0 8,12 4,47 3,08
10 2,38 0,32 -0,42 0,10 1,30 1,68 4,48 5,47 8,20 6,76 5,03 3,09
20 2,37 0,33 -0,23 0,10 1,14 1,47 3,57 4,07 6,31 6,45 4,56 3,09
50 2,50 0,86 -0,09 0,25 0,38 1,10 1,70 2,16 2,42 4,17 3,48 3,06
100 3,06 1,01 0,29 0,50 0,12 0,98 1,30 1,53 1,90 2,53 2,46 2,66
200 2,25 1,46 0,60 0,70 0,72 0,94 1,16 1,41 1,13 1,68 1,44 1,59
400 1,71 1,21 1,25 1,10 1,23 1,01 1,11 1,28 1,44 1,49 1,39 1,15

Кöзяйство вильмӧтны

Миян кадӧ Оката саридз вадöррес перыта осваивайтчӧны. Погоддя сьӧрын видзöтӧм понда керсьӧны радиостанцияэз да метеорология станцияэз.

Медыджыт порттэз: континент вылын — Магадан, Аян, Охотск (портпункт); Сахалин дi вылын — Корсаков, Курилаэз вылын — Северо-Курильск.

Ыстісяннэз вильмӧтны

  1. ЕСИМО.

Литература вильмӧтны

  • Шамраев Ю. И., Шишкина Л. А. Океанология. Л.: Гидрометеоиздат, 1980.

Ыстöттэз вильмӧтны

Шаблон:Лöнь океанлöн саридззез